အစိုးရနုတ်ထွက်ရန်

January 28, 2017

အစိုးရနုတ်ထွက်ရန် သီရိလင်္ကာ သမ္မတဟောင်း ဦးဆောင်ပြီး လူထုဆန္ဒပြပွဲ ပြုလုပ်

သီရိလကာင်္နိုင်ငံ မြို့တော်ကိုလံဘိုမှာ ဇန်န၀ါရီ ၂၇ ရက်က သမ္မတဟောင်း မဟိန်ဒါရာဂျာပါစကာ ဥင်္ီးဆောင်တဲ့ လူထုဆန္ဒပြပွဲပြုလုပ်ခဲ့ပြီး လက်ရှိအစိုးရနုတ်ထွက်ဖို့ တောင်းဆိုခဲ့ကြပါတယ်။ လက်ရှိအစိုးရဟာ “အုပ်ချုပ်ရေးမှာ ညံ့ဖျင်းတယ်။ တိုင်းပြည်ကို ဖွံ့ဖြိုးတိုးတက်အောင် မလုပ်နိုင်ဘူး”ဆိုပြီး သမ္မတဟောင်းမဟိန်ဒါက စွပ်စွဲပါတယ်။ ဒီကိစ္စနဲ့ပတ်သက်ပြီး သမ္မတဟောင်းက “သူတို့ကတိပေးခဲ့တာ တိုင်းပြည်ကို ခွဲခြမ်းဖို့ မဟုတ်ပါဘူး။ လုပ်ပိုင်ခွင့်အာဏာကို လွှတ်တော်ကို အပြည့်အ၀ပေးမယ်လို့ ကတိပေးခဲ့ တာပါ။ ဒီကတိကိုပစ်ပယ်ပြီး အတုအယောင် ဖွဲ့စည်းပုံသစ်ကို ချပြနေတယ်”လို့ စွပ်စွဲသွားပါတယ်။ “အခုဒီမှာမြင်နေရတဲ့ လူထုတောင်းဆိုနေတာက လက်ရှိ အစိုးရဆင်းပေးဖို့ဘဲ ဖြစ်ပါတယ်လို့” လည်း သမ္မတဟောင်းက ဆက်ပြောသွားပါတယ်။ ၂၀၁၅ ရွေးကောက်ပွဲကနေ အာဏာရလာတဲ့ လက်ရှိသမ္မတ မိုင်ထရီပါ လာစီရိစီနာရဲ့ ညွန့်ပေါင်းအစိုးရဟာ “တိုင်းပြည်အုပ်ချုပ်ရေးကို ပုဂ္ဂိုလ်ရေးဆန်ဆန် လုပ်ဆောင်နေတယ်။ လဘ်စားမှုကို မထိန်းချုပ်နိုင်ဘဲ သဘာဝရင်းမြစ်တွေကို နိုင်ငံခြား သားတွေကို ရောင်စားနေတယ်”လို့ ဝေဖန်ခံနေရပါတယ်။ အခုဆန္ဒပြနေတဲ့ သမ္မတဟောင်း မဟိန်ဒါကတော့ ၂၀၁၅ ရွေးကောက်ပွဲမှာ လက်ရှိသမ္မတ မိုင်ထရီပါလာကို ရှုံးနိမ့်ခဲ့ပါတယ်။ ဒါပေမယ့် သူဟာ သီိရိလာင်္ကာနိုင်ငံမှာ အဓိကလူများစုဖြစ်တဲ့ ဆင်ဟာလီလူမျိုးတွေရဲ့ ထောက်ခံမှုကို လတ်တလောရရှိနေကြောင်း ဒီကနေ့ရရှိတဲ့ ရိုက်တာ သတင်းမှာ ဖော်ပြထားပါတယ်။
5 years Ago
Up