အစိုးရ ခြိုးခြံချွေတာရေး အစီအစဉ် ဂရိပင်စင်စားများ ကန့်ကွက်ဆန္ဒပြ

July 6, 2015

ဂရိကြွေးမြီကိစ္စ လူထုဆန္ဒခံယူပွဲ အများစု ကန့်ကွက်မဲပေး

ဂရိကြွေးမြီကိစ္စနဲ့ ပတ်သက်ပြီး ဇူလိုင် ၅ ရက်နေ့ကလုပ်တဲ့ လူထုဆန္ဒခံယူပွဲမှာ မဲဆန္ဒရှင်အများစုက ကန့်ကွက်မဲ ပေးလိုက်ကြပါတယ်။ ဥရောပနိုင်ငံတွေက သတိပေးနေတာကို အာခံပြီး နောက်ထပ် ချွေတာရေး အစီအစဉ်တွေနဲ့ ငွေကြေး အထောက်အပံ့တွေကို ငြင်းပယ်လိုက်တာပါ။ ဒါဟာ အီးယူကနေ ဂရိနိုင်ငံ ထွက်သွားရမယ့် အခြေအနေမျိုးအထိကို ဦးတည်သွားနိုင်ပါတယ်။ မဲအားလုံးနီးပါးကို ရေတွက်ပြီးနောက် ထွက်ပေါ်လာတဲ့ ရလဒ်အရ ကန့်ကွက်မဲ ၆၂ ရာခိုင်နှုန်း ရရှိပြီး ထောက်ခံမဲ ၃၈ ရာခိုင်နှုန်း ရရှိပါတယ်။ ဒီရလဒ်ဟာ ကန့်ကွက်မဲဘက်က အနိုင်မရရင် ရာထူးကနေ နုတ်ထွက်ဖို့အထိ ရည်ရွယ်ထားတဲ့ ၀န်ကြီးချုပ် အလက်စီ စီပရက်အတွက်လည်း အောင်ပွဲဖြစ်ပါတယ်။ ကြွေးရှင်တွေရဲ့ စည်းကမ်းချက်အသစ်ဟာ ဂရိအတွက် သိက္ခာကျ အရှက်ရဖွယ်ကိစ္စ ဖြစ်တယ်ဆိုပြီး သူက ပြောခဲ့ပါတယ်။ ဒါပေမယ့် ဥရောပထဲ ဆက်နေချင်တဲ့ နိုင်ငံရေးပါတီတွေနဲ့ ယူရိုဇုန်ထဲက မူဝါဒ ချမှတ်သူတွေက ကန့်ကွက်တဲ့ဘက် အနိုင်ရခဲ့ရင် ကြွေးရှင်နိုင်ငံတွေနဲ့ ဆွေးနွေးတဲ့အခါ ပိုပြီး ခက်ခဲသွားနိုင်တယ်လို့ သတိပေးခဲ့ကြပါတယ်။ ဂရိနိုင်ငံရဲ့ လမ်းကြောင်းဟာ ဥရောပကို ကျောခိုင်းသွားတဲ့အထိ ဖြစ်သွားနိုင်တယ်လို့ သူတို့က သတိပေးခဲ့ကြပါတယ်။
6 years Ago

July 2, 2015

အစိုးရ ခြိုးခြံချွေတာရေး အစီအစဉ် ဂရိပင်စင်စားများ ကန့်ကွက်ဆန္ဒပြ

ဂရိ  ကွန်မြူနစ်ပါတီကို ထောက်ခံတဲ့ ပင်စင်စားတွေဟာ အစိုးရရဲ့ ခြိုးခြံချွေတာရေး အစီအစဉ်ကို ကန့်ကွက်တဲ့အနေနဲ့ ဇူလိုင် ၁ ရက်နေ့က ဘဏ္ဍာရေးဝန်ကြီးဌာနရှေ့မှာ ဆန္ဒပြကြပါတယ်။ ဒီလို မူဝါဒတွေဟာ ပြည်သူလူထုကို ဆန့်ကျင်တာလို့ ပင်စင်စားတွေက ကြွေးကြော်ကြပါတယ်။ ဆန္ဒပြသမားတွေ ဖြန့်ဝေတဲ့ လက်ကမ်းစာစောင်မှာလည်း အကြွေးရှင်နိုင်ငံတွေရဲ့ တောင်းဆိုချက်ကို ကန့်ကွက်တဲ့အကြောင်း၊ အစိုးရက အဆိုပြုတာကို လက်မခံနိုင်တဲ့အကြောင်း ရေးသားထားပြီး အီးယူကနေ ခွဲထွက်ပြီး အာဏာကို ပြည်သူ့လက်ကို အပ်နှင်းဖို့ တောင်းဆိုထားပါတယ်။ ဆန္ဒပြသမား နစ်ကော့ ဆိုဖီယာနော့စ်က လူတွေခံစားနေရတဲ့ ဒုက္ခတွေဟာ အတော်များနေပြီ၊ နိုးကြားကြဖို့ အချိန်ရောက်ပြီလို့ ပြောပါတယ်။ နောက် ဆန္ဒပြသမားတယောက်ကလည်း နိုင်ငံခြားသားတွေက ဂရိပြည်သူတွေရဲ့ ဘ၀ကို ထိန်းချုပ်ထားတာဟာ မဖြစ်သင့်တဲ့ကိစ္စပဲလို့ ပြောပါတယ်။ ဒါကြောင့် ဆန္ဒပြပွဲမှာ ပူးပေါင်းပါဝင်ကြဖို့ ပင်စင်စားတွေက တခြား ပြည်သူတွေကို တိုက်တွန်းကြပါတယ်။ လာမယ့် ဇူလိုင် ၅ ရက်နေ့ လူထုဆန္ဒခံယူပွဲကျရင်လည်း ယူရိုဇုန်က တောင်းဆိုထားတဲ့ အချက်တွေကို ကန့်ကွက်မဲပေးကြဖို့  ဆန္ဒပြသမားတွေက  တိုက်တွန်းထားပါတယ်။
6 years Ago
Up