အတင်းအဓမ္မ

April 27, 2021

ဘုတလင်မြို့‌ဆေးရုံ CDM ဝန်ထမ်းများကို လိုင်းခန်းမှ အတင်းအဓမ္မပြောင်းခိုင်း

အာဏာဖီဆန်ရေးလှုပ်ရှားမှု CDM မှာ ပါဝင်တဲ့ ဘုတလင်ဆေးရုံ ဝန်ထမ်း မိသားစုတွေကို ဘုတလင်ဆေးရုံအုပ်ဆရာဝန်က လိုင်းခန်းကနေ အတင်းအဓမ္မပြောင်းရွှေ့ခိုင်းနေတယ်လို့ ဖယ်ရှားခံရတဲ့ ဆရာမတစ်ယောက်က DVB ကို ပြောဆိုပါတယ်။

"CDM မှာ ပါတဲ့ ဝန်ထမ်းတွေ လိုင်းခန်းကနေ ၄ လ ၂၇ ရက်နေ့ အပြီး ထွက်သွားဖို့ ဖိအားပေးပြောဆိုပါတယ်။ အခုထွက်သွာနေကြတဲ့ မိ သားစုတွေလည်းရှိတယ်။ နေရာအခက်အခဲတွေလည်း ရှိသလို၊ ပြောင်းရွှေ့ရတာ၊ ပစ္စည်းသယ်ယူဖိုရာ အခက်အခဲတွေလည်းရှိတယ်၊ ကားအခက်အခဲပေါ့။ တချို့မိသားစုတွေကတော့ ဒီနေ့ မနက်ပိုင်းမှာ တချို့က နီးစပ်ရာဆွေမျိုးတွေဆီ ပြောင်းရွှေ့‌ပေးကြပြီး တချို့ကတော့ ပြောင်းရွှေ့ရမယ့်နေရာ မရှိတဲ့အတွက် အခက်အခဲကြုံနေရတာလည်း ပါတယ်။” 

ဘုတလင်မြို့ခံ‌တွေဟာ ခုအချိန်မှာ အာဏာသိမ်းစစ်ကောင်စီ တပ်တွေရဲ့ အနိုင်ကျင့်ပစ္စည်းသိမ်းယူခံရတာတွေလည်းရှိပြီး အင်တာနက်၊ ဝိုင်ဖိုင်ဖြတ်တောက်ခံနေရတာနဲ့ PSI စလောင်းသိမ်းဆည်းခံရတာတွေ နေ့စဉ်ကြုံနေရတယ်လို့ ဆိုပါတယ်။

7 months Ago

April 23, 2021

ချမ်းအေးသာစံ မအိစတိုးဆိုင်ကို အကြမ်းဖက်စစ်အုပ်စု အတင်းအဓမ္မရိုက်ဖွင့်ပြီး ပစ္စည်းများယူ

မန္တလေးမြို့ ချမ်းအေးသာစံမြို့နယ် ၆၃ လမ်း ၂၉ လမ်းနဲ့ ၂၈ လမ်းကြားရှိ မအိ မီးသတ်နဲ့ ဆက်စပ်ပစ္စည်းတွေ၊ ကာကွယ်ရေးပစ္စည်းတွေ ရောင်းတဲ့ဆိုင်ကို ဧပြီ ၂၃ ရက်နေ့ ညနေပိုင်းက အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်အဖွဲ့တွေ အတင်းအဓမ္မဝင်ရောက်ပြီး ပစ္စည်းတွေ ယူဆောင်သွားခဲ့ပါတယ်။

ဆိုင်တံခါးကို အတင်းရိုက်ဖွင့်ဝင်သွားတာဖြစ်ပြီး ပစ္စည်းတွေကို ယူဆောင်သွားပေမယ့် လူဖမ်းဆီးခံရတာ မတွေ့ခဲ့ဘူးလို့ မျက်မြင်တွေ့သူ တစ်ဦးက ပြောပါတယ်။

အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်အဖွဲ့တွေထဲမှာ အရပ်ဝတ်တွေနဲ့ သေနတ်တွေ ကိုင်ဆောင်ထားတဲ့အပြင် ဓားရှည်ကိုင်ဆောင်ထားတာတွေကိုလည်း တွေ့ရပါတယ်။

7 months Ago
Up