အင်ဒိုနီးရှားရဲ ဖမ်းဆီး

February 18, 2017

လူဝံတကောင်ကို သတ်ဖြတ်ချက်စားခဲ့သူများကို အင်ဒိုနီးရှားရဲ ဖမ်းဆီး

အင်ဒိုနီးရှား ရဲတွေဟာ စိုက်ပျိုးရေး လုပ်သားတွေကို လူဝံတကောင်ကို သတ်ဖြတ် ချက်စားခဲ့မှုနဲ့ စွပ်စွဲပြီး ဖမ်းဆီးခဲ့ပါတယ်။ ဘော်နီယို လူဝံတကောင် အသတ်ခံရမှုအတွက် တိရစ္ဆာန် ထိန်းသိမ်းစောင့်ရှောက်ရေး အုပ်စုက သတ်ဖြတ်သူတွေကို ဝေဖန် ပြစ်တင်ခဲ့ပါတယ်။ ဘော်နီယို လူဝံမျိုးကို မျိုးသုဉ်း ပျောက်ကွယ်လုနီးမျိုးစိတ်လို့ သတ်မှတ်ထားပါတယ်။ ဇန်နဝါရီ နှောင်းပိုင်းက စိုက်ခင်းထဲ လမ်းမှား ရောက်လာတဲ့ လူဝံတကောင်ကို ဆီအုန်း စိုက်ခင်း လုပ်သားတွေ အတော်များများက သတ်ဖြတ် ချက်စားခဲ့တယ်လို့ ဒေသခံ မီဒီယာက အစီရင်ခံခဲ့ပါတယ်။ ဒီအမှုကို ချက်ချင်း စုံစမ်းစစ်ဆေးပြီး သတ်ဖြတ်သူတွေကို သင့်တော်တဲ့ အပြစ်ပေးဖို့ သက်ဆိုင်ရာ လုံခြုံရေး တပ်တွေနဲ့ ရဲတွေကို တောင်းဆိုတယ်လို့ ဘော်နီယို လူဝံ ရှင်သန်ရေး ဖောင်ဒေးရှင်းက ဆက်ဆံရေး အရာရှိ မွန်တေရာဒို ဖရိုက်ဒ်မန်းက ပြောပါတယ်။ ဒီအမှုနဲ့ ပတ်သက်ပြီး စစ်မေးဖို့ လူဆယ်ယောက်ကို ရဲတွေက ဖေဖော်ဝါရီ ၁၅ ရက်နေ့ ဖမ်းခဲ့ပါတယ်။ သံသယရှိသူ အားလုံးဟာ လူဝံကို ပစ်ခတ် ခုတ်ထစ် ချက်ပြုတ် စားသောက်ခဲ့တဲ့ အမှုကို ကျူးလွန်တဲ့ အုပ်စု လူတွေချည်းပဲလို့ ကာပူအပ်စ် ရဲချုပ် ဂျူခိမန် စီတူမိုရန်က ပြောပါတယ်။ ဘော်နီယို လူဝံတွေကို အရှေ့တောင် အာရှမှာ တွေ့ရပြီး အမဲလိုက်မှုနဲ့ စားကျက်မြေ ဆုံးရှုံးမှုတွေကြောင့် ဆိုးဆိုးရွားရွား မျိုးသုဉ်းမယ့်ဘေးကို ရင်ဆိုင်နေရတဲ့ မျိုးစိတ်အဖြစ် သတ်မှတ် ခံထားရ ပါတယ်။ အင်ဒိုနီးရှား ဥပဒေအရ ပြစ်မှုထင်ရှားရင် ကျူးလွန်သူဟာ ထောင်ဒဏ် ၅ နှစ်ထိ ပြစ်ဒဏ်စီရင် ခံရနိုင်ပါတယ်။
4 years Ago
Up