အနံ့ခံစစ်ခွေးများ ပေးအပ် (ဓာတ်ပုံ)

May 31, 2017

အိန္ဒိယက မြန်မာစစ်တပ်ကို စစ်သုံးအရေးပေါ်ယာဉ်များနှင့် အနံ့ခံစစ်ခွေးများ ပေးအပ် (ဓာတ်ပုံ)

အိန္ဒိယက မြန်မာစစ်တပ်အတွက် အရေးပေါ်လူနာတင်ယာဉ် ၁၀ စီးနဲ့ အနံ့ခံစစ် ခွေး ၁၅ ကောင်ကို ပေးအပ်ခဲ့တယ်လို့ အိန္ဒိယတပ်မတော်ရဲ့ ဖေ့စ်ဘွတ်ခ်အင်တာနက်လူမှု ကွန်ရက်စာမျက်နှာမှာ မေလ ၃၀ ရက်နေ့က ဖော်ပြပါတယ်။ အိန္ဒ်ိယတပ်မတော်ကြည်းတပ်ဦးစီးချုပ် ဗိုလ်ချုပ်ကြီး ဗီပင်ရာဝပ်ဟာ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီးစိုးဝင်းရဲ့  ဖိတ်ကြားချက်အရ မြန်မာနိုင်ငံကို မေလ ၂၉ ရက်နေ့မှာ ချစ်ကြည်ရေး အလည်အပတ်ခရီး ရောက်ရှိနေခဲ့တာပါ။ နေပြည်တော်မှာ တွေ့ဆုံဆွေးနွေးမှုတွေထဲမှာ နှစ်နိုင်ငံနယ်စပ်ပြဿနာတွေကို တပ်မတော် ၂ ရပ်ကြား အပြန်အလှန်ပူးပေါင်းဆောင်ရွက်သွားနိုင်ရေးနဲ့ ရှေ့ဆက်လုပ်ဆောင်သွားမယ့် လုပ်ငန်းစဉ်တွေနဲ့ ပတ်သက်ပြီး အပြန်အလှန် ဆွေးနွေးခဲ့ကြတယ်လို့ မြန်မာတပ်မတော်ကာကွယ်ရေးဦးစီးချုပ်ရုံးရဲ့ ဖေ့စ်ဘွတ်ခ် အင်တာနက် လူမှုကွန်ရက်စာမျက်နှာမှာ ဖော်ပြခဲ့ပါတယ်။ ဓာတ်ပုံ - ADGPI - Indian Army ၊ တပ်မတော်ကာကွယ်ရေးဦးစီးချုပ်ရုံး
4 years Ago
Up