အဆုံးသတ်ကောင်းရန်လို

A d v e r t i s e m e n t With Us

December 30, 2020

ချဲလ်ဆီးအသင်း ခြေစွမ်းတက်လာသော်လည်း အဆုံးသတ်ကောင်းရန်လိုဟု လမ်းပတ် ပြော

ခံစစ်ကစားပုံတိုးတက်လာပေမဲ့ တိုက်စစ်ပိုင်းမှာ အဆုံးသတ်ကောင်းမွန်ဖို့ လိုအပ်နေသေး ကြောင်း ချဲလ်ဆီးနည်းပြလမ်းပတ်က ပြောပါတယ်။  ချဲလ်ဆီးအသင်းဟာ ပရီးမီးယာလိဂ်နောက်ဆုံး ၅ ပွဲမှာ တစ်ပွဲသာအနိုင်ရခဲ့ပြီး နည်းပြ လမ်းပတ်အပေါ် ဖိအားတွေ ကျရောက်နေတာပါ။  ဒီဇင်ဘာ ၆ ရက်က လိဒ်ယူနိုက်တက်ကို အနိုင်ရပြီး နောက်ပိုင်း အဲဗာတန်၊ ဝုဗ်၊ ဝက်စ်ဟမ်း၊ အာဆင်နယ်၊ အက်စ်တန်ဗီလာအသင်းတွေနဲ့ ၅ ပွဲ မှာ ဝက်စ်ဟမ်းကိုပဲ အနိုင်ရခဲ့ပြီး ၃ ပွဲ ရှုံး ၁ပွဲ သရေ ကျခဲ့တာပါ။  လက်ရှိအချိန်က ခက်ခဲတဲ့ အချိန်ရောက်နေပြီး ရှေ့ဆက်ပြီး တိုက်ပွဲဝင်သွားရမှာဖြစ်လို့ အဲဒီ အတွက် သန်မာနေဖို့ လိုတယ်လို့ နည်းပြလမ်းပတ်က ပြောပါတယ်။  ခြေစွမ်းနဲ့စိတ်ဓာတ်ပိုင်းအပြင် ခံစစ်ကစားပုံလည်း တိုးတက်လာပေမဲ့ တိုက်စစ်ပိုင်းမှာတော့ အရည်အသွေးမြင့်တဲ့ ခြေစွမ်းတွေ ပျောက်ဆုံးနေဆဲဖြစ်ကြောင်း လမ်းပတ်ကသုံးသပ်ခဲ့ပါတယ်။ ချဲလ်ဆီးအသင်းဟာ လက်ရှိအခြေအနေမတိုင်ခင်က ပြိုင်ပွဲစုံမှာ ၁၇ပွဲဆက်တိုက်ရ ရှုံးပွဲ မရှိ ကစားနိုင်ခဲ့တာဖြစ်ပါတယ်။  
2 months Ago
Up