အန္တာတိကတိုက်

December 5, 2021

အန္တာတိကတိုက် အနောက်ခြမ်းတွင် နေကြတ်နေသည့်ရုပ်သံ နာဆာဖြန့်ချိ

အန္တာတိကတိုက်အနောက်ခြမ်းကနေ လုံးဝနေကြတ်တာကို ဒီဇင်ဘာ ၄ ရက်က မြင်ရတဲ့ ရုပ်သံကို အမေရိကန် အမျိုးသားအာကာသ သိပ္ပံ နာဆာက ဖြန့်ချိလိုက်ပါတယ်။

ကမ္ဘာ့တောင်စွန်းမှာရှိတဲ့ အန္တာတိကတိုက်မှာ အောက်တိုဘာလလယ်က စပြီး ဧပြီလဆန်းထိ တဆက်တည်းသော နေ့အလင်းရောင်ကို ခံစားနေတာပါ။

ဒါပေမယ့် လုံးဝနေကြတ်ခြင်း ဖြစ်စဉ်ကြောင့် မိနစ် နည်းနည်းလောက် ဒေသတခုလုံး မှောင်ကျ သွားခဲ့ပါတယ်။

နေနဲ့ ကမ္ဘာကြားမှာ လက ဝင်ရောက်လာချိန်မှာ လရဲ့အရိပ်က ကမ္ဘာပေါ်က နေရာတခု​ပေါ် ကျရောက်တာ ဒါမှမဟုတ် ကမ္ဘာပေါ်က တချို့ နေရာတွေမှာ နေရဲ့ အလင်းရောင်ကို တစိတ်တပိုင်း ကြည့်မြင်နိုင်ပါတယ်။ 

နေအပြည့် ကြပ်တာကတော့ နေ၊ လနဲ့ ကမ္ဘာတို့ကြား တတန်းတည်း ကျဖို့ လိုသလို ခုအချိန် နေအပြည့်ကြတ်တဲ့ ဖြစ်စဥ်ကို အန္တာတိက တိိုက်ကနေ မြင်ရမှာပါ။

နေကြတ်တာကို တောင်အာဖရိက၊ ချီလီ၊ နယူးဇီလန် နဲ့ ဩစတြေးကလျ တို့ကနေ တစိတ်တပိုင်း မြင်နိုင်တယ်လို့ သိရပါတယ်။

8 months Ago

January 14, 2021

အန္တာတိကတိုက်မှ ပင်ဂွင်း မက္ကဆီကိုတွင် ပထမဆုံး မွေးဖွား

အဲလက်စ်လို့အမည်ရတဲ့  အန္တာတိကပင်ဂွင်းလေးကို မက္ကဆီကိုနိုင်ငံမှာ ပထမဆုံး မွေးဖွား ခဲ့ပါတယ်။  မက္ကစီကိုစီးတီးက အင်ဘူဆာငါးပြတိုက်မှာ ကိုယ်အလေးချိန် ၃ ပေါင်ခွဲ ရှိတဲ့ ပင်ဂွင်းလေး ကို  ဒီဇင်ဘာလအစောပိုင်းက မွေးဖွားခဲ့တာပါ။  ပင်ဂွင်းကောင်ရေထိန်းသိမ်းရေး ၅ နှစ်  ပရောဂျက်အရ  ဂန်ထူးမျိုးစိတ် ပင်ဂွင်း အဲလက်စ်ကို မွေးဖွားခဲ့တာဖြစ်ပြီး အဲလက်စ်ဟာ အန္တာတိကနဲ့ ဝေးကွာနေပေမဲ့ ငါးပြတိုက်ထဲက အခြေအနေကတော့ ပင်ဂွင်းတွေ သာသာယာယာနေလို့ ရအောင် အေးလှပါတယ်။  "စက်တင်ဘာလကုန်မှာ ပင်ဂွင်းအကောင်ဖောက်ဖို့ စပြင်ဆင်ပြီး  အောက်တိုဘာလ ကုန်မှာတော့ ပင်ဂွင်းဥတွေ ရောက်လာတယ်။ ပင်ဂွင်းဥကနေ အကောင်ပေါက်ဖို့  ၃၈ ရက် ကြာခဲ့တယ်"လို့လည်း အင်ဘူဆာ ငါးပြတိုက်ဝန်ထမ်းက ရှင်းပြပါတယ်။  ဒါကြောင့် အခုဆိုရင် အဲလက်စ်ဟာ တစ်လနဲ့ ငါးရက်သားဖြစ်ပြီး အလေးချိန် တစ်ကီလိုခွဲ ရှိတယ်လို့  တိရစ္ဆာန်ဆရာဝန်တစ်ဦးက ပြောပါတယ်။ 
2 years Ago
More News
Up