အစာလာတောင်းသည့်

December 3, 2017

အစာလာတောင်းသည့် ဧရာမမိကျောင်းကြီးနှင့် ရင်းရင်းနှီးနှီးရှိနေခဲ့သည့် အမျိုးသမီး (ရုပ်သံ)

သာမန် မိကျောင်းတကောင်ကို ထိပ်တိုက်ရင်ဆိုင်တွေ့မယ်ဆိုရင်တောင် ထိတ်လန့်သွားကြမှာဖြစ်ပေမယ့် ဒီအမျိုးသမီးနဲ့ မိကျောင်းကြီးကြား ပတ်သက် မှုကတော့ တကယ့်ကို အံ့ဖွယ်ပါပဲ။ ဒီအဖြစ်အပျက်ဟာ အင်ဒိုနီးရှားနိုင်ငံ၊ ဘော်နီယိုကျွန်းမှာ ဒီဇင်ဘာလ ၁ ရက်နေ့က ဖြစ်ခဲ့တာလို့ မေရာသတင်းတပုဒ်မှာ ဖော်ပြပါတယ်။ အရှည် ၁၅ ပေလောက်ရှိတဲ့ မိကျောင်းကြီးဟာ ရေထဲမှာ သစ်တုံးကြီးတတုံးလို နှာခေါင်းနဲ့ မျက်လုံးသာ ဖော်ပြီး ရွေ့လျားလာခဲ့တာကို တွေ့ရပါတယ်။ အမျိုးသမီးရဲ့ နာမည်ကိုတော့ ဒေသတွင်းသတင်းတွေမှာ အမ်ဘိုလို့ ဖော်ပြကြပြီး မိကျောင်းကြီးဟာ သူ့ဆီ အစာတောင်းဖို့ လာခဲ့တယ်လို့ ဆိုပါတယ်။ ခြေတံရှည်အိမ်အနီးရောက်ချိန်မှာ မိကျောင်းကြီးဆီ သူက ရေပိုက်နဲ့ ပက်ဖျန်းသန့်စင်စေခဲ့ပြီး အစာတွေ ပစ်ကျွေးခဲ့တာကို တွေ့ရပါတယ်။ အဲဒီနောက်မှာတော့ မိကျောင်းကြီးဟာ ရေထဲကို ပြန်ငုပ်လျှိုးသွားခဲ့တာ ဖြစ်ပါတယ်။ အဆိုပါဒေသဟာ ရေငံမိကျောင်းတွေ ပေါများတဲ့ ဒေသဖြစ်ပြီး ဒေသခံတွေဟာ တံငါအလုပ်နဲ့ အသက်မွေးကြသူတွေများကာ အိမ်တွေကိုလည်း ခုလို ပုံစံမျိုးနဲ့ ရေထဲမှာ ဆောက်ကြလေ့ရှိတယ်လို့ ဆိုပါတယ်။ မိကျောင်းတွေဟာ အိမ်တွေဆီကို အစာရှာဖို့ မကြာခဏ လာရောက်လေ့ရှိကြပြီး များသောအားဖြင့်တော့ တံငါသည်တွေက ခုလိုအစာကျွေးလေ့ရှိတယ်လို့ ဆိုပါတယ်။ ဒီအဖြစ်အပျက်ကို ရုပ်သံလွှင့်ခဲ့တဲ့ အသက် ၂၇ နှစ်အရွယ် အက်ဂတ်စ် ထရိုင်ယန်တိုက “မိကျောင်းကြီးကို အစာကျွေးခဲ့သူက ကျနော်တို့ အိမ်နီးချင်းပါပဲ။ သူ့ကို ကျနော်တို့က အမေအမ်ဘိုလို့ သိကြပါတယ်”လို့ ပြောပါတယ်။
3 years Ago
Up