အပစ်ရပ်ပူးတွဲစောင့်ကြည့်ကော်မတီ

September 12, 2018

အပစ်ရပ်ပူးတွဲစောင့်ကြည့်ကော်မတီ အစည်းအဝေး ရန်ကုန်တွင်ကျင်းပ

ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC-U) ရဲ့(၁၈) ကြိမ်မြောက် အစည်းအဝေးကို ရန်ကုန်မြို့၊ ရွှေလီလမ်းမှာရှိတဲ့ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) အစည်းအဝေးခန်းမမှာ ကျင်းပနေပါတယ်။ အစည်းအဝေးမှာ JMC-U ဥက္ကဋ္ဌ ဒုဗိုလ်ချုပ်ကြီးရာပြည့်၊ ဒုဥက္ကဋ္ဌ (၁) ဗိုလ်ချုပ်စောအိုင်းဇက်ဖိုး (KNU)နဲ့ ဒုဥက္ကဋ္ဌ (၂) စိုင်းမျိုးသန့်တို့အပါအဝင် JMC အတွင်းရေးမှူးအဖွဲ့ဝင်တွေ တက်ရောက်ကြပါတယ်။ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC-U) အစည်းအဝေးကို (၂) လ တကြိမ် ပုံမှန်ကျင်းပတာဖြစ်ပြီး (၁၈) ကြိမ်မြောက် JMC-U အစည်းအဝေးကို စက်တင်ဘာ ၁၂ ရက်ကနေ ၁၄ ရက်အထိ ၃ ရက်ကြာ ကျင်းပသွားမှာဖြစ်ပါတယ်။ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ အစည်းအဝေး တွေဟာ ပစ်ခတ်တိုက်ခိုက်မှုရပ်စဲရေးဆိုင်ရာ စည်းမျည်းစည်းကမ်းတွေနဲ့ စစ်ဘက်ဆိုင်ရာ ကျင့်ဝတ်တွေ ချိုးဖောက်မှု၊ အငြင်းပွားမှု ပြဿနာတွေကို ဖြေရှင်းရာမှာ အဓိကကျတဲ့  လုပ်ငန်းစဉ်ဖြစ်ပြီး ပဋိပက္ခနဲ့ အငြင်းပွားမှုတွေကို လက်နက်ကိုင် နည်းလမ်းနဲ့ မဖြေရှင်းဘဲ စားပွဲဝိုင်းမှာဆွေးနွေးညှိနှိုင်း အဖြေရှာတဲ့ လုပ်ငန်းစဉ်လည်း ဖြစ်ပါတယ်။ JMC အဖွဲ့တွေကို ပြည်ထောင်စုအဆင့်မှာ (JMC-U)၊ တိုင်းနဲ့ပြည်နယ်အဆင့်မှာ (JMC-S)နဲ့ ဒေသဆိုင်ရာအဆင့် (JMC-L) ဆိုပြီး ဖွဲ့စည်းထားပါတယ်။ တိုင်းဒေသကြီး/ ပြည်နယ်အဆင့် (JMC-S) တွေကို ရှမ်းပြည်နယ်၊ ပဲခူးတိုင်းဒေသကြီး၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းဒေသကြီးတွေမှာ ဖွဲ့စည်းထားရှိပါတယ်။ ဒေသဆိုင်ရာအဆင့် (JMC-L) တွေကိုတော့ ရှမ်းပြည်နယ် (တောင်ပိုင်း)၊ လင်းခေးမြို့နဲ့ ကရင်ပြည်နယ်၊ ဖာပွန်မြို့တို့မှာ ဖွဲ့စည်းထားပါတယ်။
3 years Ago

July 5, 2018

အပစ်ရပ်ပူးတွဲစောင့်ကြည့်လုပ်ငန်းအတွက် တရုတ်​နိုင်ငံက ကား ၁၀ စီးလှူဒါန်း

ငြိမ်းချမ်းရေးအတွက် ပစ်ခတ်တိုက်ခိုက်မှု ရပ်စဲရေး ဆိုင်ရာ ပူးတွဲ စောင့်ကြည့်ရေးလုပ်ငန်း​တွေမှာ အသုံးပြုဖို့ တရုတ်ပြည်သူ့သမ္မတနိုင်ငံ သံရုံးက မော်တော်ယာဉ် ၁၀ စီးကို ဇွန်​လ ၅ ရက်​​က ပေးအပ်​လှူဒါန်းလိုက်ပါတယ်​။ မော်​​တော်​ယာဉ်​​တွေ လှူဒါန်းရတာနဲ့ပတ်​သက်​ပြီး မြန်မာနိုင်ငံဆိုင်ရာ တရုတ် သံအမတ် ဟုန်လျန်က "JMC၀န်ထမ်းတွေ သက်ဆိုင်ရာဒေသသို့ လျင်မြန်စွာ သွားရောက်ပြီး လုပ်ငန်းတွေ လုပ်ဆောင်နိုင်ဖို့နဲ့ လမ်းပန်းဆက်သွယ်ရေး အဆင်ပြေစေဖို့ ဖြစ်ပါတယ်။ ခုအချိန်လှူဒါန်းတဲ့ မော်တော်ယာဉ်တွေက JMC ရဲ့ စွမ်းဆောင်ရည်တိုးမြှင့်ရေးအတွက် ဆောင်ရွက်ပေးနိုင်ဖို့ မျှော်လင့်ပါတယ်"လို့ ပြောပါတယ်​။ အခုနှစ်ပိုင်းမှာ မြန်မာနိုင်ငံ သက်ဆိုင်ရာဘက်အသီးသီးက အန်စီအေမှာ လက်မှတ် ရေးထိုးပြီးနောက် ပစ်ခတ်တိုက်ခိုက်မှု သိသာစွာလျော့နည်းသွားတဲ့ အခြေအနေကို ဂရုပြု မိ​ကြောင်း၊ ဒီဖြစ်စဉ်အတွင်းမှာ JMCက အရေးပါတဲ့ ညှိနှိုင်းရေးနဲ့ စောင့်ကြည့်တဲ့ အခန်းကဏ္ဍ က ပါဝင်ခဲ့တယ်​လို့ သူက ဆက်​​ပြောပါတယ်​။ တရုတ်နိုင်ငံအနေနဲ့ မြန်မာပြည် ငြိမ်းချမ်းရေးလုပ်ငန်းစဉ်​တွေမှာ ဆက်လက်ကူညီ ထောက်ပံ့ အားပေးသွားမှာဖြစ်​သလို ပင်လုံညီလာခံအစည်းအဝေးကို မြန်မာနိုင်ငံမြောက်ပိုင်း ဒေသက တိုင်းရင်းသားလက်နက်ကိုင်အဖွဲ့အစည်းတွေ တက်​ရာက်​မယ်​လို့သိရတဲ့အတွက်​ ဒါဟာ အပြုသဘောဆောင်တဲ့ ရလဒ်တွေပဲလို့  တရုတ်သံအမတ်ကြီးက ပြောပါတယ်​။
3 years Ago
More News
Up