အထိမ်းအမှတ်

A d v e r t i s e m e n t With Us

September 13, 2020

ချီလီအာဏာရှင်လက်ထက် သေဆုံးသူများအထိမ်းအမှတ်ပွဲ၌ ရဲနှင့်ဆန္ဒပြသူများ ရုန်းရင်း ဆန်ခတ်ဖြစ်

ချီလီအာဏာရှင် ပီနိုချေးလက်ထက်မှာ သေဆုံးခဲ့သူတွေအတွက်လုပ်တဲ့  စက်တင်ဘာ ၁၁ ရက် အထိမ်းအမှတ်အခမ်းအနားမှာ ရဲတပ်ဖွဲ့နဲ့ဆန္ဒပြသူတွေ ရုန်းရင်းဆန်ခတ် ဖြစ်ပါတယ်။ ၁၉၇၃ စက်တင်ဘာ ၁၁ ရက်မှာ ဆာဗေဒို အာလန်ဒဲ အစိုးရပြုတ်ကျပြီး သြဂတ်စတိုပီနိုချေး အာဏာရလာခဲ့ပါတယ်။   ပီနိုချေးဟာ ချီလီကို ၁၉၇၃ ကနေ ၁၉၉၀ အထိ ၁၇ နှစ်ကြာ တင်းတင်းကျပ်ကျပ် အုပ်ချုပ်ခဲ့ပါတယ်။ အာဏာရှင် ပီနိုချေးလက်ထက်မှာ လူပေါင်း ၃၀၀၀ ကျော် သေဆုံး ပျောက်ဆုံးခဲ့ပြီး  ၂၈၀၀၀ ခန့် ညှဉ်းပန်းနှိပ်စက်ခံခဲ့ရပါတယ်။  ဒါကြောင့် ပီနိုချေးလက်ထက်က သေဆုံးညှဉ်းပန်းနှိပ်စက်ခံရသူတွေရဲ့ မိသားစုဝင်တွေ အပါအဝင် ထောင်ချီတဲ့လူတွေဟာ စက်တင်ဘာ ၁၁ ရက်က အထိမ်းအမှတ်ပွဲမှာ ပါဝင်ပြီး မြို့တော် ဆန်တီယေဂိုမှာ ချီတက်ခဲ့ကြပါတယ်။    အဲဒီလို ချီတက်ရာကနေ ရဲတပ်ဖွဲ့နဲ့ ပဋိပက္ခဖြစ်ပြီး ရဲတွေက ဆန္ဒပြသူတွေကို ရေအမြောက်သုံး လူစုခွဲခဲ့သလို ဆန္ဒပြသူတွေကလည်း ရဲတပ်ဖွဲ့ဝင်တွေကို ခဲတွေနဲ့ပစ်ပေါက်ခဲ့ ပါတယ်။
6 months Ago

July 19, 2020

 မင်ဒဲလားနေ့ အထိမ်းအမှတ် ဆင်းရဲနွမ်းပါး ပြည်သူထောင်ချီကို ကျွေးမွေး

တောင်အာဖရိကနိုင်ငံက စားဖိုမှူးတွေဟာ ဇူလိုင် ၁၈ ရက်မှာ ကျရောက်တဲ့ မင်ဒဲလားနေ့ အထိမ်းအမှတ် စွပ်ပြုပ်တွေ ချက်ပြီး ဆင်းရဲနွမ်းပါးတဲ့ ထောင်ချီတဲ့ လူတွေကို ကျွေးမွေးခဲ့ကြပါတယ်။ ကိုရိုနာဗိုင်းရပ်စ် ကူးစက်ကပ်ဘေးကြောင့် စီးပွားရေး ခက်ခဲကြပ်တည်းမှုဒဏ်ကို ခံနေရတဲ့ ဆင်းရဲတဲ့ ရပ်ကွက်သားတွေအတွက် စားဖိုမှူးတွေက စွပ်ပြုတ်လီတာ ထောင်ချီပြီး ချက်ပြုတ်ခဲ့တာပါ။ နိုင်ငံတလွှား မြို့အတော်များများက ရာချီတဲ့ စားဖိုမှူးတွေက လူ ၃ သိန်းစာ စွပ်ပြုတ် လီတာ ၇ သောင်း ချက်ပြုတ်ခဲ့တယ်လို့ ဒေသခံ မီဒီယာက ပြောပါတယ်။ တောင်အာဖရိကသမ္မတဟောင်း နယ်လ်ဆင်မင်ဒဲလားဟာ အဆုတ်ရောဂါကို ကာလကြာ ခံစားခဲ့ရပြီးနောက် အသက် ၉၅ နှစ်အရွယ် ၂၀၁၃ ခုနှစ် ဒီဇင်ဘာလ ၅ ရက်နေ့မှာ ကွယ်လွန်သွားခဲ့တာပါ။ တောင်အာဖရိကနိုင်ငံရဲ့ ပထမဆုံး လူမည်းသမ္မတ မင်ဒဲလားဟာ သွေးထွက်သံယိုမှုတွေနဲ့ အရှုပ်အထွေးတွေကြားက တိုင်းပြည်ကို ဒီမိုကရေစီနိုင်ငံဖြစ်အောင် ဦးဆောင်ခဲ့တဲ့ အရှိန်အဝါကြီးမားတဲ့ နိုင်ငံရေးသမားတဦးအဖြစ် ကမ္ဘာတဝှမ်း အသိအမှတ်ပြုခံရသူလည်း ဖြစ်ပါတယ်။
7 months Ago
More News
Up