အင်းစိန်

September 11, 2021

အင်းစိန် ကညနရုံးအနီး ဗုံးပေါက်ကွဲ

ရန်ကုန်တိုင်း၊ အင်းစိန်မြို့နယ်၊ ကညနရုံး ဗဟိုလမ်းပေါက်မှာ ဒီနေ့ စက်တင်ဘာ ၁၁  ရက်ည ၇ နာရီလောက်က  ဗုံးပေါက်ကွဲခဲ့တယ်လို့ မြို့ခံတွေဆီက သိရပါတယ်။ 

ပေါက်ကွဲမှုနှင့်ပတ်သက်ပြီး ထိခိုက်ဒဏ်ရာရမှု အခြေအနေကိုတော့ မသိရသေးဘူးလို့ မြို့ခံတဦးက ပြောပါတယ်။

ရန်ကုန်တိုင်းမှာ ဒီနေ့ နေ့လယ်ပိုင်းကစပြီး လှိုင်၊ အင်းစိန်၊ လှိုင်သာယာမြို့နယ်အပါအဝင် အခြားမြို့နယ်အချို့မှာလည်း ဗုံးပေါက်ကွဲမှုတွေ ဖြစ်ပေါ်ခဲ့တယ်လို့ သိရပါတယ်။

3 months Ago

June 30, 2021

အင်းစိန်၊ ပိန္နဲကုန်းရပ်ကွက်တွင် ဒလန်ဆိုပြီးသတ်မှတ်ခံရသူတစ်ဦး သေနတ်ဖြင့် ပစ်သတ်ခံရ

အင်းစိန်၊ ပိန္နဲကုန်းရပ်ကွက်မှာ ဒလန်လို့သတ်မှတ်ခံနေရတဲ့ အသက် ၅၀ အရွယ် ဦးမောင်မောင်ဟာ သေနတ်နဲ့သုံးချက်ပစ်ခတ်ခံရပြီး အခင်းဖြစ်နေရာမှာ သေဆုံးသွားတယ်လို့ ရပ်ကွက်မှာနေထိုင်သူတစ်ယောက်က ပြောပါတယ်။

ဇွန် ၃၀ ရက်နေ့မနက် ၈ နာရီခွဲလောက်က ပိန္နဲကုန်းရပ်ကွက်၊ သရက်ခြံ ၃ လမ်းမှာ ပစ်ခတ်မှုဖြစ်ပွားပြီး ဦးမောင်မောင် သေဆုံးခဲ့တာဖြစ်ပါတယ်။

ဦးမောင်မောင်ဟာ အင်းစိန်ပေါက်တောဝနဲ့ ရုပ်ရှင်ရုံလမ်းထိပ်သပိတ်တွေမှာ ပါဝင်တဲ့ လူငယ်တွေရဲ့ သတင်းတွေကို စစ်ကောင်စီဆီ ပေးပို့တာတွေရှိတယ်လို့ ရပ်ကွက်နေသူတွေက စွပ်စွဲထားပါတယ်။ 

ဦးမောင်မောင်ဟာ ရပ်ကွက်အတွင်း ၂ လုံးထီရောင်းတဲ့အလုပ်နဲ့ ဝင်ငွေရှာသူဖြစ်တယ်လို့လည်း သိရပါတယ်။

ပစ်ခတ်မှုဖြစ်ပွားပြီးနောက်ပိုင်းမှာ သရက်ခြံ ၃ လမ်းကို စစ်ကောင်စီတပ်တွေရောက်လာပြီး စစ်ဆေးမေးမြန်းတာတွေ ပြုလုပ်ခဲ့ပါတယ်။

အင်းစိန်မြို့နယ်မှာ မတ်လဆန်းကစပြီး လူငယ်တွေက စစ်အာဏာရှင်ဆန့်ကျင်ရေး သပိတ်တွေ ဆက်တိုက်ဆင်နွှဲခဲ့ပါတယ်။ စစ်ကောင်စီက အင်းစိန်သပိတ်ကို အင်အားသုံး အကြမ်းဖက်ဖြိုခွင်းခဲ့သလို လူငယ်တစ်ရာကျော် အဖမ်းခံထားရတယ်လို့လည်း သပိတ်မှာ ပါဝင်တဲ့လူငယ်တွေက ပြောပါတယ်။

5 months Ago
More News
Up