အင်းဝအပ်ချုပ်ဆိုင်အမှု

A d v e r t i s e m e n t With Us

October 13, 2016

အင်းဝအပ်ချုပ်ဆိုင်အမှု တရားလိုသက်သေ စတင်စစ်ဆေး

  လူကုန်ကူးမှုတားဆီးကာကွယ်ရေး ဥပဒေနဲ့ တရားစွဲဆိုခံထားရတဲ့ အင်းဝအပ်ချုပ်ဆိုင်က မိသားစုဝင်၆ဦးရဲ့ အမှုကို ဒီနေ့ အောက်တိုဘာ ၁၃ရက်က ရန်ကုန် အနောက်ပိုင်းခရိုင် တရားရုံးမှာ တရားလိုသက်သေကို စတင်စစ်ဆေးပါတယ်။ အိမ်အကူမိန်းကလေး၂ဦးကို ညှဉ်းပန်းနှိပ်စက်မှုနဲ့ အင်းဝအပ်ချုပ်ဆိုင်က မိသားစုဝင်တွေကို တရားလိုပြုအမှုဖွင့်ခဲ့တဲ့ မြန်မာနိုင်ငံလူကုန်ကူးမှုတားဆီးနှိမ်နင်းရေးတပ်ဖွဲ့က ဒုရဲမှူးမျိုးသိန်းကို စတင်စစ်ဆေးခဲ့တာပါ။ ဖမ်းဆီးတရားစွဲခံထားရတဲ့ အင်းဝအပ်ချုပ်ဆိုင်  မိသားစုဝင် ၆ ဦးကိုတော့  ရှေ့နေ ၄ ဦးက အမှုအတွက် လိုက်ပါဆောင်ရွက်နေပါတယ်။ တရားစွဲခံထားရသူတဖြစ်ဖြစ်တဲ့ မသီရိလတ်ရဲ့ ရှေ့နေဒေါ်နှင်းစုအောင်က “အိမ်အကူမိန်းမလေး ၂ဦးကလဲ နှိပ်စက်တဲ့ထဲမှာ မသီရိလတ်မပါဘူးလို့ ထွက်ဆိုထားတယ်။ အဲဒီ့အတွက် မသီရိလတ် မပါရင် မပါတဲ့အတိုင်းဖြစ်အောင် ဆောင်ရွက်သွားမှာပါ´လို့ပြောပါတယ်။ အမှုမှာ နောက်ဆုံးလာရောက်အဖမ်းခံခဲ့တဲ့ မသီရိလတ် ကိုယ်တိုင်ကလည်း အိမ်အကူတွေကို နှိပ်စက်ခဲ့တာမျိုးမရှိဘူးလို့ လာရောက်အဖမ်းမခံခင် သူရဲ့ လူမှုကွန်ယက်စာမျက်နှာမှာရေးသားခဲ့ ပါတယ်။ ဒီအမှုအတွက် လာမယ့် အောက်တိုဘာလ ၂၀ရက်နေ့ မှာလဲ တရားလိုသက်သေတွေကို ဆက်လက် စစ်ဆေးသွားမှာဖြစ်ပါတယ်။ အင်းဝအပ်ချုပ်ဆိုင်မှာ အိမ်အကူအဖြစ် အလုပ်လုပ်ကိုင်နေတဲ့ မိန်းကလေးငယ်ဟာ  အလုပ်ရှင်မိသားစုရဲ့ ညှဉ်းပန်းနှိပ်စက်ခံရပြီး လက်ချောင်း ၁၀ ချောင်းစလုံး အချိုးခံခဲ့ရတာပါ။ အင်းဝအပ်ချုပ်ဆိုင်က မိသားစုဝင် ၆ ဦးကို မြန်မာနိုင်ငံ လူကုန်ကူးမှုတားဆီးနှိမ်နင်းရေးတပ်ဖွဲ့က လူကုန်ကူးမှုတားဆီးကာကွယ်ရေးဥပဒေပုဒ်မ ၂၉/၂၄/၃၂နဲ့အမှုဖွင့်ထား သလို ကျောက်တံတား ရဲစခန်းက ပုဒ်မ ၃၂၆/၃၂၅/၃၄၄/၁၁၄နဲ့ အမှုဖွင့်ထားပြီး လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနက ကလေးသူငယ် ဥပဒေပုဒ်မ ၆၆(ဃ) နဲ့ အမှုဖွင့်ထားပါတယ်။
4 years Ago

October 6, 2016

အင်းဝအပ်ချုပ်ဆိုင်အမှု ရှေ့နေများ ရောက်မလာတာကြောင့် ရုံးချိန်း ရွှေ့ဆိုင်း

အိမ်အကူမိန်းကလေး ၂ ဦးကိုညှဉ်းပန်းနှိပ်စက်မှုနဲ့ တရားစွဲဆိုထားတဲ့ အင်းဝ အပ်ချုပ်ဆိုင်က မိသားစုဝင် ၆ ဦးရဲ့အမှုကို ဒီနေ့မှာ တရားလိုပြ သက်သေစစ်ဆေးဖို့ အနောက်ပိုင်းခရိုင်တရားရုံးက ချိန်းဆိုခဲ့ပေမယ့် မစစ်နိုင်ခဲ့ပါဘူး။ ဒီနေ့ရုံးချိန်းမှာ တရားစွဲခံထားရသူ ၆ ဦးထဲက သီရိလတ်ရဲ့ ရှေ့နေနဲ့ ဦးကိုလတ်၊ တင်မင်းလတ်တို့ရဲ့ ရှေ့နေတွေပဲရောက်လာခဲ့ပြီး ဒေါ်တင်သူဇာ၊ စုမွန်လတ်၊ ရာဇာထွန်းတို့ရဲ့ရှေ့နေတွေ ရောက်မလာတဲ့အတွက် ရုံးချိန်းကို အောက်တိုဘာလ ၁၃ ရက်နေ့ကို ချိန်းဆိုခဲ့ပါတယ်။ အနောက်ပိုင်းခရိုင်တရားသူကြီးက ဒီအမှုဟာ အမှုကြီးဖြစ်တဲ့အတွက် ရှေ့နေ လိုကြောင်း၊ ရှေ့နေမငှားနိုင်ရင် အစိုးရက ငှားပေးမှာဖြစ်ကြောင်း၊ လာမယ့် ရုံးချိန်းကိုတော့ မဖြစ်မနေ စစ်ဆေးသွားမှာဖြစ်တယ်လို့ပြောကြားခဲ့ပါတယ်။
4 years Ago
Up