ကင်းမြီးကောက်ထောင် တွားသွားရင်း ကျောင်းတက်နေရတဲ့ အင်ဒိုနီးရှားနိုင်ငံက အသက် ၈ နှစ်အရွယ် မသန်စွမ်း အာဂကလေးငယ်တဦးဟာ အင်တာနက် လူမှုကွန်ရက် စာမျက်နှာတွေပေါ်မှာ ရေပန်းစားနေပါတယ်။ သုံးတန်းကျောင်းသားလေး မူခလစ်စ်အဗ္ဗဒူလ်ဟိုလစ်ခ်ဟာ ပုံသဏ္ဌာန်မမှန် ပုံပျက်နေတဲ့ ခြေလက်တွေနဲ့ မွေးဖွားလာခဲ့တဲ့အတွက် ခုလိုအနေအထားနဲ့ လှုပ်ရှားနေခဲ့ရတာ ဖြစ်တယ်လို့ စထရိတ်တိုင်းမ်သတင်းမှာ ဒီဇင်ဘာ ၂၀ ရက်နေ့က ဖော်ပြပါတယ်။ သူဟာ အနောက်ဂျာဗားပြည်နယ်ထဲက ကျေးရွာတရွာမှာ နေထိုင်တာဖြစ်ပြီး စာသင်ကျောင်းကို သွားတဲ့လမ်းဟာ ကျောက်တုံးကျောက်ခဲတွေနဲ့ ကြမ်းတမ်းပြီး သစ်သားတံတားအိုတစင်းကိုလည်း ဖြတ်သန်းရသေးတာမို့ ၈ နှစ်အရွယ်သာ ရှိသေးတဲ့ ကလေးငယ်တဦး အဖို့တော့ ဒါဟာ ရိုးရိုးသာမန် ခရီးတခုတော့ မဟုတ်ခဲ့ပါဘူး။ အကွာအဝေး ၆ ကီလိုမီတာလောက်ရှိတဲ့ ခရီးမှာ အတက်အဆင်းတွေကို လေးဘက်တွားသွားတဲ့အခါ သွားလိုက်၊ တံတားကို ဖြတ်မယ့်အချိန် ကင်းမြီးကောက်ထောင် ကူးတဲ့အခါ ကူးဖြတ်လိုက်နဲ့ နေ့စဉ် ခုလို သွားလာလှုပ်ရှားနေရတဲ့ ဟိုလစ်ခ်ရဲ့ ဖြတ်သန်းမှုဟာ လူပြောများလာပြီးတဲ့နောက် သမ္မတ ဂျိုကို ဝီဒိုဒိုက သူ့ကို ခေါ်ယူတွေ့ဆုံခဲ့ပါတယ်။ “သူ့ကို ဘာလိုအပ်သလဲလို့ မေးတဲ့အခါ ဘာမှမလိုချင်ဘူးလို့ ပြောခဲ့ပါတယ်။ ကျနော်က သူ လက်ဆောင်တခုခု တောင်းလိမ့်မယ်လို့ တွေးထားခဲ့တာ။ သူက တက္ကသိုလ်ထိ ဆက်တက်ချင်ပါတယ်လို့ပဲ ဖြေခဲ့တယ်” လို့ သတင်းထုတ်ပြန်ချက်ထဲမှာ သမ္မတက ဖော်ပြခဲ့တာပါ။ ဟိုလစ်ခ်ရဲ့ မိခင်ဖြစ်တဲ့ ပီပင်းကတော့ “ကျမတို့မှာ ပိုက်ဆံရှိရင်တော့ သူက မော်တော်ဆိုင်ကယ် တက္ကဆီနဲ့ သွားနိုင်မှာပေါ့။ ခုက ကျပ်တည်းတော့ ခုလိုပဲ သွားနေရတယ်။ မိုးရွာရွာ၊ နေပူပူ သူကတော့ ဘယ်တော့မှ ဆင်ခြေမပေးဘဲ ကျောင်းကို နေ့တိုင်းသွားတယ်” လို့ ပြောပါတယ်။ ဟိုလစ်ခ်နဲ့ အင်ဒိုနီးရှားသမ္မတ တွေ့ဆုံမှုဟာ ကုလသမဂ္ဂ အပြည်ပြည်ဆိုင်ရာ မသန်စွမ်းသူများနေ့ဖြစ်တဲ့ ဒီဇင်ဘာ ၃ ရက်နေ့ကဖြစ်ပြီး သူ့အနေနဲ့ ဂျိုကိုနဲ့ တွေ့ဆုံရတာ ဝမ်းသာတယ်လို့ ပြောခဲ့ပါတယ်။ အေအက်ဖ်ပီသတင်းနဲ့ တွေ့ဆုံမှုမှာတော့ ဟိုလစ်ခ်က “ကျနော်က မီးသတ်သမား၊ ဆရာဝန်၊ အာကာသယာဉ်မှူးတယောက် ဖြစ်ချင်ပါတယ်” လို့ ဖြေခဲ့ပါတယ်။

အင်ဒိုနီးရှားနိုင်ငံမှာ ဆေးလိပ်သောက်သုံးမှုကို စွဲနေတဲ့ ကလေးငယ်အရေအတွက်ဟာ တနေ့တခြား တိုးပွားလာနေပြီး ဒါဟာ တကယ့်ကို အရေးကြီးတဲ့ ပြဿနာတခု ဖြစ်လာနေတယ်ဆိုတာ ဒီကလေးက သက်သေပြနေပါတယ်။ အသက် ၂ နှစ်အရွယ်သာရှိသေးတဲ့ အဲဒီကလေးငယ်ဟာ ဂျာဗားပြည်နယ်အနောက်ပိုင်း၊ ဆူကာဘူမိဒေသမှာ နေထိုင်ပြီး သူ့ရဲ့နာမည်ကိုတော့ ရက်ပ်လို့ သတင်းမီဒီယာတွေမှာ ဖော်ပြကြပါတယ်။ သူဟာ ခုလို စွဲစွဲလမ်းလမ်း ဆေးလိပ်စွဲနေခဲ့တာ ၁ လခွဲနီးပါးလောက် ရှိခဲ့ပြီဖြစ်ကာ တနေ့ကို ဆေးလိပ် ၂ ဘူးကုန်အောင် သောက်တယ်လို့ ဆိုပါတယ်။ မိခင်ဖြစ်သူ မာရတီကတော့ သားဖြစ်သူဟာ ကြမ်းပြင်ပေါ်က စွန့်ပစ် စီးကရက်ဖင်ဆီခံတွေကို ကောက်ယူ ရှူရှိုက်ရာကတဆင့် စွဲသွားခဲ့တာလို့ ပြောပါတယ်။ “စီးကရက်ဖင်ပိုင်းတွေကို ကောက်ယူတာက စတာပဲ။ ခုတော့ သူ ဆေးလိပ်သောက်တတ်နေပြီ။” ဖခင်ဖြစ်တဲ့ မစ်စ်ဗာဟူဒင်ကတော့ တခါတရံမှသာ ဆေးလိပ်သောက်သူတဦးဖြစ်ပြီး သားဖြစ်သူရဲ့ ခုလိုအမူအကျင့်အတွက် အံ့သြမိတယ်လို့ ဆိုပါတယ်။ လက်ရှိမှာတော့ ဒါကိုဖြေရှင်းဖို့ မိဘတွေက ပြန်လည်ကုသရေး စင်တာတခုခုဆီ ပို့ဆောင်ကုသနိုင်ဖို့ အဖြေရှာနေကြတာ ဖြစ်ပါတယ်။ ရက်ပ်ရဲ့ ဆေးလိပ်စွဲနေတဲ့ ပြဿနာအပေါ် အစိုးရက ဝင်ရောက်ဖြေရှင်းတာမျိုး၊ ကလေးငယ်အပေါ် လျစ်လျူရှုထားတဲ့ မိဘတွေကို ပြစ်မှုဆိုင်ရာ စွဲချက်တင်တာမျိုးတွေတော့ လက်ရှိမှာ ဘာမှ မသိရသေးပါဘူး။ တရားဝင်ထုတ်ပြန်ထားတဲ့ စာရင်းဇယားတွေအရ အင်ဒိုနီးရှားနိုင်ငံ လူဦးရေရဲ့ ၃ ပုံ ၁ ပုံ နီးပါးဟာ ဆေးလိပ်သောက်သုံးသူတွေ ဖြစ်ကြပြီး အဲဒီထဲမှာ အသက်မပြည့်သေးတဲ့ ကလေးငယ်တွေလည်း ပါဝင်နေတယ်လို့ ဆိုပါတယ်။ အသက် ၁၈ နှစ်အောက် ကလေးငယ်တွေ ဆေးလိပ်သောက်သုံးမှုနှုန်းဟာလည်း မြင့်တက်နေပြီး ကမ္ဘာ့ကျန်းမာရေးအဖွဲ့ရဲ့ ထုတ်ပြန်ချက်အရ အင်ဒိုနီးရှားနိုင်ငံမှာ ဆေးလိပ်နဲ့ ဆက်စပ်တဲ့ ရောဂါတွေကြောင့် သေဆုံးသူဦးရေဟာ နှစ်စဉ် ခန့်မှန်းခြေ ၂ သိန်းလောက် ရှိနေတယ်လို့ ဆိုပါတယ်။