အစုလိုက်

October 9, 2022

ယူကရိန်းနိုင်ငံ လိုင်မန်မြို့တွင် အစုလိုက်အပြုံလိုက်မြှုပ်နှံထားသည့်သင်္ချုင်းတွေ့ရှိ

ယူကရိန်းအာဏာပိုင်တွေဟာ လတ်တလော လွတ်မြောက်ပြီးစ နိုင်ငံအရှေ့ပိုင်းက လိုင်မန်မြို့မှာ အစုလိုက်အပြုံလိုက် မြှုပ်နှံထားတဲ့ သင်္ချိုင်းတစ်ခုကို တွေ့ရှိခဲ့ရတယ်လို့ ဒေသဆိုင်ရာ အုပ်ချုပ်ရေးမှူး ပက်ဗလိုကီရီလန်ကိုက အောက်တိုဘာ ၇ ရက်က အွန်လိုင်းပို့စ်တစ်ခုမှာ ပြောကြားခဲ့ပါတယ်။ 

“ဒေသဆိုင်ရာ အချက်အလက်တွေအရ စစ်သားရော အရပ်သားတွေပါ ပါနိုင်ပြီး အလောင်းဘယ်လောက်ရှိလဲဆိုတာ မသိရသေးဘူး”လို့ သူ့တယ်လီဂရမ်မှာ ရေးသားခဲ့တာပါ။

အဲ့ဒီနေရာကို တာဝန်ရှိသူတွေက စုံစမ်းနေကြောင်း ပြသထားတဲ့ ဓာတ်ပုံတွေကို သူ့ရဲ့ အွန်လိုင်းပို့စ်မှာ ပြထားပါတယ်။ 

ရိုက်တာကတော့ ဓာတ်ပုံတွေရဲ့ စစ်မှန်မှု၊ ဓာတ်ပုံတွေကို ရိုက်ယူခဲ့တဲ့ တည်နေရာ သို့မဟုတ် ရိုက်ကူးခဲ့တဲ့ ရက်စွဲတွေကို သီးခြား အတည်ပြုနိုင်ခြင်း မရှိပါဘူး။ 

ယူကရိန်းတပ်တွေဟာ ဒွန်နက်စ်ခ် ဒေသရှိ လိုင်မန်မြို့ကို ရုရှားထိန်းချုပ်မှုကနေ အောက်တိုဘာ ၁ ရက်မှာ ပြန်လည်သိမ်းပိုက်ခဲ့ပြီးနောက် အခုလို အစုလိုက်အပြုံလိုက် မြုပ်နှံထားတာကို တွေ့ရှိခဲ့ တာပါ။ 

အရင်လကလည်း အစ်ဇီယမ်မြို့ကို ယူကရိန်းတွေ ပြန်သိမ်းပိုက်နိုင်ချိန်မှာ လူ ၄၃၆ ရဲ့ ရုပ်အလောင်းတွေကို တူးဖော်တွေ့ရှိခဲပြီး အခုက ဒုတိယ တူးဖော်တွေ့ရှိမှုပါ။ 

ယူကရိန်းအာဏာပိုင်တွေက ရုရှားတပ်တွေကို သူတို့သိမ်းပိုက်ထားတဲ့ နယ်မြေတွေက ရက်စက် ကြမ်းကြုတ်မှုတွေကို ကျူးလွန်နေတယ်လို့ ပုံမှန်စွပ်စွဲလေ့ရှိပြီး အဲဒီစွဲချက်တွေကိုလည်း မော်စကိုက ငြင်းဆိုထားပါတယ်။ 

2 months Ago

December 25, 2020

ဆားဗီးယားတွင် ဝန်ကြီးချုပ်အပါအဝင် အစုလိုက် ကိုဗစ်ကာကွယ်ဆေး စထိုး

ဆားဗီးယားဝန်ကြီးချုပ် အန်နာ ဘန်နာဘိစ်ဟာ ဒီဇင်ဘာ ၂၄ ရက်က ပထမဆုံး ကိုဗစ်-၁၉ ကာကွယ်ဆေးထိုးနှံခံခဲ့ပြီး အစုလိုက်ကာကွယ်ဆေးထိုးနှံမှုကို စတင်လိုက်ပါတယ်။  ဆားဗီးယားဟာ ဥရောပမှာ  ဗြိတိန်နဲ့ ဆွစ်ဇာလန်ပြီးရင် တတိယမြောက် အစုလိုက် ကိုဗစ်ကာကွယ်ဆေးထိုးနှံတဲ့ နိုင်ငံဖြစ်ပါတယ်။  ဒီဇင်ဘာ ၂၂ ရက်က ဖိုင်ဇာကုမ္ပဏီထုတ် ကိုဗစ်ကာကွယ်ဆေးလုံးရေ ၅၀၀၀ နီးပါး ဆားဘီးယားကို လေယာဉ်နဲ့ ရောက်လာပါတယ်။  ဆာဗီးယားဝန်ကြီးချုပ် ဘန်နာဘိစ်က သူ့အနေနဲ့ ဥရောပမှာ ပထမဆုံးကိုဗစ်ကာကွယ်ဆေး ထိုးနှံခံတဲ့ ဝန်ကြီးချုပ်ဖြစ်တာကို ဂုဏ်ယူတယ်လို့ ပြောပါတယ်။  ကနဦး  ဖိုင်ဇာကုမ္ပဏီထုတ် ကိုဗစ်ကာကွယ်ဆေး အများစုကို အငြိမ်းစားဂေဟာတွေမှာ နေကြတဲ့ သက်ကြီးပိုင်းတွေကို ထိုးနှံပေးသွားမှာပါ။  ဒါ့အပြင် တရုတ်ထုတ် စီနိုဖမ်းနဲ့ ရုရှားထုတ် စပွန်းနစ်-၅ ကာကွယ်ဆေးတွေဟာလည်း မကြာခင် ရောက်လာတော့မယ်လို့ ဆားဗီးယားဝန်ကြီးချုပ်က  ဆိုပါတယ်။ 
2 years Ago
Up