အင်္ဂလန်လက်ရွေးစင်

November 18, 2020

အင်္ဂလန်လက်ရွေးစင် ဂျက်ဂရီးလစ်ချ်ကို နည်းပြဆောက်ဂိတ် ချီးကျူး 

အင်္ဂလန်လက်ရွေးစင် ဂျက်ဂရီးလစ်ချ်ဟာ လူတွေရဲ့ အာရုံစိုက်မှုတွေကို ကျော်ဖြတ်နိုင်လိမ့်မယ်လို့ နည်းပြဆောက်ဂိတ်က ချီးကျူးလိုက်ပါတယ်။ အက်စ်တွန်ဗီလာ ကွင်းလယ်လူ ဂရီးလစ်ချ်ဟာ အင်္ဂလန်အသင်း နောက်ဆုံးကစားခဲ့တဲ့ ပွဲစဉ် ၂ ပွဲမှာ ခြေစွမ်းပြသနိုင်ခဲ့တာကြောင့် လူတွေရဲ့အာရုံစိုက်မှု ခံနေရတာဖြစ်ပါတယ်။  နည်းပြဆောက်ဂိတ်ကတော့ ဂရီးလစ်ချ်ဟာ နာမည်ကြီးကစားသမားတစ်ဦး ဖြစ်လာတာကြောင့် လူတွေရဲ့ အာရုံစိုက်မှုတွေကို အကောင်းမွန်ဆုံး ကျော်ဖြတ်နိုင်လိမ့်မယ်လို့ ဆောက်ဂိတ်က သုံးသပ်ခဲ့တာပါ။  အင်္ဂလန်လက်ရွေးစင် ကစားသမားဘဝအစမှာပဲ ခြေစွမ်းပြနိုင်ခဲ့တဲ့ ဂရီးလစ်ရှ်ဟာ ဘောလုံးနဲ့အတူ ဆွဲပြေးပြီး ကန်သွင်းနိုင်တဲ့သူလည်း ဖြစ်တယ်လို့လည်း နည်းပြ ဆောက်ဂိတ်က ချီးကျူးပြောပါတယ်။ 
1 year Ago

November 17, 2020

အင်္ဂလန်လက်ရွေးစင် ဂရီးလစ်ချ်၏ခြေစွမ်းကို အက်ရှ်လေကိုးလ် ချီးကျူး

အင်္ဂလန်လက်ရွေးစင် ဂရီးလစ်ရှ်ဟာ ဟာဇက်လို ခြေစွမ်းရှိတဲ့ ကစားသမားဖြစ်တယ်လို့ အက်ရှ်လေကိုးလ်က ချီးကျူးပါတယ်။  ဂရီးလစ်ချ်ဟာ ဘယ်လ်ဂျီယံကို ၂ ဂိုး ဂိုးမရှိနဲ့ရှုံးခဲ့တဲ့ပွဲမှာ ပွဲထွက် ကစားခဲ့ပြီး အင်္ဂလန်အသင်း ရှုံးနိမ့်ခဲ့ပေမယ့်လည်း ခြေစွမ်းပြသနိုင်ခဲ့တာပါ။ အဲဒီပွဲစဉ်ကို စကိုင်းစပေါ့ကနေ သုံးသပ်တင်ဆက်ခဲ့တဲ့ အင်္ဂလန်ကစားသမားဟောင်း အက်ရှ်လေကိုးလ်နဲ့ ဂျေမီရက်ဒ်နက်တို့ကတော့ ဂရီးလစ်ချ်ရဲ့ ခြေစွမ်းကို ချီးကျူးခဲ့တာပါ။ အာဆင်နယ်နဲ့ ချဲလ်ဆီးနောက်ခံလူဟောင်း အက်ရှ်လေကိုးလ်ကတော့ လက်ရှိခြေစွမ်းအတိုင်းသာဆိုရင် ဂရီးလစ်ချ်ဟာ ယူရိုပြိုင်ပွဲကစားမယ့်အသင်းမှာ ပါဝင်သင့်ပြီး ရီးရဲလ်မက်ဒရစ်က ဟာဇက်လို ခြေစွမ်းရှိသူလို့ ချီးကျူးပါတယ်။  ပြိုင်ဘက် ကစားသမားတွေကို နေရာစုံကနေ လှည့်စားနိုင်ပြီး ဟာရီကိန်းနဲ့ မေဆန်မောင့်တို့အတွက် ဖရီးကစ်ကန်သွင်းခွင့်တွေ ရရှိအောင် လုပ်ဆောင်ပေးလိမ့်မယ်လို့ အက်ရှ်လေကိုးလ်က ချီးကျူးခဲ့ပါတယ်။
1 year Ago
More News
Up