အဓမ္မပြုကျင့်သတ်ဖြတ်

June 12, 2019

အိန္ဒိယတွင် ၈ နှစ်အရွယ် မိန်းကလေးကို အဓမ္မပြုကျင့်သတ်ဖြတ်သူ ၃ ဦးအား ထောင်ဒဏ်တသက် ချမှတ်

အိန္ဒိယနိုင်ငံက ဂျမူးနဲ့ ကက်ရ်ှမီးယားပြည်နယ်တွေမှာ ၂၀၁၈ ခုနှစ်က အသက် ၈ နှစ်အရွယ် မွတ်စလင် မိန်းကလေးတယောက် အဓမ္မပြုကျင့် သတ်ဖြတ်ခံရတဲ့ အမှုနဲ့ ပတ်သက်တဲ့ အမျိုးသား သုံးယောက်ကို အိန္ဒိယတရားရုံးက ဇွန်လ ၁၀ ရက်နေ့မှာ ထောင်ဒဏ်တသက်တကျွန်း ချမှတ်လိုက်ပါတယ်။ အဲဒီအမျိုးသားသုံးယောက်ထဲမှာ ဟိန္ဒူဘာသာရေးဆရာ တယောက်လည်း ပါပြီး အစိုးရ ရှေ့နေတွေက သူတို့သုံးယောက်စလုံးကို သေဒဏ်ချမှတ်ဖို့ ကြိုးစားခဲ့ကြတာပါ။ တရားစွဲခံရတဲ့အထဲမှာ ရဲတပ်ဖွဲ့ဝင်သုံးယောက်လည်း ပါပါတယ်။ အဲဒီရဲတပ်ဖွဲ့ဝင် သုံးယောက်ကိုတော့ သက်သေအထောက်အထားတွေ ဖျက်ဆီးပစ်တဲ့ ပြစ်မှုနဲ့ ထောင်ဒဏ် ၅ နှစ်စီ ချမှတ်ခဲ့ပါတယ်။ အာဏာရပါတီဖြစ်တဲ့ ဘာရာတီယာ ဂျာနာတာ (BJP) ပါတီက အဖွဲ့ဝင်တချို့က အဲဒီအမှုနဲ့ ပတ်သက်တဲ့ စွပ်စွဲချက်တွေကို ဆန့်ကျင်ခဲ့ပြီးနောက် ဟိန္ဒူအမျိုးသားဝါဒီ BJP ပါတီအပေါ် ဝေဖန်မှုတွေ မြင့်တက်ခဲ့ပါသေးတယ်။ ကက်ရ်ှမီးယားတောထဲမှာ လှည့်လည်ကျက်စားကြတဲ့ လူနည်းစု မွတ်စလင် အသိုင်းအဝိုင်းထဲက အဲဒီမိန်းကလေးဟာ ၂၀၁၈ ခုနှစ် ဇန်နဝါရီလမှာ မေ့ဆေးပေးခံရပြီး ဘုရားကျောင်းတခုမှာ လှောင်ပိတ်ခံထားခဲ့ရပါတယ်။ သူဟာ သီတင်းပတ်တပတ်ကြာ လိင်ပိုင်းဆိုင်ရာ စော်ကားခံရပြီးနောက်  လည်ပင်းညှစ်ခံရတဲ့အပြင် ကျောက်တုံးနဲ့လည်း ထုသတ်ခံခဲ့ရပါတယ်။ မိန်းကလေးငယ်အပေါ် ဒီလိုကျူးလွန်မှုက အဲဒီဒေသမှာ လူနည်းစု မွတ်စလင်တွေကို ဖယ်ရှားရေး အစီအစဉ်ရဲ့ တစိတ်တပိုင်းဖြစ်တယ်လို့ တရားရုံးကို တင်ပြတဲ့ စွပ်စွဲချက် အစီရင်ခံစာက ဖော်ပြပါတယ်။
2 years Ago

August 10, 2018

ယီမင်တွင် ၁ဝ နှစ်သားကို အဓမ္မပြုကျင့် သတ်ဖြတ်ခဲ့သူ ၃ ဦးအား သေနတ်ဖြင့်ပစ်သတ်

ယီမင်နိုင်ငံမှာ အသက် ၁ဝ နှစ်အရွယ် ယောက်ျားလေးတဦးကို မြှူဆွယ်ဖြားယောင်း အဓမ္မပြုကျင့်ပြီး သတ်ဖြတ်ခဲ့တဲ့ အမျိုးသား ၃ ဦးကို သေနတ်နဲ့ပစ်သတ်ဖို့ ပြစ်ဒဏ်ချမှတ်ခဲ့တယ်လို့ မေရာသတင်းမှာ သြဂုတ် ၉ ရက်နေ့က ဖော်ပြပါတယ်။ အဲဒီတရားခံ ၃ ဦးကို အများနဲ့ဆိုင်တဲ့ ရင်ပြင်တခုမှာ သက်ဆိုင်ရာက သေနတ်နဲ့ ပစ်သတ်ခဲ့ပြီး အလောင်းတွေကိုတော့ ကရိန်းနဲ့ချိတ်ဆွဲ ပြသခဲ့ပါတယ်။ တရားခံ ၃ ဦးမှာ အသက် ၁၉ နှစ်အရွယ် ၂ ဦးနဲ့ အသက် ၂၇ နှစ်အရွယ် တဦးတို့ ဖြစ်ကြပြီး သူတို့ဟာ ၁ဝ နှစ်သားကလေးငယ်ကို ဖြားယောင်း အဓမ္မပြုကျင့်ခဲ့ပြီးနောက် သတ်ပစ်ခဲ့ကြကာ လူမနေတဲ့ အိမ်တလုံးတွင်း စွန့်ပစ်ထားခဲ့ကြတာဖြစ်တယ်လို့ အရှေ့အလယ်ပိုင်း သတင်းအစီရင်ခံစာတွေမှာ ဖော်ပြပါတယ်။ သူတို့ ၃ ဦးကို လက်မရွံ့ သေနတ်သမားအုပ်စုက သေနတ်နဲ့ပစ်သတ်ကာ ခုလို အများမြင်ကွင်းမှာ အလောင်းတွေကို ချိတ်ဆွဲပြသခဲ့တာလို့ ဆိုပါတယ်။ သွေးပျက်ထိတ်လန့်စရာ ဓာတ်ပုံတွေထဲမှာတော့ တရားခံ ၃ ဦးဟာ အပြာရောင် ဝတ်စုံတွေ ဝတ်ဆင်ထားကြပြီး ယီမင်မြို့လယ်ခေါင်မှာ အလောင်းတွေကို တွဲလောင်း ချိတ်ဆွဲထားတာ တွေ့ရပါတယ်။ သတင်းအစီရင်ခံစာမှာတော့ သူတို့ရဲ့နှလုံးကို ၅ ကြိမ် ပစ်ခံခဲ့ရပြီး တခြားသူတွေကို အလားတူ ပြစ်မှုကျူးလွန်ရင် ခုလိုပဲ အပြစ်ဒဏ်ခံရမှာ ဆိုတာကို သတိပေးထားတာဖြစ်တယ်လို့ ဆိုပါတယ်။ ဒီအဖြစ်အပျက်ဟာ ပြီးခဲ့တဲ့နှစ်၊ အောက်တိုဘာလက ဖြစ်ခဲ့တာဖြစ်ပြီး တရားခံတွေက ပြစ်မှုကျူးလွန်ကြောင်း ဝန်ခံထွက်ဆိုချိန်မှာ ခုလို ပြစ်ဒဏ်ချမှတ်လိုက်တာပါ။ ကလေးငယ်ဟာ အဖွားအိမ်ကိုအပြန် ကျောင်းတကျောင်းအနီးမှာ ဖြားယောင်း အဓမ္မပြုကျင့် သတ်ဖြတ်ခံရတာဖြစ်ပြီး အလောင်းကိုတော့ ၄ ရက်အကြာမှ တွေ့ရှိခဲ့ရတာ ဖြစ်ပါတယ်။ ယီမင်နိုင်ငံရဲ့ တရားဝင်ဥပဒေအရ လူသတ်မှုကျူးလွန်သူတွေကို သေနတ်နဲ့ ပစ်သတ်တာ၊ ချိတ်ဆွဲပြသတာ၊ ခေါင်းဖြတ်အပြစ်ပေးတာမျိုးတွေ ခွင့်ပြုထားတာ ဖြစ်ပါတယ်။
3 years Ago
Up