အန်တိုနီရိုဂူတာရပ်စ်

A d v e r t i s e m e n t With Us

March 1, 2021

မြန်မာလူထုကို အကြမ်းဖက်သတ်ဖြတ်နေသည့်‌အပေါ် ကုလ အတွင်းရေးမှူးချုပ် ပြင်းထန်စွာ ရှုတ်ချ

မြန်မာနိုင်ငံမှာ အာဏာသိမ်းစစ်ကောင်စီရဲ့ စစ်တပ်နဲ့ရဲက ပြည်သူလူထုကို အကြမ်းဖက်ဖြိုခွင်းနေတဲ့အပေါ် ကုလသမဂ္ဂ အတွင်းရေးမှူးချုပ် အန်တိုနီရိုဂူတာရပ်စ်က  အပြင်းအထန် ကန့်ကွက်ရှုတ်ချလိုက်ပြီး  အသက်ဆုံးရှုံးမှုနဲ့   ပြင်းထန်ဒဏ်ရာရမှုတို့ မြင့်တက်လာတဲ့အတွက်  လွန်စွာ စိတ်ပျက်မိတယ်လို့ ပြောပါတယ်။

ဖေဖော်ဝါရီ ၂၈ ရက်က   နိုင်ငံတစ်ဝန်း ငြိမ်းချမ်းစွာ ဆန္ဒပြတဲ့ပြည်သူတွေကို  ရဲနှင့်စစ်တပ်က သေနတ်ပစ်ခတ် အကြမ်းဖက်ဖြိုခွင်းခဲ့လို့  ရန်ကုန်၊ မန္တလေး၊ ပဲခူး၊ ထားဝယ် စတဲ့မြို့တွေမှာ ပြည်သူ အယောက် ၂၀ လောက်  ဦးသေဆုံးပြီး ရာနဲ့ချီဖမ်းဆီးခံရပြီးနောက် အတွင်းရေးမှူးချုပ်ရဲ့ ပြောခွင့်ရသူက  ကြေညာချက် ထုတ်ပြန်ပြောကြားလိုက်တာပါ။ 

မြန်မာနိုင်ငံမှာ ငြိမ်းချမ်းစွာဆန္ဒပြနေသူတွေကို တရားလက်လွတ် ဖမ်းဆီးထိန်းသိမ်းတာဟာ လက်ခံနိုင်ဖွယ်မရှိဘူးလို့လည်း  အတွင်းရေးမှူးချုပ်က ပြောပါတယ်။

စစ်တပ်အနေနဲ့ ရွေးကောက်ပွဲမှတစ်ဆင့် ဖော်ပြခဲ့တဲ့  မြန်မာပြည်သူပြည်သားတွေရဲ့ ဆန္ဒကို လေးစားလာအောင်နဲ့ ဖိနှိပ်မှုတွေ ရပ်တန့်လာအောင်  နိုင်ငံတကာ အသိုက်အဝန်းအနေနဲ့  အတူအကွ စုပေါင်းကာ ရှင်းလင်းစွာ သတိပေးဖို့ အတွင်းရေးမှူးချုပ်က တိုက်တွန်းပြောပါတယ်။

ကုလသမဂ္ဂ လူ့အခွင့်အရေးရုံး (OHCHR)ကလည်း မြန်မာစစ်တပ်အနေနဲ့  ပြည်သူတွေအပေါ်  အင်အားသုံးတာ ချက်ချင်းရပ်ဖို့ ဆော်သြလိုက်ပါတယ်။

ပြည်လုံးကျွတ် ဆန္ဒပြပွဲအတွင်း လူထုကို ရဲနဲ့ စစ်တပ်က လူသေစေတဲ့အထိ အင်အားသုံးပြီး ကျည်အစစ်တွေနဲ့ ပစ်ခတ် နှိမ်နင်းလို့ ဆန္ဒပြသူ အယောက် ၃၀ ကျော်လောက်  ဒဏ်ရာရခဲ့တယ်လို့ ယုံကြည်စိတ်ချရတဲ့ သတင်းအချက်အလက် တွေကို ကိုးကားပြီး (OHCHR) က ပြောပါတယ်။

5 days Ago

February 22, 2021

ပြည်သူအပေါ်ဖိနှိပ်မှု ချက်ချင်းရပ်တန့်ရန် မြန်မာစစ်တပ်ကို ကုလသမဂ္ဂအကြီးအကဲတောင်းဆို

မြန်မာစစ်တပ်အနေနဲ့ ဖိနှိပ်မှုတွေကို ချက်ချင်း ရပ်တန့်ဖို့၊ ဖမ်းဆီးထိန်းသိမ်းထားတွေကို လွှတ်ပေးဖို့နဲ့ အကြမ်းဖက်မှုတွေကို အဆုံးသတ်ဖို့  ကုလသမဂ္ဂ အတွင်းရေးမှူးချုပ် အန်တိုနီရိုဂူတာရပ်စ်က အပြင်းအထန်တောင်းဆိုလိုက်ပါတယ်။ 

ဒီကနေ့ကျင်းပတဲ့ ကုလသမဂ္ဂလူ့အခွင့်အရေးကောင်စီအစည်းအဝေးမှာ ကုလသမဂ္ဂအတွင်းရေးမှူးချုပ်က  မြန်မာနိုင်ငံအရေးနဲ့ ပတ်သက်လို့  ပြောကြားရာမှာ ထည့်သွင်း ပြောသွားတာပါ။

လူ့အခွင့်အရေးနဲ့ ပြီးခဲ့တဲ့ ၂၀၂၀ ရွေးကောက်ပွဲမှာ ဖော်ပြခဲ့တဲ့ ပြည်သူတို့ရဲ့ ဆန္ဒကို လေးစားဖို့နဲ့ ခေတ်မီတိုးတက်တဲ့ ကမ္ဘာမှာ  အာဏာသိမ်းမှုတွေအတွက် နေရာမရှိပါလို့လည်း အတွင်းရေးမှူးချုပ်က ပြောပါတယ်။

အတွင်းရေးမှူးချုပ် ဂူတာရပ်စ်က “ဒီမိုကရေစီ အနှစ်သာရကို ယုတ်လျော့စေခြင်း၊ ရက်စက်စွာ အင်အားသုံးခြင်း၊ ခိုင်လုံတဲ့ အကြောင်းပြချက်မရှိဘဲ ဖမ်းဆီးထိန်းသိမ်းခြင်းနဲ့ ဖိနှိပ်မှုမျိုးစုံလုပ်ဆောင်နေမှုတွေကို  ကျွန်ုပ်တို့ တွေ့မြင်နေရတယ်။ ပြည်သူလူထုရဲ့ လှုပ်ရှားဆောင်ရွက်နိုင်ခွင့်တွေကို ကန့်သတ်ချုပ်ချယ်မှုတွေ၊ အရပ်ဘက် ပြည်သူတွေကို တိုက်ခိုက်မှု၊ ရိုဟင်ဂျာလူမျိုးစုတွေကို မျိုးတုန်းသတ်ဖြတ်မှုဟု အမှန်အကန်ခေါ်ဆိုခဲ့တဲ့ ချိုးဖောက်မှုအပါအဝင် လူနည်းစုတွေကို တာဝန်ခံမှုမရှိ ပြင်းထန်တဲ့ ချိုးဖောက်မှုတွေ စတဲ့ ကျူးလွန်ချိုးဖောက်မှုများစွာ ဆက်လက်ရှိနေပါတယ်၊ ဖရိုဖရဲကသောင်းကနင်းအခြေအနေသို့ ဦးတည်နေပါတယ်” လို့ပြောပါတယ်။ 

လူ့အခွင့်အရေးကောင်စီရဲ့ ဆုံးဖြတ်ချက်တွေကို ကြိုဆိုတဲ့အကြောင်း၊ တောင်းဆိုမှုတွေကို ဖြည့်ဆည်းပေးဖို့ ကတိပြုကြောင်းနဲ့ ဒီမိုကရေစီ၊ ငြိမ်းချမ်းရေး၊ လူ့အခွင့်အရေးတွေနဲ့ တရားဥပဒေစိုးမိုးရေး ကြိုးပမ်းဆောင်ရွက်နေကြတဲ့ မြန်မာပြည်သားတွေကို အပြည့်အဝ ထောက်ခံအားပေးတယ်လို့ ကုလအကြီးအကဲက ပြောပါတယ်။

Photo- UN

2 weeks Ago
Up