အန်းဒါးလက်ခ်ျ

October 23, 2015

ဦးဆောင်ဂိုးသွင်းပြီးမှ ရှုံးနိမ့်သွားသည့် တော့တင်ဟမ်ဟော့စပါး (ရုပ်သံဟိုက်လိုက်)

ယူရိုပါလိဂ်ပွဲစဉ်အဖြစ် ဘယ်လ်ဂျီယံကလပ် အန်းဒါးလက်ခ်ျနဲ့ အင်္ဂလန် ပရီးမီးယားလိဂ်က တော့တင်ဟမ်ဟော့စပါးတို့ အောက်တိုဘာ ၂၂ ရက် ညက ယှဉ်ပြိုင်ကစားရာ အန်းဒါးလက်ခ်ျက ၂ ဂိုး ၁ ဂိုးနဲ့ အနိုင်ရရှိသွားပါတယ်။ စပါးအသင်းဟာ အန်းဒါးလက်ခ်ျကွင်းမှာ သွားရောက်ယှဉ်ပြိုင်ရတာဖြစ်ပြီး ပွဲချိန် ၄ မိနစ်မှာ အဲရစ်ဆင် (Christian Eriksen) ရဲ့ သွင်းဂိုးနဲ့ ဦးဆောင်နိုင်ခဲ့ပါတယ်။ အန်းဒါးလက်ခ်ျအတွက် ဂိုးတွေကို ပွဲချိန် ၁၃ မိနစ်မှာ ဂျီလက် (Guillaume Gillet) နဲ့ ၇၅ မိနစ်မှာ စတက်ဖနို အိုကာကာ ချူကာ (Stefano Okaka Chuka) တို့က ချေပဂိုးနဲ့ အနိုင်ဂိုးတွေ အသီးသီး သွင်းယူသွားခဲ့ပါတယ်။ ယူရိုပါလိဂ် အုပ်စုဂျေ အခြားပွဲစဉ်မှာတော့ မိုနာကိုက ကာရာဘက် အက်ဖ်ကေကို ၁ ဂိုး ဂိုးမရှိနဲ့ အနိုင်ရသွားပါတယ်။ အုပ်စုပွဲစဉ် ၃ ပွဲစီ ကစားပြီးချိန်မှာတော့ ပြင်သစ်ကလပ် မိုနာကိုက ၅ မှတ်နဲ့ အုပ်စုပထမ၊ အင်္ဂလန်ကလပ် စပါးနဲ့ ဘယ်လ်ဂျီယံကလပ် အန်းဒါးလက်ခ်ျတို့က ၄ မှတ်စီနဲ့ ဒုတိယနဲ့ တတိယ၊ အဇာဘိုင်ဂျန်ကလပ် ကာရာဘက်အက်ဖ်ကေက ၃ မှတ်နဲ့ အုပ်စုအောက်ဆုံးမှာ အသီးသီး ရပ်တည်နေပါတယ်။
6 years Ago

July 22, 2015

အလက်ဇန္ဒား မီထရိုဗစ်ကို ၅ နှစ်စာချုပ်ဖြင့် နယူးကာဆယ် ခေါ်ယူ

နယူးကာဆယ်အသင်းဟာ ဘယ်လ်ဂျီယံကလပ် အန်းဒါးလက်ခ်ျ တိုက်စစ်မှူး အလက်ဇန္ဒား မီထရိုဗစ်ကို ၅ နှစ် စာချူပ်နဲ့ ခေါ်ယူလိုက်ပါတယ်။ အသက် ၂၀ အရွယ် ဆားဘီးယားလက်ရွေးစင် တိုက်စစ်မှူးကို ပေါင် ၁၃ သန်းနဲ့ သဘောတူ ခေါ်ယူခဲ့တာပါ။ သူဟာ ၂၀၁၃ ခုနှစ်မှာ ပါတီဇန် ဘဲလ်ရိုဂရပ်အသင်းကနေ ယူရို ၈ သန်းနဲ့ အန်းဒါးလက်ခ်ျ ကို ပြောင်းရွှေ့လာခဲ့တာပါ။ အန်ဒါးလက်ခ်ျအသင်းမှာ ၆၉  ပွဲကစားပြီး ၃၆ ဂိုး သွင်းပေးထားပါတယ်။ သူ့အနေနဲ့ နယူးကာဆယ်အသင်းရဲ့ ဂန္ထ၀င်ကစားသမား အလန်ရှီးယားလို ကစားနိုင်မယ်လို့ မျှော်လင့်ကြောင်း ပြောပါတယ်။
6 years Ago
Up