အင်းတော်မြို့နယ်တွင် ဘိန်းဖြူနှင့် စိတ်ကြွဆေးပြားများ ဖမ်းမိ

A d v e r t i s e m e n t With Us

June 13, 2017

အင်းတော်မြို့နယ်တွင် ဘိန်းဖြူ သိန်း ၅၀ ကျော်ဖိုး ဖမ်းမိ

စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ် စက်တောကုန်းကျေးရွာအနီးမှာ ကာလတန်ဖိုး ကျပ်သိန်း ၅၀ ကျော်တန်ဖိုးရှိ မူးယစ်ဆေးဝါးတွေကို ဇွန်လ ၁၂ ရက် မွန်းလွဲပိုင်းက ဖမ်းဆီးရမိခဲ့တယ်လို့ အင်းတော်မြို့မ ရဲစခန်းမှူး ဒုရဲမှူးသက်တင်ဦးက ပြောပါတယ်။ ဇွန်လ ၁၂ ရက် မွန်းလွဲ ၁ နာရီအချိန်က ကသာ မူးယစ်တပ်ဖွဲ့စု (၆) က ရဲအုပ်ကျော်စိုးလင်းဟာ သက်သေတွေနဲ့အတူ စက်တောကုန်းကျေးရွာနေ ပြုံးလှိုင်(ခ) ဖိုးရွှေရဲ့ နေအိမ်ကို ဝင်ရောက်ရှာဖွေရာ အိပ်ခန်းအတွင်း မူးယစ်ဆေးဝါး သုံးစွဲနေတဲ့ အိမ်ရှင် ပြုံးလှိုင်နဲ့ သောင်းဖေတို့ကို  တွေ့ရှိရပြီး အိမ်ကြမ်းပြင်ပေါ်မှာ ဘိန်းဖြူမှုန့်တွေ ကပ်နေတဲ့ ပင်နယ်ဆလင် ပုလင်း ၁ လုံး၊  အခြား မူးယစ်ဆေးအသုံးအဆောင်ပစ္စည်၊ ရောင်စုံဆပ်ပြာခွက်အတွင်း ပလပ်စတစ်အကြည်နဲ့ ထည့်ထားတဲ့ ဘိန်းဖြူ အလေးချိန် ၁၁ ဂရမ်ခန့်စီပါ ဆပ်ပြာခွက် ၅ ခွက်၊ စုစုပေါင်း အလေးချိန် ၅၅ ဂရမ်ခန့် တွေ့ရှိသိမ်းဆည်းရမိခဲ့တာပါ။ ပြုံးလှိုင်(ခ)ဖိုးရွှေကို စစ်ဆေးမေးမြန်းရာမှာ မူးယစ်ဆေးဝါးတွေကို ရှမ်းပြည်နယ်မြောက်ပိုင်း မဘိန်းမြို့နယ် ကွမ်းဘုတောရွာနေ ကျော်စွာ ဆိုသူထံမှ ဝယ်ယူခဲ့တယ်လို့ သိရပါတယ်။ မူးယစ်ဆေးဝါးများ လက်ဝယ်တွေ့ရှိသူ အင်းတော်မြို့နယ်၊ စက်တောကုန်းရွာနေသူ ပြုံးလှိုင်(ခ)ဖိုးရွှေ (၃၈-နှစ်)၊ သောင်းဖေ (၄၃-နှစ်) နဲ့ ရှမ်းပြည်မြောက်ပိုင်း မဘိန်းမြို့နယ်နေ ထွက်ပြေးနေသူ ကျော်စွာတို့ကို အင်းတော်မြို့မရဲစခန်းက မယ(ပ) ၄၃/၂၀၁၇ မူးစိတ်ပုဒ်မ ၁၅/၁၉(က)/၂၁ အရ အရေးယူဆောင်ရွက်နေတယ်လို့ သိရပါတယ်။ သတင်း - ကိုကိုလင်း(အင်းတော်)
4 years Ago

March 21, 2016

အင်းတော်မြို့နယ်တွင် ဘိန်းဖြူနှင့် စိတ်ကြွဆေးပြားများ ဖမ်းမိ

စစ်ကိုင်းတိုင်းဒေသကြီး ကသာခရိုင် အင်းတော်မြို့နယ် ညောင်ပင်သာကျေးရွာမှာ ဘိန်းဖြူနဲ့ WY စာတန်းပါ ပန်းရောင်စိတ်ကြွရူးသွပ်ဆေးပြားတွေကို မတ်လ ၂၀ ရက်နေ့ ညနေပိုင်းက ဖမ်းဆီးရမိခဲ့ပါတယ်။ မတ်လ ၂၀ ရက်ညနေ ၅ နာရီခွဲအချိန် အင်းတော်မြို့မရဲစခန်းမှ ရဲအုပ်သောင်းစိန်ထွန်း ဦးဆောင်တဲ့အဖွဲ့ဟာ သတင်းအရ အင်းတော်မြို့နယ် ညောင်ပင်သာကျေးရွာနေ တင်မျိုးရဲ့ နေအိမ်ကို ဝင်ရောက်ရှာဖွေဖမ်းဆီးရာ အိမ်ရှင်တင်မျိုးနဲ့အတူ ထွန်းထွန်းလှိုင်တို့   ထွက်ပြေးတာ ကြောင့် လိုက်လံဖမ်းဆီးခဲ့ရာ ထွန်းထွန်းလှိုင်မှ ထွက်ပြေးစဉ် လွင့်ပစ်လိုက်တဲ့ ဘိန်းဖြူမှုန့် ထည့်ထားတဲ့ အလေးချိန် (၀ ဒသမ ၁) ဂရမ်ခန့်ပါ ပင်နယ်စလင်ပုလင်း ၁ လုံးကို မြေကြီးပေါ်မှာ တွေ့ရှိခဲ့ပါတယ်။ အိမ်ရှင်တင်မျိုး ထွက်ပြေးစဉ်လွင့်ပစ်လိုက်တဲ့  ကချင်လွယ်အိတ်အတွင်းက ကြွပ်ကြွပ်အိတ် အမဲနဲ့ထုပ်ထားတဲ့  စိတ်ကြွရူးသွပ်ဆေးပြား  ၆၅၀ ပြား ကာလတန်ဘိုး ၃,၂၅၀,၀၀၀ ကျပ်ခန့်ကို  နေအိမ်ဝင်း ခေါင်းရင်မြေကြီးပေါ်က တွေ့ရှိခဲ့ပါတယ်။ ဒါကြောင့် မူးယစ်ဆေးဝါးတွေနဲ့အတူ တွေ့ရှိသူ တောင်သူမန်လည်ကျေးရွာနေ အသက် ၃၄ နှစ်အရွယ် ထွန်းထွန်းလှိုင်နဲ့ ထွက်ပြေးတိမ်းရှောင်နေတဲ့ အင်းတော်မြို့နယ် ညောင်ပင်သာရွာနေ အသက် ၄၀ အရွယ် တင်မျိုးတို့ကို အင်းတော်မြို့မရဲစခန်းမှ မယ(ပ)၁၆/၂၀၁၆ မူးစိတ်ပုဒ်မ ၁၅/၁၉(က)/၂၁ အရ အရေးယူ ဆောင်ရွက်နေတယ်လို့ သိရပါတယ်။ သတင်းဓာတ်ပုံ - ကိုကိုလင်း(အင်းတော်)
5 years Ago
Up