အပြင်မထွက်ရအမိန့်

March 29, 2021

မူဆယ်တွင် အပြင်မထွက်ရအမိန့်ထုတ်၊ ဆန္ဒပြသူ ၁၂ ဦးထက်မနည်း ဖမ်းဆီးခံရ

ရှမ်းပြည်မြောက်ပိုင်း မူဆယ်မြို့မှာ အာဏာသိမ်းစစ်ကောင်စီရဲ့ အကြမ်းဖက်တပ်ဖွဲ့ ဝင်တွေက ဆန္ဒပြသူတွေကို  လိုက်လံဖမ်းဆီ းရာမှာ အနည်းဆုံး ပြည်သူ ၁၂ ဦးဖမ်းဆီးခံထားရပါတယ်။ 

ပြောက်ကျားပုံစံနဲ့ ဆန္ဒပြနေသူတွေ လိုက်လံဖမ်းဆီးခဲ့ကြောင်း ၊ မူဆယ်တောင်ရပ်ကွက်က ဆန္ဒပြသူ အနည်းဆုံး ၁၂ ယောက်လောက် ပါသွားတယ်လို့ မူဆယ်ဒေသခံတစ်ဦးက ဒီဗွီဘီကို ပြောပါတယ်။ 

“း သပိတ်မှောက်တဲ့လူတွေ လိုက်ဖမ်းတာ၊ မူဆယ်တောင်ရပ်ကွက်ထဲက ပြောက်ကျားသပိတ်အဖွဲ့ထဲကို အသံဗုံးနဲ့ ပစ် ည့်တယ်၊ ပြီးတော့ ကျည်အစစ်ပါတဲ့ သေနတ်နဲ့ ပစ်ထည့်တယ်၊ အဲဒါကြောင့် ဆန္ဒပြတဲ့လူတွေထွ က်ပြေးတာ ကမ္ဘောဇဘဏ်လမ်းကြားထဲမှာ သူတို့ကိုဖမ်းမိသွားတယ်၊ ၁၂ ယောက် မိန်းကလေး ၄ ယောက်ပါတယ်လို့ သိရတယ်ခင်ဗျ    ”

မူဆယ်က ပြောက်ကျားဆန္ဒပြသူ နောက်တစုဟာ ဟိုမွန်ရပ်ကွက် ၄၅ ကုန်း လမ်းသွယ် ၉ ဘက်မှာ ရောက်ရှိနေပြီး ကိုယ်ထူကိုယ်ထ လုပ်ထားတဲ့ အကာအရံတွေနောက်ကနေ စစ်ကောင်စီအကြမ်းဖက်အဖွဲ့ရဲ့ ပစ်ခတ်မှုကို   တတ်နိုင်သလောက် ပြန်ပြီးခုခံကာကွယ်နေကြ တယ်လို့ ဆိုပါတယ်။ 

“ သူတို့ပစ်နေတုန်းဘဲ ( ညနေ ၂ နာရီခွဲထိ ) ၊ အသံဗုံးနဲ့လည်းပစ်တယ်၊ ရာ ဘာကျည်လည်းပါတယ်၊ တကယ့်ကျည်အစစ်လည်းပါတယ်။ ဆန္ဒပြသူဘက်က ဘာရှိမလဲ၊ လေးဂွတွေ ဓားတွေ၊ တုတ်တွေတော့ ကိုင်ထားကြတာပေါ့၊ အတင်းတိုးဝင်လာရင် နိုင်သလောက်ပြန်ချဖို့ ဘဲရှိတာပေါ့” 

ဒါ့အပြင် မူဆယ်မြို့ ကံ့ကော်လမ်းနားမှာလည်း နောက်ထပ်ပြောက်ကျားသပိတ်တဖွဲ့က  အကြမ်းဖက်လုံခြုံရေးအဖွဲ့ကို ခုခံကာကွယ်နေတယ်လို့ ဆိုပါတယ်။ 

တဘက်မှာလည်း လိုက်လံဖမ်းဆီးတာတွေရှိနေတယ်လို့ သတင်းရပြီး နောက်ထပ်ဘ ယ်နှစ်ယောက်ပါသွားလဲဆိုတာ မသိရကြောင်း ၊ ဒီကနေ့ မူဆယ်တမြို့လုံး ခြောက်ကပ်နေပြီး ဗုံးသံသေနတ်သံတွေဘဲ တချက်တချက်ကြားနေရတယ်လို့ ဒေသခံက ပြောသွားပါတယ်။ 

ရှမ်းသံတော်ဆင့်သတင်းမှာတော့ စစ်ကောင်စီတပ်ဖွဲ့က ဖမ်းထားတဲ့လူတွေကို မီးရှို့ပစ်မ ယ်လို့ ခြိမ်းခြောက်တာကြောင့် လူထုက ခရိုင်လဝကရုံးကို သွားရောက်ဖျက်ဆီးကာ ရုံးရှေ့မှာ မီးရှို့ပြခဲ့ကြောင်း ၊ အထဲကစာရွက်စာတမ်းတွေတော့ ဖျက်ဆီးတာမရှိဘဲ ဖမ်းထားသူတွေပြန်လွှ တ်ပေးဖို့၊ လွှတ်မပေးရန် တန်ပြန်မှုအရှိန်မြှင့်မယ်လို့ လူထုကပြောကြောင်း ဖော်ပြထားပါတယ်။

8 months Ago

October 25, 2020

နိုင်ဂျီးရီးယားတွင် ၂၄ နာရီ အပြင်မထွက်ရအမိန့် ပြန်ဖြေလျော့

နိုင်ဂျိးရီးယားနိုင်ငံရဲ့ အကြီးဆုံးပြည်နယ် လာဂို့စ်က အာဏာပိုင်တွေဟာ လတ်တလော ရက်အတွင်း မတည်ငြိမ်မှုကို ထိန်းသိမ်းပြီး ဥပဒေစိုးမိုးစေဖို့ ကြိုးစားတဲ့အနေနဲ့ ထုတ်ပြန်ထားတဲ့ ၂၄ နာရီ အပြင်မထွက်ရအမိန့်ကို အောက်တိုဘာ ၂၄ ရက်မှာ ပြန်ပြီး ဖြေလျှော့ပေးလိုက်ပါတယ်။  ရဲတွေရဲ့ ရက်စက်မှုကို ဆန့်ကျင်တဲ့ ဆန္ဒပြပွဲကို လုံခြုံရေးတပ်ဖွဲ့ဝင်တွေက ပစ်ခတ်ခဲ့လို့ အကြမ်းဖက်မှုတွေ ပေါ်ပေါက်ခဲ့တာပါ။ အောက်တိုဘာ ၂၄ ရက်မှာတော့ မြို့ရဲ့အသက်ဝင်မှု ပုံမှန်လို တဖြည်းဖြည်း ပြန်ဖြစ်လာပါတယ်။  ခုတော့ ဒေသစံတော်ချိန် ညနေ ၆ နာရီကနေ မနက် ၈ နာရီထိ အပြင်မထွက်ရအမိန့် ထုတ်ထားပါတယ်။ အဓိက လမ်းတွေပေါ်က အကြမ်းဖက်မှုတွေကြောင့်ဖြစ်တဲ့ အပျက်အစီး အမှိုက်သရိုက်တွေကို လမ်းသန့်ရှင်းရေးသမားတွေက ဖယ်ထုတ်လိုက်လို့ ခုတော့ ယာဉ်ကြောပုံမှန် ပြန်ဖြစ်နေပါပြီ။  လူဦးရေ သန်း ၂၀ ရှိတဲ့ လာဂို့စ်မြို့မှာ အောက်တိုဘာ ၂၀ ရက်ညကစပြီး အကြမ်းဖက်မှု မြင့်တက်လာခဲ့တာပါ။  မြို့တွင်း ခရိုင် ၂ ခုမှာ အင်္ဂါနေ့က ရဲနဲ့စစ်သားတွေဟာ ဆန္ဒပြသူ ၁၂ ယောက်ကို သတ်ခဲ့တယ်လို့ အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့ကြီး Amnesty International က ပြောပါတယ်။  ဒီဖြစ်ရပ်နဲ့ ပတ်သက်ပြီး ချက်ချင်း စေ့စေ့စပ်စပ်စစ်ဆေးဖို့ Amnesty International နဲ့ တခြားအဖွဲ့ ၄၀ က အောက်တိုဘာ ၂၂ ရက်မှာ တောင်းဆိုထားပါတယ်။
1 year Ago
Up