အဓမ္မပြုကျင့်ခဲ့သူ

May 24, 2019

မယားပါသမီးအား ၈ နှစ်ကျော်ကြာ အဓမ္မပြုကျင့်ခဲ့သူကို အလုပ်နှင့်ထောင်ဒဏ် ၂၃ နှစ်ချမှတ်

၁၄ နှစ်အရွယ် မယားပါသမီးအား ၈ နှစ်ကျော်ကြာ အဓမ္မပြုကျင့်ခဲ့သူကို မြောင်းမြခရိုင်တရားရုံးက မေလ ၂၃ ရက်မှာ အလုပ်နဲ့ထောင်ဒဏ် ၂၃ နှစ်ပြစ်ဒဏ် အမိန့်ချမှတ်လိုက်တယ်လို့ မြောင်းမြခရိုင်တရားရုံးက သိရပါတယ်။ ဧရာဝတီတိုင်းဒေသကြီး၊ မြောင်းမြမြို့နယ်၊ ဆင်ကူးကျေးရွာအုပ်စုနေ ကျောင်းဆရာမတဦးဖြစ်တဲ့ မိခင်ဖြစ်သူဟာ ၂၀၁၀ ခုနှစ်က ဖောင်ကြီးသင်တန်း တက်ရောက်နေစဉ် နေအိမ်မှာ ပထွေးဖြစ်သူ ဇော်ဌေး ၄၂ နှစ်နဲ့ ထားခဲ့ရာမှ သမီးဖြစ်သူ အဋ္ဌမတန်းကျောင်းသူကို အကြိမ်ကြိမ်အဓမ္မပြုကျင့်မှု ဖြစ်ပွားခဲ့တာပါ။ မခင်ဖြစ်သူ သင်တန်းပြီးဆုံးပြီး ပြန်ရောက်ချိန် သမီးဖြစ်သူက အကြိမ်ကြိမ် အဓမ္မပြုကျင့်ခံရကြောင်း ပြောခဲ့ပေမယ့် ပထွေးဖြစ်သူက တိုင်ကြားရင် နှစ်ယောက်စလုံးကို သတ်ပြစ်မယ်လို့ ခြိမ်းခြောက်ခဲ့တာကြောင့် ၈ နှစ်ကျော်ကြာတဲ့အထိ မတိုင်ကြားရဲခဲ့ဘူးလို့ မိခင်ဖြစ်သူရဲ့ ထွက်ဆိုချက်အရ သိရပါတယ်။ အကြိမ်ကြိမ် အဓမ္မပြုကျင့်ခံရတဲ့ သမီးဖြစ်သူဟာ ၂၀၁၃ ခုနှစ် သြဂုတ်လမှာ ကိုယ်ဝန်ရှိခဲ့ပြီး ပထွေးဖြစ်သူ ဇော်ဌေးတိုက်တဲ့ ကိုယ်ဝန်ပျက်ကျဆေးတွေ သောက်ခဲ့ရာကနေ မခံမရပ်နိုင်ဖြစ်လို့ မြောင်းမြဆေးရုံမှာ သားအိမ်ခြစ်ရဖူးကြောင်း၊ ဒီနောက်ပိုင်းမှာလည်း အကြိမ်ကြိမ်အဓမ္မပြုကျင့်ခံရ တယ်လို့ ဆိုပါတယ်။ ၂၀၁၈ ခုနှစ် ဇူလိုင် ၂၄ ရက်မှာ အဓမ္မပြုကျင့်ခံရသူရဲ့ မိခင်ဖြစ်သူက မြောင်းမြရဲစခန်းမှာ အမှုဖွင့်တိုင်ကြားခဲ့တာပါ။ အမှုကို မြောင်းမြမြို့မရဲစခန်းမှ ရာဇသတ်ကြီးဥပဒေပုဒ်မ ၃၇၆ နဲ့ အမှုဖွင့်စစ်ဆေးခဲ့ပြီး ၁၀ လအကြာမှာ မြောင်းမြခရိုင်တရားရုံး တရားသူကြီး ဦးမြင့်စိုးက တရားခံဇော်ဌေး ၄၂ နှစ်အား ရာဇသတ်ကြီးဥပဒေပုဒ်မ ၃၇၆ အရ ထောင်ဒဏ် နှစ် ၂၀ နဲ့ ရာဇသတ်ကြီး ဥပဒေပုဒ်မ ၃၂၁ အရ ထောင်ဒဏ် ၃ နှစ်၊ ပေါင်း ထောင်ဒဏ် ၂၃ နှစ် ပြစ်ဒဏ်ချမှတ်ခဲ့တာပါ။ သတင်း-ကျော်စိုးမိုး၊ ဘိုဘို
2 years Ago

January 26, 2019

၈ နှစ်အရွယ်ကျောင်းသူအား အဓမ္မပြုကျင့်ခဲ့သူကို ဖမ်းမိပြီ

မန္တလေးမှာ ဒုတိယတန်းအရွယ် မိန်းကလေးငယ်ကို ခေါ်ဆောင်သွားပြီး အဓမ္မပြုကျင့်ခဲ့သူကို ကျူးလွန်ပြီး တလကျော်အကြာမှာ ဖမ်းမိပြီလို့ ရဲတပ်ဖွဲ့က ထုတ်ပြန်ပါတယ်။ ၂၀၁၈ ခုနှစ်၊ ဒီဇင်ဘာလ ၁၄ ရက်နေ့ ညနေအချိန်မှာ အိမ်ကနေစက်ဘီးနဲ့ ထွက်သွားတဲ့ မန္တလေးတိုင်း ပြည်ကြီးတံခွန်မြို့နယ်က အသက် ၈ နှစ်အရွယ် ဒုတိယတန်းကျောင်းသူ မိန်းကလေးငယ်ဟာ အိမ်ကို ပြန်မရောက်လာဘဲ နောက်နေ့မှာမှ ပြင်ဦးလွင်မြို့နယ်မှာ ပြန်တွေ့ခဲ့တာပါ။ အိမ်ကနေ တယောက်တည်း စက်ဘီးစီးထွက်သွားပြီး ပြန်ရောက်မလာလို့ မိသားစုတွေက လိုက်ရှာနေတုန်းမှာ အမျိုးသားတယောက်ရဲ့ ဆိုင်ကယ်နောက်က ပါသွားတာကို သတင်းရလို့ အုပ်ချုပ်ရေးမှူးရုံးကို သွားရောက် အကြောင်းကြားခဲ့ပါတယ်။ ဒီနောက်မှာ ရဲတပ်ဖွဲ့ဝင်တွေနဲ့ တွေ့ဆုံပြီး လိုက်လံရှာဖွေတာ၊ စီစီတီဗွီမှတ်တမ်းတွေကိ ကြည့်ရှုရာမှာ မိန်းကလေးငယ်ရဲ့ စက်ဘီးနောက်ကို လူတယောက်က ဆိုင်ကယ်နဲ့ လိုက်နေတာတွေ့ရပြီး မျက်မြင်တယောက်ကို ပြသရာမှာတော့ ကလေးကိုခေါ်ဆောင်သွားသူ ဖြစ်တယ်ဆို သိခဲ့ရပါတယ်။ ဒီဇင်ဘာ ၁၅ ရက်မှာတော့ မိန်းကလေးငယ်ကို ပြင်ဦးလွင်မြို့နယ်၊ ပြင်စာရွာနားက ရတနာပုံတက္ကသိုလ်ဝင်းထဲမှာ ဒဏ်ရာတွေနဲ့ ပြန်တွေ့ခဲ့ပါတယ်။ သူ့မှာ မျက်နှာ၊ လည်ပင်းနဲ့ မိန်းမကိုယ်တို့မှာ ဒဏ်ရာတွေ ရထားပြီး ဆိုင်ကယ်နဲ့ ခေါ်သွားသူက အဓမ္မပြုကျင့်တယ်လို့ ပြောပြခဲ့တာကြောင့် ပြင်စာနယ်နယ်မြေရဲစခန်းမှာ ရာဇသတ်ကြီးပုဒ်မ ၃၇၆/၃၆၃/၃၂၅ တို့နဲ့ အမှုဖွင့် စုံစမ်းခဲ့ပါတယ်။ ကျူးလွန်သူကို ဖမ်းဆီးရမိရေးအတွက် တိုင်းရဲတပ်ဖွဲ့မှူးရဲ့ ကြီးကြပ်မှုနဲ့ အမှုစစ်အဖွဲ့တွေ ဖွဲ့ပြီး လိုက်လံစုံစမ်းခဲ့ရာမှာ ပြစ်မှုကျူးလွန်သူဟာ မဟာအောင်မြေမြို့နယ်၊ ရဲမွန်တောင်ရပ်ကွက်မှာ နေတဲ့ အသက် ၂၉ နှစ်အရွယ် သီဟနိုင် (ခ)အငယ်လေးဖြစ်တာကို သိရပြီး ရှမ်းပြည်နယ်၊ ရပ်စောက်မြို့ပတ်ဝန်းကျင်မှာ ရောက်နေတာကို သတင်းရပြီးနောက် သွားရောက်ဖမ်းဆီးရာမှာ ၂၀၁၉ ခုနှစ် ဇန်နဝါရီလ ၂၄ ရက် ည ၈ နာရီလောက်မှာ ရပ်စောက်မြို့၊ ရပ်တော်မူဘုရားဝန်းနားမှာ ဖမ်းဆီးမိခဲ့တယ်လို့ ရဲတပ်ဖွဲ့က ထုတ်ပြန်ထားပါတယ်။
2 years Ago
Up