အစုရှယ်ယာ

January 23, 2022

အွန်လိုင်းရုပ်သံ ထုတ်လွှင့်သည့် Netflix ကုမ္ပဏီ၏အစုရှယ်ယာ ၂၀ ရာခိုင်နှုန်းထိ ကျဆင်း

အင်တာနက်ကတဆင့် ရုပ်ရှင်နဲ့ တီဗီစီးရီးတွေ ထုတ်လွှင့်ဝန်ဆောင်မှုပေးနေတဲ့  နက်ဖလစ် (Netflix) ကုမ္ပဏီက ဇန်နဝါရီကနေ မတ်လအတွင်း ကြည့်ရှုသူ ထက်ဝက်နီးပါး လျော့သွားမယ်လို့ ခန့်မှန်းပြီးနောက် အစုရှယ်ယာ ၂၀ ရာခိုင်နှုန်း ထိုးကျသွားခဲ့ပါတယ်။

ကမ္ဘာ့အကြီးဆုံး နက်ဖလစ် အွန်လိုင်းရုပ်ရှင်ဝန်ဆောင်မှုလုပ်ငန်းဟာ ယခုနှစ် ပထမ သုံးလပတ် အတွင်း အခပေးကြည့်ရှုသူ ၅ ဒသမ ၉ သန်း တိုးလာမယ်လို့ မူလက ခန့်မှန်းထားခဲ့ရာက၊ တဝက်နီးပါး လျော့ကျသွားပြီး ကြည့်ရှုသူ ၂ ဒသမ ၅ သန်း သာ တိုးလာမယ်လို့ ဆိုပါတယ်။

ကိုဗစ်ကပ်ဘေးနဲ့ ကမ္ဘာ့စီးပွားရေးအကျပ်အတည်းကြောင့် နက်ဖလစ်ရဲ့  ရှယ်ယာ ၂၀ ရာခိုင်နှုန်းနီးပါး ကျဆင်းပြီး အမြတ်ငွေ ဒေါ်လာ ၇ ဒသမ ၇၁ ဘီလီယံ ထိခိုက်ဖို့ ရှိပါတယ်။

ပြိုင်ဘက်ကုမ္ပဏီတွေဖြစ်တဲ့ Walt Disney ကုမ္ပဏီက ရှယ်ယာ ၄ ရာခိုင်နှုန်း ကျဆင်းပြီး၊ Roku ကုမ္ပဏီက ၅ ရာခိုင်နှုန်း ကျဆင်းပါတယ်။ 

ဒါပေမဲ့ Walt Disney ၊ HBO နဲ့ Roku  တို့ဟာ အနာဂတ် အွန်လိုင်းရုပ်သံ ဝန်ဆောင်မှု လုပ်ငန်းတွေအတွက် ဘီလီယံပေါင်းများစွာ ပုံအောပြီး ရင်းနှီးမြှုပ်နှံနေကြပါတယ်။

လက်ရှိ ကမ္ဘာတဝန်း နက်ဖလစ်အစီအစဉ်တွေကနေ ကြည့်ရှုသူ စုစုပေါင်း ၂၂၁ ဒသမ ၈ သန်း ရှိပြီး ဈေးကွက် တန်ကြေးပမာဏ ဒေါ်လာ ၁၇၆ ဘီလီယံ ရှိပါတယ်။

2 days Ago

March 6, 2020

ERF ကုမ္ပဏီ၏ အစုရှယ်ယာများ စတင်ရောင်းဝယ်နိုင်ပြီ 

ERF ကုမ္ပဏီကို ရန်ကုန် စတော့အိတ်ချိန်းကနေ ဖေဖော်ဝါရီ ၂၈ရက်နေ့က စာရင်းဝင်ခွင့်ပြုခဲ့ပြီးနောက် အစုရှယ်ယာတွေကို မတ်လ ၂၀ရက်နေ့မှာ စျေးကွက်စတင် အရောင်းအဝယ်ပြုလုပ်နိုင်တော့မယ်လို့ သိရပါတယ်။  မြန်မာနိုင်ငံရဲ့ ဘက်စုံထောက်ပံ့ပို့ဆောင်ရေးလုပ်ငန်းနယ်ပယ် (Logistic Industry) မှာ Ever Flow River Group Public Co., ltd. (EFR) ဟာ ပထမဆုံးစာရင်းဝင်ကုမ္ပဏီတစ်ခု ဖြစ်ပါတယ်။  Ever Flow River Group Public Co., ltd. (EFR) ကို ရန်ကုန်စတော့အိတ်ချိန်းရဲ့ ၆ ခုမြောက် စာရင်းဝင်ကုမ္ပဏီအဖြစ် မတ်လ ၆ ရက်နေ့က သတင်းမီဒီယာတွေထံ မိတ်ဆက်ပေးခဲ့ ပါတယ်။  ERF ကုမ္ပဏီဟာ ပို့ဆောင်ရေးလုပ်ငန်းတွေမှာ ရထားပို့ဆောင်ရေးလုပ်ငန်းတွေကို အဓိကထားလုပ်ဆောင်သွားမှာဖြစ်ပြီး လက်ရှိမှာ ရန်ကုန်နဲ့ မန္တလေးမြို့တွေမှာ လုပ်ဆောင်ဖို့ ပရောဂျက်ရေးဆွဲထားတယ်လို့ အမှုဆောင်အရာရှိချုပ် ဦးအောင်မင်းဟန်က ပြောပါတယ်။ ရန်ကုန်မြို့ရဲ့ ပရောဂျက်လုပ်ငန်းကိုတော့ စတင်ဆောင်ရွက်နေပြီဖြစ်တယ်လို့လည်း ဆိုပါတယ်။ လက်ရှိ ရန်ကုန်စတော့အိတ်ချိန်းမှာ စာရင်းဝင်ကုမ္ပဏီ ၆ ခုအထိ ရှိပြီဖြစ်ပါတယ်။  အခုနှစ် ၂၀၂၀ ပြည့်နှစ်အတွင်းမှာလည်း ကုမ္ပဏီနှစ်ခုဟာ စာရင်းဝင်လာဖို့ရှိတယ်လို့ ရန်ကုန်စတော့အိတ်ချိန်း ရဲ့ အမှုဆောင်အကြီးတန်းအရာရှိ ဦးသက်ထွန်းဦးက ပြောပါတယ်။  မတ်လ ၂၆ ရက်နေ့ကစပြီး တနေ့ကို စတော့အရောင်းအဝယ် ၇ ကြိမ်အဖြစ် စတင်ဆောင်ရွက်သွားမယ်လို့လည်း ဆိုပါတယ်။ သတင်း - နူးရာ
2 years Ago
Up