အနိုင်ရ (ရုပ်သံ)

November 11, 2019

မြန်မာယူ-၁၉ အသင်း စင်ကာပူအသင်းကို ၈ ဂိုးပြတ်အနိုင်ရ (ရုပ်သံ)

၂၀၂၀ အာရှ ယူ-၁၉ ခြေစစ်ပွဲ အုပ်စု (I) ပွဲစဉ်အဖြစ် မနေ့ညက ရန်ကုန်မြို့ သုဝဏ္ဏကွင်းမှာ ယှဉ်ပြိုင်ကစားကြရာမှာ မြန်မာ ယူ-၁၉ အသင်းက စင်ကာပူ ယူ-၁၉ အသင်းကို (၈-၀) ဂိုးနဲ့ အနိုင်ရသွားပါတယ်။ မြန်မာလူငယ်အသင်းဟာ  ခြေစွမ်းအသာနဲ့ ကစားသွားခဲ့ပြီး ပထမပိုင်းမှာ ၁ ဂိုး ဒုတိယပိုင်းမှာ ၇ ဂိုးသွင်းယူပြီး စင်ကာပူအသင်းကို ဂိုးပြတ် အနိုင်ရသွားတာ ဖြစ်ပါတယ်။ မြန်မာအသင်းအတွက် အနိုင်ဂိုးတွေကိုတော့ စောကျော်အဲက ပွဲချိန် ၁၇ မိနစ်၊ ၄၉ မိနစ်နဲ့ ၆၉ မိနစ်တွေမှာ ဟက်ထရစ် ၃ ဂိုး သွင်းယူပေးခဲ့ပါတယ်။ နောက်ထပ် အနိုင်ဂိုးတွေကိုတော့ ၇၁ မိနစ်မှာ နောင်နောင်စိုးက တဂိုး၊ ၇၆ မိနစ်မှာ ဟိန်းထက်အောင်က တဂိုး၊ ၈၅ မိနစ်မှာ ဇော်ဝင်းသိန်းက တဂိုးနဲ့ လမင်းထွေးက ပွဲပြီးခါနီး မိနစ် ၉၀ မှာ တဂိုး သွင်းပေးခဲ့တာပါ။ မြန်မာအသင်းဟာ ဒီပွဲမှာ အနိုင်ရခဲ့ပေမယ့် ပြီးခဲ့တဲ့ ပွဲစဉ်တွေမှာ တောင်ကိုရီးယားနဲ့ တရုတ်အသင်းတွေကို ရှုံးနိမ့်ခဲ့တာကြောင့် အုပ်စု တတိယနေရာသာ ရခဲ့ပြီး ခြေစစ်ပွဲ အောင်မြင်ခြင်းတော့ မရှိပါဘူး။ မနေ့က ကန်သွားတဲ့  တောင်ကိုရီးယား ယူ-၁၉ နဲ့ တရုတ် ယူ-၁၉ တို့ပွဲစဉ်မှာတော့ တောင်ကိုရီးယားက (၄-၁) ဂိုးနဲ့ အနိုင်ရပြီး ၃ ပွဲကစား ၃ ပွဲနိုင် ရမှတ် ၉ မှတ်ရပြီး အုပ်စုဗိုလ်အဖြစ် ခြေစစ်ပွဲ အောင်မြင်သွားခဲ့ပါတယ်။ ၂၀၂၀ အာရှ ယူ-၁၉ ခြေစစ်ပွဲ အုပ်စု (I) ပွဲစဉ်တွေကို မြန်မာနိုင်ငံက အိမ်ရှင်အဖြစ် လက်ခံ ကျင်းပခဲ့တာဖြစ်ပြီး မြန်မာ၊ တောင်ကိုရီးယား၊ တရုတ်နဲ့ စင်ကာပူ လူငယ်အသင်းတွေ ဝင်ရောက်ယှဉ်ပြိုင်ကြတာ ဖြစ်ပါတယ်။ [caption id="attachment_356022" align="alignnone" width="712"] Photo : Myanmar Football Federation[/caption]
2 years Ago

မန်ချက်စတာယူနိုက်တက်အသင်း ဘရိုက်တန်ကို (၃-၀) ဂိုးဖြင့်အနိုင်ရ (ရုပ်သံ)

မနေ့ညက ယှဉ်ပြိုင်သွားတဲ့ ပရီးမီးယားလိဂ်ပွဲစဉ်မှာ မန်ချက်စတာယူနိူက်တက်က ဘရိုက်တန်ကို ၃ ဂိုး ၁ ဂိုးနဲ့ အနိုင်ရသွားပါတယ်။ မန်ယူနိုက်တက်  တိုက်စစ်ပိုင်းမှာ မာစီယယ်၊ ရပ်ဖို့ဒ်နဲ့ ဒယ်နီရယ်ဂျိမ်းတို့ ပွဲထွက်လာပြီး ကစားပုံလည်း ကောင်းခဲ့ပါတယ်။ ဦးဆောင်ဂိုးကို ၁၇ မိနစ်မှာ ပရဲရာက သွင်းယူပါတယ်။ ဒုတိယဂိုးကို ဘရိုက်တန် ကစားသမား ကိုယ့်ဂိုးကိုယ်သွင်းရာကနေ ရသွားပါတယ်။ ဘရိုက်တန်အတွက် ချေပဂိုးကို ၆၄ မိနစ်မှာ သွင်းယူပါတယ်။ ဒီပွဲမှာ မန်ယူက  ဂိုးပေါက် ကန်သွင်းခွင့် ၁၁ ကြိမ်အထိ ရခဲ့ပြီး ဘရိုက်တန်က ၂ ကြိမ်ပဲ ရခဲ့ပါတယ်။ တတိယဂိုးကို ၆၆ မိနစ်မှာ တိုက်စစ်မှူး ရပ်ဖို့ဒ့်က သွင်းယူပါတယ်။ ဒီပွဲရဲ့ အကောင်းဆုံး ကစားသမားဆုကို ကွင်းလယ်သမား ဖရက်ဒ်က ရရှိသွားပါတယ်။ ဒီပွဲနိုင်လို့ မန်ယူနိုက်တက်က အမှတ်ပေးဇယားမှာ  အဆင့် ၇ နေရာအထိ တက်လှမ်းသွားပါတယ်။
2 years Ago
Up