အပစ်မရပ်အဖွဲ့များ

November 18, 2016

ပူးတွဲစောင့်ကြည့်ရေးကိစ္စ အပစ်မရပ်အဖွဲ့များ ချင်းမိုင်တွင် တွေ့ဆုံဆွေးနွေး

ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (ဂျေအမ်စီ) နဲ့ပတ်သက်ပြီး အန်စီအေ လက်မှတ်မထိုးရသေးတဲ့ ယူအန်အက်ဖ်စီအဖွဲ့ရဲ့ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ဝင်တွေ သုံးသပ်ဆွေးနွေးပွဲ ပြုလုပ်နေပါတယ်။ ဆွေးနွေးပွဲကို ထိုင်းနိုင်ငံ၊ ချင်းမိုင်မြို့မှာ ဒီကနေ့ နိုဝင်ဘာ ၁၈ ရက်နေ့ကစတင်ပြီး နိုဝင်ဘာ ၂၀ ရက်နေ့အထိ ၃ ရက်ကြာ ကျင်းပနေတာဖြစ်ပြီး ဆွေးနွေးနေတဲ့ အကြောင်းအရာ အသေးစိတ်ကိုတော့ မသိရသေးပါဘူး။ အလားတူ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ အစည်းအဝေးကို ရန်ကုန်မြို့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနမှာလည်း မနေ့ကတည်းက စတင်ကျင်းပနေပါတယ်။ ဒီအစည်းအဝေးမှာ ဂျေအမ်စီ-ယူ ဥက္ကဋ္ဌ ဒု-ဗိုလ်ချုပ်ကြီးရာပြည့်က ဂျေအမ်စီအနေနဲ့ နိုင်ငံရေးဆွေးနွေးပွဲတွေကို ဆောင်ရွက်နိုင်ဖို့အတွက် အတတ်နိုင်ဆုံး ပစ်ခတ်မှုမရှိအောင် ဆောင်ရွက်ဖို့လိုတဲ့အကြောင်း ပြောကြားသွားပါတယ်။ ''နိုင်ငံရေးဆွေးနွေးပွဲတွေ စနစ်တကျ ဆောင်ရွက်နိုင်အောင်၊ ပစ်ခတ်တိုက်ခိုက်မှုတွေ လျှော့ချနိုင်အောင် ဆွေးနွေးသွားမယ်။ နောက်တချက်ကတော့ ဖြစ်ပေါ်လာတဲ့ အခြေခံအကြောင်းရင်းတွေနဲ့ ပတ်သက်ပြီး နောင် ထပ်မံမဖြစ်ပွားနိုင်အောင် တကယ့်အခြေခံ အကြောင်းရင်း အစစ်အမှန်တွေကို ရှာဖွေဖို့လိုပါတယ်။ ရှာဖွေပြီးတော့မှ နှစ်ဘက်ညှိနှိုင်းပြီး ဖြေရှင်းဆောင်ရွက်သွားမှာ ဖြစ်ပါတယ်။" ၃ ရက်ကြာ ဒီအစည်းအဝေးမှာ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီရဲ့ ဘဏ္ဍာရေးနဲ့ ဘတ်ဂျက်ကိစ္စတွေ၊ ချင်းပြည်နယ်ဆိုင်ရာ ဂျေအမ်စီ-အက်စ် ဖွဲ့စည်းရေး၊ ရှမ်းပြည်နယ်အတွင်း ဖြစ်ပွားခဲ့တဲ့ တိုက်ပွဲတွေကိစ္စအပြင် နယ်မြေသတ်မှတ်ရေးနဲ့ မိုင်းရှင်းလင်းရေး စတဲ့ကိစ္စ ဆွေးနွေးဖို့ရှိတယ်လို့ အစိုးရသတင်းထုတ်ပြန်ချက်အရ သိရပါတယ်။
5 years Ago

October 20, 2016

အပစ်မရပ်အဖွဲ့များ အဆိုပြုထားသည့် ၈ ချက်အနက် တ၀က်သဘောတူညီမှုရရှိ

ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (ယူအန်အက်ဖ်စီ) ရဲ့ နိုင်ငံရေး ဆိုင်ရာဆွေးနွေးညှိနှိုင်းရေးကိုယ်စားလှယ်အဖွဲ့ (ဒီပီအန်) က  တနိုင်ငံလုံးအပစ်ရပ် လက်မှတ်ထိုးနိုင်ဖို့ အစိုးရထံ အဆိုပြုထားတဲ့ အချက် ၈ ချက်ထဲက  ၄ ချက် သဘော တူညီမှုရရှိသွားပြီဖြစ်ပါတယ်။ တနိုင်ငံလုံးပစ်ခိုက်တိုက်ခိုက်မှုရပ်စဲရေးစာချုပ် (အန်စီအေ) တနှစ်ပြည့် နှစ်ပတ်လည်နေ့က အစိုးရ ငြိမ်းချမ်းရေးကော်မရှင်နဲ့ ဒီပီအန် အဖွဲ့တို့ နေပြည်တော်မှာ ဆွေးနွေးကြပြီး နောက်သဘောတူညီမှုရရှိခဲ့တာပါ။ ဒါပေမယ့် သဘောတူညီမှုရခဲ့တဲ့ အချက်တွေဟာ ဘာတွေလဲ၊ သဘောမတူတဲ့ အချက်တွေဟာ ဘာတွေလဲဆိုတာကိုတော့  အများပြည်သူသိအောင် ထုတ်ဖော်ပြောဆိုခြင်းမရှိသေးပါဘူး။ ဒီပီအန် အဖွဲ့ခေါင်းဆောင် ခူဦးရယ်ကတော့ ခုလို အချက် ၄ ချက် သဘောတူညီမှုရထားတာကြောင့် ကျန်တဲ့ ၄ ချက်ကို ငြိမ်းချမ်းရေးကော်မရှင်နဲ့ ကဏ္ဍအလိုက် ဆက်လက်ဆွေးနွေးသွားမယ်လို့  ပြောပါတယ်။ “၄ ချက်လောက်တော့ ကျနော်တို့ အကြမ်းဖျင်း သဘောတူထားကြပြီး ပြီပေါ့နော်။ အထူး သဖြင့်ကတော့ ကျနော်တို့ တချို့ကိစ္စရပ်တွေကို မူဘောင်သုံးထားတဲ့အဆင့်မှာ ကျနော်တို့သွားမယ်။ တချို့ကတော့ ကျနော်တို့ လာမယ့် ဂျီအမ်စီ (ပူးတွဲစောင့်ကြည့်ကော်မတီ) အစုအဖွဲ့နဲ့ တွေ့ဆုံပြီးတော့ ကိစ္စရပ်လေးတွေကိုတော့ တသီးတသန့်နေရာမှာ ဆွေးနွေးပြီးတော့ အဖြေရှာမယ်ဆိုတဲ့ သဘောမျိုးပေါ့။ ဥပမာ တပ်ဘက်ဆိုင်ရာ ကိစ္စရပ်ဆိုရင်တော့ တပ်ဘက်ဆိုင်ရာ ဂျီအမ်စီကိစ္စလိုမျိုးနဲ့ ပတ်သက်တဲ့ ကိစ္စကိုတော့ တသီးတသန့် ဆွေးနွေးမယ်ဆိုတဲ့ သဘောပေါ့နော်။” ဒါ့အပြင် နိုင်ငံတကာရဲ့ ပါဝင်ပတ်သက်မှု ကိစ္စတွေကိုလည်း ဆွေးနွေးနေကြတယ်လို့   ခူဦးရယ်က ပြောပါတယ်။ “ပြဿနာ ဖြစ်ပေါ်လာလို့ ဖြေရှင်းတဲ့အခါမျိုးမှာ သူ့ဘက်ကိုယ့်ဘက် ပြောကြ ဆိုကြတဲ့ အခါမျိုးမှာ ကျနော်တို့ မျှတတဲ့အဖြေကောင်း မရဘူးပေါ့ဗျာ။ သမာသမတ် ကျကျနဲ့ အဖြေရယူနိုင်ဖို့အတွက် ကျနော်တို့ နိုင်ငံတကာ လူပုဂ္ဂိုလ်တွေ ကျနော်တို့ကို ယုံကြည်စိတ်ချ၊ ကျနော်တို့ နှစ်ဦးနှစ်ဖက် လက်ခံဦးမှပါနော်။ အဲလို လူပုဂ္ဂိုလ်တွေရဲ့ အကူအညီနဲ့ အဖြေရှာရင် ပိုပြီးတော့ သမာသမတ်ကျမလားဆိုတဲ့ ဟာမျိုးတွေ ကျနော် တို့ ဆွေးနွေးအဖြေရှာတာပါ။” သမ္မတရုံး ဒုတိယညွှန်ကြားရေးမှူးချုပ် ဦးဇော်ဌေးကလည်း အချက် ၈ ချက်ရှိတဲ့အထဲက ၄ ချက်ကို မူအားဖြင့် သဘောတူခဲ့ကြပြီး  ဆက်ပြီးညှိနှိုင်းရမယ်ဆိုတာကို လက်ခံကြတယ်လို့ ပြောပါတယ်။ အပစ်မရပ်တိုင်းရင်းသားတွေ အဆိုပြုထားတဲ့ ၈ ချက်ထဲမှာ အစိုးရတပ်မတော်နဲ့ တိုင်းရင်းသား လက်နက်ကိုင်တပ်ဖွဲ့တွေကြား အပစ်ရပ်ကြေညာပေးဖို့ကိစ္စ၊ ပူးတွဲအပစ်ရပ်စောင့်ကြည့်ရေးဆိုတဲ့ ဂျီအမ်စီ ခိုင်မာဖို့ ကိစ္စတွေပါဝင်တယ်လို့ သိရပါတယ်။ ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ အတွင်းရေးမှူး ဦးလှမောင်ရွှေကတော့ ၄ ကြိမ်လောက်ကျေကျေလည်လည် ဆွေးနွေးနိုင်ခဲ့တာကြောင့် ၈ ချက်ထဲက ၄ ချက်ဟာ နောက်တကြိမ် ဆွေးနွေးစရာမလိုတော့ လောက်အောင်ကို ညှိနှိုင်းဆွေးနွေးနိုင်ခဲ့ပြီလို့ပြောပါတယ်။ “အချက် ၈ ချက်။ ဒီ ၈ ချက်လုံးကို ဒီပီအန် က အဆိုပြုတယ်။ ဒါကို ကျနော်တို့ ၄ခါလောက် ကျေေကျလည်လည် ဆွေးနွေးနေကြတယ်။ နောက်ဆုံးဆွေးနွေးပွဲ အောက်တိုဘာ ၁၅ မှာတော့ ၄ ချက်ကိုတော့ ကျနော်တို့ဘက်က ထပ်ပြီးတော့ ဆွေးနွေးဖို့ မလိုအပ်ဘူးဆိုတဲ့ သဘောမျိုးအထိပေါ့လေ။ သဘောတူနိုင်ခဲ့တယ်လို့တော့ ကျနော်တို့ ပြောလို့ရတယ်။ ကျန်တဲ့ ကျန်တဲ့လေးချက်ကတော့ ဆွေးနွေးနေဆဲဖြစ်တဲ့ အတွက်မို့ ဆွေးနွေးပွဲတွေ ပြီးသွားရင်တော့ ကျနေ်ာတို့ဘက်က ပြန်တင်ပြနိုင်မယ်လို့ ထင်ပါတယ်။” အစိုးရက ပြီးခဲ့တဲ့ရက်ပိုင်းမှာ  အမျိုးသားပြန်လည်သင့်မြတ်ရေးနှင့် ပြည်ထောင်စု ငြိမ်းချမ်းရေး မူဝါဒကို ထုတ်ပြန်ခဲ့ပြီး အဲဒီထဲမှာ ဖွဲ့စည်းပုံပြင်ပြီး ဒီမိုကရက်တစ်ဖက်ဒရယ် ပြည်ထောင်စု တည်ဆောက်မယ်လို့ အတိအလင်း ထုတ်ပြောထားပါတယ်။ လတ်တလောမှာ အစိုးရနဲ့ တိုင်းရင်းသားလက်နက်ကိုင်တပ်ဖွဲ့ ၈ ဖွဲတို့ဟာ တနိုင်ငံလုံး ပစ်ခတ်တိုက်ခိုက်မှုရပ်စဲရေးစာချုပ် အန်စီအေမှာ လက်မှတ်ထိုးထားကြပြီး ယူအန်အက်ဖ်စီ အဖွဲ့ဝင်တွေ ဖြစ်တဲ့ လက်နက်ကိုင် ၇ ဖွဲ့ လက်မှတ်ထိုးဖို့ ကျန်ရှိနေပါသေးတယ်။
5 years Ago
Up