အစ္စရေး လုံခြုံရေးနှင့် ပါလက်စတိုင်းလူငယ်များ ဗလီကျောင်းဝင်းထဲ ပဋိပက္ခဖြစ်

August 1, 2015

အစ္စရေး စစ်တပ်ကို စစ်သွေးကြွထောက်ခံသူများ ခဲများဖြင့်ပစ်ပေါက် (ရုပ်သံ)

ရာနဲ့ချီတဲ့ ပါလက်စတိုင်း စစ်သွေးကြွ ဟားမတ်စ်အုပ်စုကို ထောက်ခံသူတွေက ဟီဘရွန်မြို့က အစ္စရေးစစ်တပ်ကို သောကြာနေ့ဝတ်ပြုဆုတောင်းပြီးချိန်မှာ ခဲတွေနဲ့ ပစ်ပေါက်ခဲ့ကြပါတယ်။ ဂျူးအစွန်းရောက် တယောက်ရဲ့ သံသယဖြစ်ဖွယ်မီးရှို့မှုကို ဟားမတ်စ်ခေါင်းဆောင် ဟာနီယာ က ပြစ်တင်ရှုတ်ချအပြီး ခုလို ဖြစ်တာပါ။ စစ်သားတွေကလည်း မျက်ရည်ယိုဓာတ်ငွေ့ဗုံးတွေနဲ့ ပြန်ပစ်ခဲ့ကြပါတယ်။ အဲဒီနေ့မှာပဲ သံသယဖြစ်ဖွယ် ဂျူးမီးရှို့သူ တယောက်ကြောင့် ပါလက်စတိုင်း မွေးကင်းစ ကလေးတယောက် သေဆုံးခဲ့ပါတယ်။ မီးရှို့တိုက်ခိုက်မှုအပြီး အကြမ်းဖက်မှု ဖြစ်မှာကို စိုးရိမ်လို့ ရဲတွေက ဂျေရုဆလင်မြို့က အက်စာဗလီထဲ ဝတ်ပြုသူ အသက် ငါးဆယ် အထက် ယောက်ျားတွေနဲ့ အမျိုးသမီးတွေကိုသာ ဝင်ခွင့်ပေးခဲ့ပါတယ်။ မြို့ဟောင်းမှာလည်း ခဲနဲ့ပစ်မှုတချို့ ဖြစ်ခဲ့လို့ အရာရှိတယောက် ဒဏ်ရာနည်းနည်းရခဲ့တယ်လို့ ရဲက ပြောပါတယ်။ မီးရှို့မှုကြောင့် ကလေးရဲ့ မိဘတွေနဲ့ အသက် လေးနှစ်အရွယ် အစ်ကိုကို ရဟတ်ယာဉ်နဲ့ အစ္စရေး ဆေးရုံကို ခေါ်သွားခဲ့ရပြီး အသည်းအသန် အခြေအနေမှာ ရှိနေတယ်လို့ အရာရှိ တွေက ပြောပါတယ်။ ရွာထဲက ဒုတိယအိမ်တလုံးလည်း မီးရှို့ခံရပေမယ့် အိမ်ထဲမှာ လူရှိမနေခဲ့ပါဘူး။ အထူးလုပ်ငန်းတပ်ဖွဲ့ဟာ ရှင်းဘတ် လုံခြုံရေးအဖွဲ့နဲ့အတူ ဒီသတ်ဖြတ်မှုကို စုံစမ်းစစ်ဆေးနေတယ်လို့ ရဲတပ်ဖွဲ့က ပြောပါတယ်။ ပါလက်စတိုင်း သမ္မတ မာမွတ် အာဘတ်စ်ကတော့ ဒီတိုက်ခိုက်မှုကို သက်သေအဖြစ် နိုင်ငံတကာ ရာဇဝတ်မှုခုံရုံးကို တင်ပြမယ်လို့ ပြောပါတယ်။ ဂါဇာကမ်းမြှောင်က ဟားမတ်စ် ခေါင်းဆောင် အစ်မေးလ် ဟာနီယာကလည်း အစ္စရေးကို ပြစ်တင်ရှုတ်ချပါတယ်။ အစ္စရေး ရဲပြောခွင့်ရ လူဘာ ဆာမီယာက မီးရှို့မှုဟာ "Price Tag" အဖွဲ့ရဲ့ တိုက်ခိုက်မှု ဖြစ်ပုံရတယ်လို့ ပြောပါတယ်။ "Price Tag" အဖွဲ့ဟာ အနောက်ဘက်ကမ်းပါးက ဂျူးအခြေချနေထိုင်မှုတွေအတွက် အစ္စရေး အစိုးရရဲ့ လုပ်ရပ်ကို ဆန့်ကျင်သူ စစ်သွေးကြွ အခြေချသူတွေပါ။ ဇူလိုင် ၂၉ ရက်နေ့က အစ္စရေး အစိုးရဟာ ရာမယ်လာမြို့နားက တရားမဝင် အဆောက် အဦ ၂ လုံးကို ဖြိုချခဲ့ပြီး နေထိုင်သူ ဒါဇင်များစွာကို နဘ်လပ်စ်မြို့နားက တခြား ရပ်ကွက်ဆီ ရွှေ့ပြောင်းခဲ့လို့ ဆန္ဒပြပွဲတွေ ဖြစ်ခဲ့ပါတယ်။ "Price Tag" အဖွဲ့ဟာ လတ်တလောနှစ်တွေမှာ အနောက်ဘက် ကမ်းပါးက ဗလီတွေကို မီးရှို့မှုအတွက် ပြစ်တင်ခံခဲ့ရပါတယ်။ တိုက်ခိုက်မှုတွေကြောင့် ပျက်စီးမှုတွေ ကျယ်ကျယ်ပြန့်ပြန့် ဖြစ်ခဲ့ပေမယ့် သေဆုံးဒဏ်ရာရမှုတော့ မရှိပါဘူး။
6 years Ago

July 27, 2015

အစ္စရေး လုံခြုံရေးနှင့် ပါလက်စတိုင်းလူငယ်များ ဗလီကျောင်းဝင်းထဲ ပဋိပက္ခဖြစ် (ရုပ်သံ)

အရှေ့ဂျေရုဆလင်က ဘာသာရေးအထွတ်အမြတ်နယ်မြေဖြစ်တဲ့ အယ်ကဆာ ဗလီကျောင်းဝင်းထဲမှာ အစ္စရေးလုံခြုံရေးတပ်ဖွဲ့တွေနဲ့ ပါလက်စတိုင်းလူငယ်တွေ ဇူလိုင် ၂၆ ရက်နေ့က ပဋိပက္ခ ဖြစ်ပွားခဲ့ပါတယ်။ အယ်ကဆာဗလီဝန်းထဲကို အစ္စရေးလုံခြုံရေးတပ်ဖွဲ့တွေ မ၀င်ရောက်နိုင်အောင် ပါလက်စတိုင်း လူငယ်တွေက အရံအတားတွေနဲ့ ကာရံထားကြတယ်လို့ ပါလက်စတိုင်းတွေက ဆိုပါတယ်။ အဲ့ဒီအရံအတားတွေကို အစ္စရေးလုံခြုံရေးတွေ သွားရောက်ဖယ်ရှားတဲ့အချိန်မှာ ပါလက်စတိုင်း လူငယ်တွေက ကျောက်ခဲတွေနဲ့ ပစ်ခဲ့လို့ မျက်ရည်ယိုဗုံးနဲ့ ပစ်ခတ်လူစုခွဲရင်း နှစ်ဖက်ပဋိပက္ခတွေ ဖြစ်ပွားခဲ့တာပါ။ အစ္စရေးမီဒီယာတွေကတော့ ဂျူးဘာသာရေးနယ်မြေ အနောက်ဖက်အုတ်တံတိုင်းကို ဂျူးလူမျိုးတွေ သွားမ၀တ်ပြုနိုင်အောင် ပါလက်စတိုင်းတွေက ရည်ရွယ်လုပ်ဆောင်တာလို့ ဖော်ပြကြပါတယ်။ အယ်ကဆာ ဗလီဟာ အစ္စလာမ် ဘာသာဝင်တွေရဲ့ အထွတ်အမြတ်အထားဆုံး သာသနာနယ်မြေတခုဖြစ်သလို အရှေ့ဂျေရုစလင်မှာလည်း ဂျူးလူမျိုးတွေအတွက် ဘာသာရေး အထွတ်အမြတ်နယ်မြေတခုဖြစ်နေတာပါ။ နှစ်ဖက်ပဋိပက္ခအတွင်း ဘယ်ဘက်ကမှ အပြင်းအထန် ဒဏ်ရာရရှိခဲ့တာမရှိပေမယ့် ပါလက်စတိုင်း ၆ ဦးကတော့ အစ္စရေးလုံခြုံရေးတပ်ဖွဲ့တွေရဲ့ ဖမ်းဆီးခံရတယ်လို့ သတင်းထောက်တဦးက ပြောဆိုပါတယ်။ ဗလီဝင်းအခြေအနေကို ထိန်းသိမ်းထားနိုင်ပြီး ပွဲတော်ရက်အတွင်း နောက်ထပ်ပြဿနာတွေ မဖြစ်အောင် လုံခြုံရေးတိုးမြှင့်ချထားတယ်လို့ အစ္စရေးရဲတပ်ဖွဲ့ ပြောခွင့်ရက ပြောဆိုပါတယ်။ အစ္စလာမ်ဘာသာဝင်တွေ ၀တ်ပြုတဲ့ အယ်ကဆာဗလီဘက်မှာပါ ဂျူးတွေကို သွားရောက်ဝတ်ပြုနိုင်အောင် အစ္စရေးအစိုးရက ဆောင်ရွက်ဖို့ ဂျူးဝါဒစွဲပြင်းထန်သူတွေက တွန်းအားပေးနေတာပါ။ ဒါပေမယ့် အဲ့လိုခွင့်ပြုလိုက်ရင် အစ္စလာမ်ဘာသာဝင်တွေကို အကြီးအကျယ်ပြဿာနာတက်မှာဖြစ်တဲ့အတွက် ၁၉၆၇ အရှေ့အလယ်ပိုင်းစစ်ပွဲမှာ ဒီနေရာကို သိမ်းပိုက်ခဲ့ပြီးကတည်း အဲ့လိုမွတ်စလင်ဗလီဘက်မှာ ဂျူးတွေသွားရောက်ဝတ်ပြုတာကို အစ္စရေးအစိုးရက ပိတ်ပင်ခဲ့တာပါ။
6 years Ago
Up