အဖမ်းခံရ

September 30, 2021

မင်းအောင်လှိုင်မကောင်းကြောင်း ပြန်မျှဝေမိသည့် ဧရာဝတီတိုင်းအစိုးရအဖွဲ့ရုံးဒုဦးစီးမှူးအဖမ်းခံရ

ဧရာဝတီတိုင်းအစိုးရအဖွဲ့ရုံးမှာ စက်တင်ဘာလ ၂၈ ရက်နေ့က အစိုးရအဖွဲ့ရုံးမှာ တာဝန်ထမ်းဆောင်နေတဲ့ ဒုဦးစီးမှူး ဦးမိုးကိုကိုလွင်ကို အကြမ်းဖက်စစ်ကောင်စီတပ်တွေက ဝင်ရောက်ဖမ်းဆီးသွားတယ်လို့ သိရပါတယ်။

ရုံးမှာ ဒုဦးစီးမှူး ဦးမိုးကိုကိုလွင် အလုပ်လုပ်နေချိန် စစ်တပ်က အင်အား ၁၀ ယောက်လောက်နဲ့ရောက်လာပြီး ဝင်ရောက်ဖမ်းဆီးသွားတာလို့ လုံခြုံရေးအရ အမည်မဖော်လိုတဲ့ ရုံးဝန်ထမ်းတဦးက ပြောပါတယ်။

"သီးသန့်ရောက်လာတာမျိုးတော့မဟူတ်ဘူး အစကတည်းက စစ်သားတွေက ရုံးထဲမှာရှိတယ်။ သူ့ကို ရုံးထဲမှာဖမ်းခေါ်သွားတာ အစက ဘာမှန်းမသိဘူး၊ ဦးစီးခေါ်တယ်ဆိုလို့ သွားတာ အဲ့မှာဖမ်းသွားတာ။”

အကြမ်းဖက်စစ်အုပ်စုက ဦးမိုးကိုကိုလွင်ကို စစ်အုပ်စုခေါင်းဆောင် မင်းအောင်လှိုင် မကောင်းကြောင်းရေးသားထားတဲ့ ပိုစ့်ကို ကိုယ်ပိုင်အကောင့်မှာပြန်မျှဝေခဲ့မိတာကြောင့် ဖမ်းဆီးခဲ့တာလို့ ဆိုပါတယ်။

ကန်ကြီးထောင့်မြို့နယ်မှာလည်း စက်တင်ဘာလဆန်းပိုင်းက ဒုမြို့နယ်အုပ်ချုပ်ရေးမှူးဖြစ်သူကို အကြမ်းဖက်စစ်အုပ်စုက ဖမ်းဆီးခဲ့ပါသေးတယ်။

2 weeks Ago

September 20, 2021

ပွဲစားခဘတ် ၂၅,၀၀၀ ထိပေးပြီး ထိုင်းဘက်တရားမဝင်ဝင်လာသည့် မြန်မာ ၄၇ ဦး လမ်းပြများနှင့်အတူ ဖမ်းဆီးခံရ

ထိုင်းနိုင်ငံဘက်ကို တရားမဝင် နယ်စပ်ဖြတ်ကျော် ဝင်ရောက်ခဲ့တဲ့ မြန်မာနိုင်ငံသား ၄၇ ယောက်ကို လမ်းပြ ၄ ယောက်နဲ့အတူ ဆွိုင်ယော့ခ်ခရိုင်ထဲမှာ ထိုင်းနယ်မြေကင်းလှည့်တပ်က ဒီကနေ့မနက် အစောပိုင်း ဖမ်းဆီးခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။

စစ်သားတွေ၊ ရဲတွေနဲ့ ဒေသခံတွေ ပူးပေါင်းပါဝင်တဲ့ ကင်းလှည့်တပ်ဖွဲ့ဟာ သူတို့ကို မနက် ၆ နာရီလောက်က ဒေသတွင်း ဗလီတခုရှေ့က သစ်ပင်တွေကြားမှာ တွေ့ရှိခဲ့ရတာလို့ ဆိုပါတယ်။

ဖမ်းမိသူတွေထဲမှာ မြန်မာအမျိုးသား ၂၈ ယောက်နဲ့ အမျိုးသမီး ၁၉ ယောက်ပါဝင်ပြီး သူတို့ကို ထားဝယ်နဲ့ ပဲခူးမြို့တွေကနေ ထိုင်း-မြန်မာနယ်စပ်ထိ လမ်းပြအမျိုးသား ၄ ယောက်က ဦးဆောင်ခေါ်လာခဲ့တာလို့ ပြောပါတယ်။

ဖမ်းမိချိန်မှာ သူတို့ဟာ ဘန်ကောက်နဲ့ နခွန်ပထုံဒေသတွေဆီ သွားရောက်ဖို့ စောင့်ဆိုင်း နေချိန်ဖြစ်ပြီး ခုလိုလာရောက်ဖို့ တယောက်ကို ပွဲစားခဘတ်ငွေ ၁၄,၀၀၀ ကနေ ၂၅,၀၀၀ ပထိ ပေးခဲ့ကြရတယ်လို့ ဆိုပါတယ်။

လတ်တလောမှာတော့ သူတို့အားလုံးနဲ့ လမ်းပြ ၄ ယောက်ကို ဆွိုင်ယော့ခ်ရဲစခန်းဆီ ပို့ ဆောင်ထားပြီး ဉပဒေအရ လိုအပ်တဲ့ စစ်ဆေးမှုတွေ ဆက်လက်လုပ်ဆောင်နေတာ ဖြစ်ပါတယ်။

4 weeks Ago
More News
Up