အစီစဉ်မရှိ

December 31, 2020

ယခုနှစ်ရာသီ ပရီးမီးယားလိဂ်ကို  ရပ်နားထားရန် အစီစဉ်မရှိသေး

ပြီးခဲ့တဲ့ရက်တွေမှာ ကိုရိုနာဗိုင်းရပ်စ်ပျံ့နှံ့မှု ပိုပြီးမြင့်တက်လာခဲ့ပေမယ့် ပရီးမီးယားလိဂ်ပွဲစဉ်တွေကိုတော့ ရပ်နားသွားဖို့ လုံးဝအစီစဉ်မရှိဘူးလို့ ပရီးမီးယားလိဂ် တာဝန်ရှိသူတွေက ပြောပါတယ်။ အင်္ဂလန်မှာ ကိုဗစ်-၁၉ ရောဂါ ဖြစ်ပွားမှုတွေမြင့်တက်လာနေတာကြောင့် ဘောလုံးပွဲစဉ်တွေအပေါ် ဆိုးကျိုးသက်ရောက်မှုရှိခဲ့ပြီး ဒီသီတင်းပတ်မှာ ပရီးမီးယားလိဂ်  ပွဲစဉ် ၂ ပွဲကို ရွေ့ဆိုင်းလိုက်ရပါတယ်။ မန်စီတီးအသင်းမှာ ပိုးတွေ့ရှိသူတွေ များပြားလာတာကြောင့် အဲဗာတန်-မန်စီတီးပွဲကို ရွေ့ဆိုင်းလိုက်ရသလို ဖူလ်ဟမ်အသင်းရဲ့အခြေအနေကြောင့်လည်း စပါးနဲြ မနေ့က ကန်မယ့်ပွဲစဉ်ကို ရွေ့ဆိုင်းလိုက်ရပါတယ်။  ဒီပွဲတွေမတိုင်ခင် နယူးကာဆယ်အသင်းမှာ ပိုးတွေ့မှုကြောင် ဗီလာ- နယူးကာဆယ်ပွဲကိုလည်း ရွေ့ဆိုင်းခဲ့ရပြီး ဖြစ်ပါတယ်။ စပါးပွဲနဲ့ပတ်သတ်လို့ကြေညာချက်ထုတ်ပြန်ရာမှာ “ ဗိုင်းရပ်စ်ခြိမ်းခြောက်မှု ရှိနေပေမယ့် ဒီရာသီပွဲတွေကို ဆက်လက်ကျင်းပသွားမယ်” လို့ ပရီးမီးယားလိဂ်တာဝန်ရှိသူတွေက ပြောပါတယ်။ ဆမ်အလာဒိုက် နဲ့ နူနိုဆန်းတို့စ်အပါအဝင် နည်းပြ တချို့ကတော့ ပိုးတွေ့နှုန်းမြင့်တက်လာမှုကြောင့် ပွဲစဉ်တွေကို ခဏနားသင့်တယ်လို့ ပြောဆိုခဲ့ပြီးနောက် အခုကြေညာချက် ထွက်ပေါ်လာတာပါ။ ဖူလ်ဟမ်အသင်းမှာပိုးတွေ့လူနာတွေရှိခဲ့ပြီးနောက်ပွဲကို  ရွှေ့ဆိုင်းလိုက်ရလို့  စပါးနည်းပြမော်ရင်ဟိုကလည်း သူ့ အသင်းကြုံတွေ့ခဲ့ရတဲ့ မသေချာမရေရာမှုတွေ အတွက်ပရီးမီးယားလိဂ်တာဝန်ရှိသူတွေကို ဝေဖန်ပြောကြားခဲ့ပါတယ်။ ဒါပေမဲ့ ပရီးမီးယားလိဂ်တာဝန်ရှိသူတွေကတော့ လိဂ်ပွဲစဉ်တွေကို ဆက်ကျင်းပသွားမယ့် အကြောင်း ထပ်မံအတည်ပြုလိုက်ပြီး လိဂ်အနေနဲ့ အစိုးရကချမှတ်ထားတဲ့သတ်မှတ်ချက်  တွေကို ဆက်လက်လိုက်နာသွားမယ်လို့ ပြောပါတယ်။  ပရီးမီးယားလိဂ်တာဝန်ရှိသူတွေအနေနနဲ့ ဒီရာသီကို ရပ်လိုက်ဖို့မဆွေးနွေးခဲ့သလို အဲ့လိုလုပ်ဖို့ အစီအစဉ်လည်း မရှိဘူးလို့ မနေ့က ကြေညာချက်ထုတ်ပြန်ပါတယ်။  ပြီးခဲ့တဲ့သီတင်းပတ်တွေအထိ လီဗာပူးမြို့ခံအသင်းတွေရဲ့ပွဲစဉ်တွေမှာ ပရိတ်သတ်တွေ ဝင်ရောက်ကြည့်ရှုခွင့်ပြုခဲ့ပေမဲ့ ဒီဇင်ဘာ ၃၀ ရက်ကစဖို့  ဘယ်ပွဲကိုမှ ပရိတ်သတ်တွေ ဝင်ရောက်ခွင့်ပြုမှာ မဟုတ်တော့ဘူးလို့ သိရပါတယ်။ 
5 months Ago

October 4, 2020

လိုင်ယွန်ကွင်းလယ်လူကို ယခုအပြောင်းအရွှေ့၌ ခေါ်ယူရန် အစီစဉ်မရှိဟု ရီးရဲလ်နည်းပြပြော

လိုင်ယွန်ကွင်းလယ်လူ ဟိုဆမ်အော်ရာဟာ နောင်တချိန် ရီးရဲလ်မက်ဒရစ်အသင်းမှာ လာရောက်ကစားတာမျိုး ဖြစ်လာနိုင်ပေမဲ့ ဒီနွေရာသီအပြောင်းအရွှေ့မှာ သူ့ကို ခေါ်ယူဖို့ အစီစဉ် မရှိသေးဘူးလို့ ရီးရဲလ်မက်ဒရစ်အသင်းနည်းပြ ဇီဒန်းက ပြောပါတယ်။  လိုင်ယွန်ကွင်းလယ်လူကို ဥရောပထိပ်သီးအသင်းတော်တော်များများက စောင့်ကြည့်နေကြ ပြီး ဂျူဗင်တပ်စ်၊ ပီအက်စ်ဂျီနဲ့ အာဆင်နယ်အသင်းတို့က ခေါ်ယူဖို့ စိတ်ဝင်စားနေကြပါတယ်။ ဒါပေမဲ့ ဒီကွင်းလယ်လူကို ခေါ်ယူဖို့ ရီးရဲလ်နည်းပြ ဇီဒန်းက သူ့ရဲ့ပြင်သစ်က အဆက်အသွယ်  တွေကို ချိတ်ဆက်ခဲ့တယ်လို့ သတင်းတွေမှာ ဖော်ပြခဲ့ပြီးနောက် အော်ရာဟာ ရီးရဲလ်အသင်းကို ရောက်ရှိတော့မယ်လို့ သတင်းကြီးခဲ့ပါတယ်။  အဲ့ဒီနောက်မှာတော့ ဇီဒန်းက ၂၂ နှစ်သားကို ဒီနွေရာသီမှာ ခေါ်ယူသွားမှာမဟုတ်ဘူးလို့ ငြင်းဆန်ခဲ့တာပဲဖြစ်ပါတယ်။  ဇီဒန်းက “ခင်ဗျားတို့ ရရှိထားတဲ့သတင်းက ဘယ်လိုလဲတော့ ကျနော် မသိပါဘူး။ သူဟာ တကယ်ကောင်းတဲ့ ကစားသမားတယောက်ဆိုတာ သံသယရှိစရာ မလိုပါဘူး။ ဒါ့ကြောင့် နောင်တချိန်မှာ သူ့ကို ရီးရဲလ်အသင်းမှာ မြင်တွေ့ရတာမျိုး ဖြစ်လာနိုင်ပါတယ်။ ဒါပေမဲ့ အခုချိန်မှာ တော့ ကျနော်တို့အသင်း လူစာရင်းအတိုင်းပဲ စတင်သွားမှာဖြစ်ပါတယ်” လို့ စပိန်သတင်းစာ Marca ကိုပြောခဲ့ပါတယ်။  ပီအက်စ်ဂျီအသင်းဘက်ကလည်း ဒီလိုမျိုးအဓိပ္ပာယ်ရတဲ့ စကားမျိုးကို ပြောဆိုခဲ့ပြီး အားကစား ဒါရိုက်တာ လီယိုနာဒိုက “အော်ရာကို ခေါ်ယူသွားဖို့ အစီအစဉ်ရှိပါတယ်၊ ဒါပေမဲ့ အဲ့ဒါက အချိန်ချက်ချင်းကြီးတော့ မဟုတ်ပါဘူး” လို့ ပြောခဲ့ပါတယ်။ ဂျူဗင်တပ်စ်အသင်းဘက်ကလည်း လိုင်ယွန်ဘက်ကတောင်းတဲ့ ပေါင်သန်း ၅၀ ကြောင့် ဒီကစားသမားအတွက် လက်ရှောင်သွားခဲ့ပြီလို့ ယူဆရပါတယ်။  ဒါ့ကြောင့် လက်ရှိအချိန်မှာ ကစားသမားကိုခေါ်ယူဖို့ အာဆင်နယ်အသင်းဟာ ပြိုင်ဘက်မရှိ အနေအထားကို ရောက်ရှိလာခဲ့ပြီလည်း ဖြစ်ပါတယ်။  အာဆင်နယ်အသင်းဟာ ဒီကစားသမားကို ပေါင် ၃၂ သန်းနဲ့ကမ်းလှမ်းခဲ့ပြီးဖြစ်ပေမဲ့ ပယ်ချခံခဲ့ရတာကြောင့် တကယ်ခေါ်ယူချင်တယ်ဆိုရင် ဈေးနှုန်းကို သိသိသာသာ တိုးမြှင့်ပေးရမှာ ဖြစ်ပါတယ်။ 
8 months Ago
Up