အဆောက်အုံ

January 25, 2021

မိုဇမ်ဘစ်တွင် မုန်တိုင်းကြောင့် အဆောက်အအုံနှင့်ကောက်ပဲသီးနှံများ ပျက်စီး

ကျန်ခဲ့တဲ့ သီတင်းပတ်ကုန်ရက်က မိုဇမ်ဘစ်နိုင်ငံမှာ လူ အယောက် ၇ ထောင်နီးပါးကို ဘေးကင်းရာ ရွှေ့ပြောင်းပေးခဲ့ရတဲ့ ဆိုင်ကလုန်းမုန်တိုင်း အဲလိုဝစ်စ်ကြောင့် ထောင်ချီတဲ့ အဆောက်အဦတွေနဲ့ ကောက်ပဲသီးနှံတွေ ပျက်စီးခဲ့ပါတယ်။

 ခုတော့ မုန်တိုင်းဘေးကြောင့် ပျက်စီးမှုကို မှတ်တမ်းတင်တဲ့ ပထမဆုံး အသေးစိတ် အစီရင်ခံစာ ထွက်လာပါပြီ။

  မုန်တိုင်းဟာ မိုးတွေ သွန်ချသလို ရွာခဲ့အပြီး ကုန်းတွင်းပိုင်းကို ဆက်လက် ရွှေ့လျားခဲ့လို့ ဇင်ဘာဘွေ၊ ဆွာဇီလန်နဲ့ တောင် အာဖရိက နိုင်ငံတွေဆီ ဦးတည်ရင်း အားနည်းသွားခဲ့ပါတယ်။

 မိုဇမ်ဘစ်နိုင်ငံရဲ့ ဆိပ်ကမ်းမြို့ ဘေးရာက လမ်းတွေ ရေလွှမ်းပြီး အဆောက်အအုံတွေ ပျက်စီးနေပုံကို ကုလသမဂ္ဂ ကလေးများ ရန်ပုံငွေအဖွဲ့ ယူနီဆက်ဖ်က ဖြန့်ဝေတဲ့ ပုံတွေ ပြထားခဲ့ ပါတယ်။

 စုံစမ်းစစ်ဆေးအပြီး မုန်တိုင်းကြောင့် လူ ၁၂ ယောက် ဒဏ်ရာရပြီး လူ ၆၈၉၅ ယောက် ဘေးကင်းရာ ရွှေ့ပြောင်းခဲ့ရတယ်လို့ မိုဇမ်ဘစ် အမျိုးသားကပ်ဘေးစီမံခန့်ခွဲရေးနဲ့ လျော့ချရေး အဖွဲ့ INGDက ဇန်နဝါရီ ၂၄ ရက်မှာ ပြောပါတယ်။

 ဒေသတွင်း ဘူဇီခရိုင်ကတော့ လေတိုက်နှုန်း ၁ နာရီ ၁၅၀ ကီလိုမီတာထိ ပြင်းတဲ့ လေပြင်းတွေ ရိုက်ခတ်တာ ခံခဲ့ရပါတယ်။

 စိုက်ပျိုးမြေ ဟက်တာ ၁၄၀၀၀၀ ပါး၊ ကျောင်း ၉ ကျောင်းပျက်စီးပြီး တခြားကျောင်း ၁၇ကျောင်းနဲ့ ဆေးရုံ ၁၁ ရုံ ထိခိုက်ခဲ့တယ်လို့ INGD က ကြေညာချက် ထုတ်ပြန် ပြောဆိုပါတယ်။

8 months Ago

June 6, 2020

မက္ကဆီကိုတွင် အမေရိကန်သံရုံးကို ဆန္ဒပြသူများက ခဲဖြင့်ပေါက်၊ အဆောက်အုံများကို ဖျက်ဆီး

မက္ကဆီကိုနိုင်ငံမြို့တော် မက္ကဆီကိုစီးတီးမှာ ရဲတပ်ဖွဲ့နဲ့ဆန္ဒပြသူတွေကြား ထိပ်တိုက်ရင်ဆိုင်မှု တွေ ဖြစ်ခဲ့ပြီး ဆန္ဒပြသူတွေက အမေရိကန်သံရုံးကို ခဲနဲ့ပေါက်တာ၊ အနီးအနားက အဆောက်အအုံ တွေကို ဖျက်ဆီးတာတွေ ပြုလုပ်ခဲ့ကြပါတယ်။   ဇွန်လ ၅ ရက်က ဖြစ်ခဲ့တဲ့ ဒီဆန္ဒပြမှုတွေဟာ ရဲတပ်ဖွဲ့က ထိန်းသိမ်းထားစဉ် ရဲလက်ထဲ သေဆုံးခဲ့တဲ့ ဒေသခံတဦးကြောင့် ဖြစ်ပေါ်လာခဲ့တာပါ။  မက်စ်မတပ်ဘဲ အပြင်ထွက်လို့ ဂျီအိုဗန်နီ လိုပက်ဇ်ဆိုတဲ့ လူငယ်ဟာ မေလအစောပိုင်းကထဲက ရဲတပ်ဖွဲ့ရဲ့ ဖမ်းဆီးခံခဲ့ရတာဖြစ်ပါတယ်။  ထိန်းသိမ်းထားစဉ် သေဆုံးမှုအတွက် တာဝန်ရှိတဲ့ ရဲအရာရှိ သုံးဦးကိုလည်း အာဏာပိုင်တွေ က ဖမ်းဆီးထားပါတယ်။  ဇွန် ၅ ရက်နေ့ကတော့ ဆန္ဒပြသူတွေဟာ မက္ကဆီကိုစီးတီးရဲ့ အဓိကလမ်းမကြီးတွေမှာ ချီ တက်ခဲ့ပြီး ကားတွေကို မီးတင်ရှို့တာ၊ စီးပွားရေးလုပ်ငန်းဆိုင်တွေကို ဖျက်ဆီးတာ၊ အမေရိကန်သံရုံးကို လောင်စာဆီပုလင်းတွေနဲ့ ပစ်ပေါက်တိုက်ခိုက်တာတွေ လုပ်ခဲ့တယ်လို့ ရိုက်တာသတင်းမှာ ဖော်ပြထားပါတယ်။
1 year Ago
Up