အင်္ဂလန်လက်ရွေးစင်အသင်း

September 16, 2022

အင်္ဂလန်လက်ရွေးစင်အသင်းလူစာရင်းတွင် ရက်ရှ်ဖို့ဒ်နှင့် ဆန်ချိုတို့ ချန်လှပ်ခံရ

အင်္ဂလန်လက်ရွေးစင်အသင်းလူစာရင်း ထုတ်ပြန်ခဲ့ရာမှာ မန်ယူနောက်ခံလူ မက်ဂွဲယားပါဝင်လာခဲ့ ပေမဲ့ ရက်ရှ်ဖို့ဒ်နဲ့ ဆန်ချိုတို့ ချန်လှပ်ခံခဲ့ရပါတယ်။

နည်းပြဆောက်ဂိတ်ဟာ အီတလီ၊ ဂျာမနီအသင်းတွေနဲ့ ယှဉ်ပြိုင်ကစားရမယ့် လက်ရွေးစင်အသင်းကို ကစားသမား ၂၈ ဦးနဲ့ ဖွဲ့စည်းခဲ့တာပါ။

နည်းပြဆောက်ဂိတ်ဟာ ခြေစွမ်းကျဆင်းလို့ ဝေဖန်ခံနေရတဲ့ နောက်ခံလူ မက်ဂွဲယားကို ထပ်မံရွေးချယ်ခဲ့လို့ ပရိသတ်တွေကဝေဖန်ပါတယ်။

ဒါပေမဲ့ခြေစွမ်းပြနေတဲ့ ဂျေဒန်ဆန်ချိုနဲ့ ရက်ရှ်ဖို့ဒ်ကိုတော့ ချန်လှပ်ခဲ့တာပါ။ ရက်ရှ်ဖို့ဒ်ကတော့ ဒဏ်ရာပြဿနာရှိတဲ့အတွက်ဖြစ်ပြီး သူဟာ ထိပ်တန်းအဆင့် ခြေစွမ်းပြသနိုင်ဆဲဖြစ်ကြောင်း နည်းပြဆောက်ဂိတ်ကပြောပါတယ်။

နည်းပြဆောက်ဂိတ်ဟာ စပါးနောက်ခံလူ အဲရစ်ဒိုင်ယာ၊ ဘရန့်ဖို့ဒ်တိုက်စစ်မှူး အိုင်ဗန်တိုနေးတို့ကို ရွေးချယ်ခဲ့ပြီး ချဲလ်ဆီးကွင်းလယ်လူ ဂေါ်လဂါ၊ အာဆင်နယ်နောက်ခံလူ ဘန်ဝိူက်နဲ့ လက်စတာက ဂျက်စတင်တို့ကိုတော့ ချန်လှပ်ခဲ့ပါတယ်။

ပွဲထွက်ခွင့်နည်းပါးနေတဲ့မန်စီးတီးက ဂျက်ဂရေးလစ်ချ်နဲ့ ကယ်ဗင်ဖိလစ်၊ မန်ယူ ဘယ်နောက်ခံလူ လုခ်ရှောတို့ကို ရွေးချယ်ခဲ့တဲ့အပေါ်မှာတော့ ဝေဖန်မှုတွေရှိခဲ့ပါတယ်။ 

4 months Ago

March 18, 2022

အင်္ဂလန်လက်ရွေးစင်အသင်း လူစာရင်းတွင် ဝေဖန်ခံနေရသည့် မက်ဂွိုင်းယားကို ရွေးချယ်

အင်္ဂလန်လက်ရွေးစင်အသင်းနည်းပြ ဆောက်ဂိတ်ဟာ နိုင်ငံတကာ ခြေစမ်းပွဲနှစ်ပွဲအတွက် အသင်း ၂၅ ဦး လူစာရင်းကို မနေ့က ထုတ်ပြန်ခဲ့ရာမှာ ခံစစ်မှူး မက်ဂွိုင်းယားကို ဆက်လက်ရွေးချယ်ခဲ့ပါတယ်။
မက်ဂွိုင်းယားဟာ မန်ယူအသင်းခံစစ်မှာ အမှားအယွင်း များနေတာကြောင့် ဝေဖန်ခံနေရပြီး လက်ရွေးစင်အသင်းမှာ မရွေးချယ်သင့်ကြောင်း သုံးသပ်မှုတွေ ရှိနေတာပါ။
နည်းပြ ဆောက်ဂိတ်ကတော့ မက်ဂွိုင်းယားဟာ ပြီးခဲ့တဲ့နှစ်တွေအတွင်းမှာ အသင်းရဲ့ အကောင်းဆုံး ဗဟိုနောက်ခံလူတဦးဖြစ်ပြီး သူ့ကို အသင်းကနေ မရွေးချယ်ဘဲ ချန်လှပ်ဖို့ မစဉ်းစားခဲ့ဖူးဘူးလို့ သတင်းစာရှင်းလင်းပွဲမှာ ပြောလိုက်ပါတယ်။
မက်ဂွိုင်းယားကို ရွေးချယ်မှုအတွက် အမြဲတမ်း ဝေဖန်ခံရပေမယ့် သူ့ကို မရွေးချယ်ဖို့ လုံလောက်တဲ့ပြစ်ချက် မရှိကြောင်းလည်း နည်းပြ ဆောက်ဂိတ်က ပြောပါတယ်။
နည်းပြ ဆောက်ဂိတ်ဟာ ဗဟိုခံစစ်မှူးနေရာအတွက် မက်ဂွိုင်းယားကို ရွေးချယ်ခဲ့သလို ခရစ္စတယ်ပဲလေ့ နောက်ခံလူ ဂူဟီနဲ့ အာဆင်နယ်နောက်ခံလူ ဘင်ဝှိုက်တို့ကိုလည်း ရွေးချယ်ခဲ့ပါတယ်။
အသက် ၂၉ နှစ်ရှိ မက်ဂွိုင်းယားဟာ အင်္ဂလန်အတွက် ၄၁ ပွဲ ကစားထားပြီး ၂၀၁၈ ကမ္ဘာ့ဖလားမှာ စတုတ္ထနဲ့ ယူရို ၂၀၂၀ ပြိုင်ပွဲမှာလည်း ဒုတိယရရှိအောင် စွမ်းဆောင်နိုင်ခဲ့ပါတယ်။

11 months Ago
More News
Up