အင်းအမျိုးသားအဖွဲ့ချုပ်ပါတီ

A d v e r t i s e m e n t With Us

October 30, 2020

အင်းအမျိုးသားအဖွဲ့ချုပ်ပါတီ လှေအစီး ၅၀၀ ခန့်ဖြင့် အင်အားပြမည့်အစီအစဉ် ဖျက်သိမ်း (ဓာတ်ပုံ)

အင်းအမျိုးသားအဖွဲ့ချုပ်ပါတီက အောက်တိုဘာ ၃၀ ရက်က အင်းထဲမှာ လှေအစီး ၅၀၀ ဝန်းကျင်၊ လူအင်အား သောင်းချီပြီး အင်အားပြမဲဆွယ်ဖို့ စီစဉ်ထားပေမယ့် ကိုဗစ်-၁၉ စည်းကမ်းချက်ကြောင့် ဖျက်သိမ်းလိုက်တယ်လို့ သိရပါတယ်။

မဲဆွယ်စည်းရုံးရာမှာ လူ ၅၀ အထက်မကျော်ရလို့ ရွေးကောက်ပွဲ ကော်မရှင်က ထုတ်ပြန်လိုက်တဲ့အတွက် အင်းအမျိုးသားအဖွဲ့ချုပ်ပါတီက စီစဉ်ပြီးသား အင်းထဲလှေနဲ့ မဲဆွယ်စည်းရုံးအင်အားပြမယ့်အစီအစဉ်ကို ဖျက်သိမ်းလိုက်တာလို့ အင်းတိုင်းရင်းသားရေးရာဝန်ကြီး ကိုယ်စားလှယ်လောင်း ဒေါ်တင်တင်ရီက ပြောပါတယ်။ 

အင်းအမျိုးအဖွဲ့ချုပ်ပါတီအနေနဲ့ တောင်ကြီးမြို့နယ်မှာ ပြည်နယ်လွှတ်တော် ၂ နေရာ၊ ညောင်ရွှေမြို့နယ်မှာ ပြည်နယ်လွှတ်တော် ၂ နေရာနဲ့ ပြည်သူ့လွှတ်တော် ၁ နေရာနဲ့ အင်းတိုင်းရင်းသားရေးရာဝန်ကြီး ၁ နေရာ ဝင်ရောက်ယှဉ်ပြိုင်သွားမှာဖြစ်ပါတယ်။

ခွန်ရာဇာ

3 months Ago

July 28, 2020

အင်းအမျိုးသားအဖွဲ့ချုပ်ပါတီ ကိုယ်စားလှယ်လောင်း ၆ ဦး ယှဉ်ပြိုင်မည် 

လာမယ့် ၂၀၂၀ နိုဝင်ဘာ အထွေထွေရွေးကောက်ပွဲမှာ ရှမ်းပြည်နယ် အင်းလေးဒေသ အခြေစိုက် အင်းအမျိုးသားအဖွဲ့ချုပ်ပါတီကလည်း ကိုယ်စားလှယ်လောင်း ၆ ဦး  ပါဝင်ယှဉ်ပြိုင်မှာ ဖြစ်ပါတယ်။  အဆိုပါကိုယ်စားလှယ်လောင်းတွေကို ပညာအရည်အချင်းထက် လူထုနဲ့အများဆုံး တွေ့ဆုံ မှုရှိပြီး လူထုထောက်ခံမှုရရှိသူတွေကို ရွေးချယ်ကာ တောင်ကြီးနဲ့ ရွှေညောင် ၂ မြို့နယ်မှာ ပါဝင်ယှဉ်ပြိုင်မယ်လို့ ပါတီဥက္ကဋ္ဌ  ဦးအောင်ကြည်ဝင်းက ဒီဗွီဘီကို ပြောပါတယ်။  “ကိုယ်စားလှယ်လောင်းကို လူထုနဲ့တွေ့ဆုံမှုအများဆုံး၊ လူထုထောက်ခံမှုအများဆုံး ရတဲ့ သူကို အများဆန္ဒနဲ့ ရွေးထားပါတယ်ခင်ဗျ။ ဝင်ပြိုင်မှာကတော့ တောင်ကြီးမြို့နယ် ပြည်နယ် လွှတ်တော်ကိုယ်စားလှယ် ၂ နေရာ၊ ညောင်ရွှေမြို့နယ် ပြည်နယ်ကိုယ်စားလှယ် ၂ နေရာ၊ ပြည်သူ့ လွှတ်တော်ကိုယ်စားလှယ် ၁ နေရာနဲ့ အင်းတိုင်းရင်းသားရေးရာ ဝန်ကြီး ၁ နေရာပါ၊ ကိုယ်စားလှယ်တွေက ရွေးပြီးပါပြီ မနက်ဖန်ဖောင်တင်ပါမယ်။” ပါတီရဲ့ နိုင်ငံရေးရပ်တည်ချက်နဲ့ ရည်ရွယ်ချက်မှာ ဖယ်ဒရယ်ပြည်ထောင်စု တည်ထောင်တဲ့ အခါမှာ တိုင်းရင်းသားလူမျိုးစုပါတီအနေနဲ့ ရပ်တည်နိုင်ဖို့၊ အင်းသူအင်းသားတွေရဲ့ ရိုးရာယဉ်ကျေးမှု ဓလေ့ထုံးစံတွေကို အဖွဲ့အစည်းအနေနဲ့ ဦးဆောင်ဦးရွက်ပြုပြီး ထိန်းသိမ်းစောင့်ရှောက်ဖို့၊ အင်းလေးကန် သဘာဝပတ်ဝန်းကျင်ထိန်းသိမ်းရေးမှာ ဒေသခံတိုင်းရင်းသား အဖွဲ့အစည်းအနေနဲ့ တစိုက်မတ်မတ် ဆောင်ရွက်နိုင်ဖို့ ဖြစ်တယ်လို့ ဆိုပါတယ်။  အင်းလေးဒေသမှာ လောလောဆယ် မြေယာပိုင်ဆိုင်မှုပြဿနာရှိနေကြောင်း၊ အစိုးရက သဘာဝဘေးမဲ့တောသတ်မှတ်ရာမှာ ဒေသခံတွေက အိမ်ယာမြေယာ ပုံစံ ၁၀၅ လုပ်ခွင့်မရှိတဲ့ကိစ္စ တွေရှိတော့ ကိုယ်စားလှယ်တွေအနိုင်ရရင် အဲဒီကိစ္စအရင်ဆုံး ကူညီဖြေရှင်းဖို့ရှိ တယ်လို့ ဆိုပါတယ်။  အင်းအမျိုးသားအဖွဲ့ချုပ်ပါတီ ( Inn National League Party  )ဟာ  ၂၀၁၉ ဒီဇင်ဘာ ၁၉ ရက်နေ့ကမှ ပါတီထူထောင်ခွင့်ရခဲ့တဲ့ ပါတီသစ်တစ်ခုဖြစ်တာကြောင့်  ပါတီဝင်ဦးရေမှာလည်း  ၅၀၀ ကျော်လောက်သာ ရှိပါသေးတယ် ။  ရွေးကောက်ပွဲ နီးလာပေမဲ့ ကိုဗစ်-၁၉ ကာလ သွားရေးလာရေး အခက်အခဲ ကြောင့် ပါတီဝင်သစ်စည်းရုံးရေးတွေ ဆောင်ရွက်ဖို့ အခက်အခဲရှိနေတယ်လို့ ပါတီခေါင်းဆောင်က ပြော ပါတယ်။  
6 months Ago
Up