အစာအဆိပ်သင့်

A d v e r t i s e m e n t With Us

June 6, 2019

ဝမ်းတွင်းမြို့နယ်တွင် သားအဖ ၃ ဦး အစာအဆိပ်သင့်

မန္တလေးတိုင်း၊ ဝမ်းတွင်းမြို့နယ်၊ ကင်းရွာကုန်းရွာမှာ ဇွန် ၆ ရက်မနက်က သားအဖ ၃ ဦး အစာအဆိပ်သင့်ပြီး ဝမ်းတွင်းဆေးရုံ ရောက်လာတယ်လို့ ဝမ်းတွင်းမြို့မရဲစခန်းက ပြောပါတယ်။ ဝမ်းတွင်းမြို့မရဲစခန်း ဒုရဲအုပ်ကျော်စွာလင်းက "သားအဖ ၃ ဦးလုံး မေ့မျောနေကြတယ်၊ ဘာမှမေးလို့ မရသေးဘူး။ ကိုသက်ပိုင်တို့ သားအဖ ၃ ဦး အော့အန်မူးမေ့နေတာကို တဝိုင်းတည်းနေ ကိုတင်စိုးက တွေ့ပြီး ဆေးရုံလာပို့တာပေါ့။ အခုတော့ မိတ္ထီလာဆေးရုံကို လွှဲပြောင်း ဆေးကုသတယ်။ ဘာအစားမှားပြီး အခုလို ဖြစ်သွားတယ် မသိရသေးဘူး။" ဒီနေ့မနက် ၉နာရီခွဲလောက်က ကင်းရွာကုန်းရွာနေ ဖခင်ဖြစ်သူ ဦးသက်ပိုင် (၃၅နှစ်)၊ သမီး ၃ တန်းကျောင်းသူ မခင်ရတနာဇော် (၈နှစ်) နဲ့ သားဖြစ်သူ မောင်ချစ်ရင်ထူး (၄နှစ်) တို့ ၃ ဦးလုံး အော့အန်ပြီး မူးမေ့နေတာကို တဝန်းထဲနေ ကိုတင်စိုးက တွေ့ရှိပြီး ဝမ်းတွင်းဆေးရုံ ပို့ပေးခဲ့တာပါ။ ကင်းရွာကုန်းရွာဒေသခံတဦးက "သူတို့အိမ်ထဲမှာ အစားအစာ အပိုင်းအစ ဘာမှမတွေ့ရဘူး။ အချိုရည်ဘူးလေးတွေတော့ တွေ့တယ်၊ သူတို့ သတိလည်လာမှပဲ သိရမယ်။ ဘာကိုအစားမှားတယ်ဆိုတာ သူတို့ပဲပြောနိုင်မယ်" လို့ ပြောပါတယ်။ ၀မ်းတွင်းပြည်သူ့ဆေးရုံ တာဝန်ကျ ဆရာဝန်တဦးက "အော့အန်တဲ့အထဲမှာ အရည်တွေနဲ့ ထမင်းတွေပါတယ်။ ဘာအစားအစာက အစာအဆိပ်ဖြစ်တယ် ပြောဖို့ ခက်တယ်။ အန်ထားတာတွေကို ဓာတ်ခွဲခန်း ပို့ထားပါတယ်" လို့ ပြောပါတယ်။ သတင်း-မောင်မောင်လင်း  
2 years Ago
Up