အာဆင်နယ်အသင်းဟာ နယူးကာဆယ်အသင်းနဲ့ပွဲစဉ်မှာ ကစားသမားတွေကို ထိန်းသိမ်းနိုင်စွမ်းမရှိ ဘူးဆိုတဲ့ စွဲချက်နဲ့ အက်ဖ်အေက အရေးယူဖို့ရှိနေပါတယ်။
အဲဒီပွဲစဉ်မှာ ပင်နယ်တီမပေးခဲ့တာနဲ့ ပတ်သက်ပြီး အာဆင်နယ်ကစားသမားတွေက ကွင်းလယ်ဒိုင် အန်ဒီမက်ဒလေကို ဝိုင်းဝန်းစောဒကတက်ခဲ့ကြတာပါ။
ပွဲချိန် ၉၅ မိနစ်မှာ ကွင်းလယ်လူ ချာကာရဲ့ ဖြတ်တင်ဘောဟာ နယူးကာဆယ်ကစားသမား ဂျက်ကော့မာဖီရဲ့ လက်နဲ့ထိခဲ့ပေမယ့် ပင်နယ်တီမပေးခဲ့တဲ့အပေါ် အာဆင်နယ်ကစားသမားတွေက အပြင်းအထန်စောဒကတက်ခဲ့ကြတာပါ။
အဲဒီဖြစ်ရပ်နဲ့ ပတ်သက်ပြီး ကစားသမားတွေကိုထိန်းသိမ်း နိုင်စွမ်းမရှိဘူးဆိုတဲ့စွပ်စွဲချက်နဲ့ အာဆင်နယ်ကို အရေးယူဖို့ အက်ဖ်အေကဆုံးဖြတ်ခဲ့တာပါ။
အာဆင်နယ်အသင်းအနေနဲ့ ဇန်နဝါရီ ၁၀ ရက်မတိုင်ခင် အက်ဖ်အေကို ဖြေရှင်းချက်ပေးရမှာဖြစ်ပြီး ဒဏ်ကြေးချမှတ်ခံရဖို့ရှိနေပါတယ်။
