ပီရူးသမ္မတ မာတင် ဗစ်ဇ်ကာရာက သူ့ရဲ့ အဂတိလိုက်စားမှု တိုက်ဖျက်ရေး အဆိုပြုချက်တွေကို အောက်လွှတ်တော်က အတည်ပြုမပေးရင် အောက်လွှတ်တော်ကို ဖျက်သိမ်းမယ်လို့ မေလ ၂၉ ရက်က ခြိမ်းခြောက်လိုက်ပါတယ်။ ဒါကြောင့် လက်တင်အမေရိက ဒေသတွင်း စီးပွားရေး အကြံ့ခိုင်ဆုံး ပီရူးနိုင်ငံမှာ အတိုက်အခံတွေနဲ့ အာဏာလွန်ဆွဲပွဲ လှုပ်ခတ်မှု တိုးခဲ့ပါတယ်။ တကယ်လို့ အောက်လွှတ်တော်က အစိုးရကိုဆန့်ကျင်ပြီး မဲပေးရင် အခြေခံဥပဒေအရ သမ္မတဟာ လွှတ်တော်ရွေးကောက်ပွဲအသစ် ခေါ်ယူခွင့်ရှိပါတယ်။ အဂတိလိုက်စားမှု အဆုံးသတ်ရေး သူအဆိုပြုထားတဲ့ မူဝါဒတွေဟာ သူ့အစိုးရရဲ့ အချက်အချာ အစိတ်အပိုင်း ဖြစ်တယ်၊ လွှတ်တော်အမတ်တွေက သူတို့လမ်းကြောင်းကို ထပ်ခါတလဲလဲ နှောင့်ယှက်နေတယ်လို့ ဗစ်ဇ်ကာရာက ပြောပါတယ်။ တကယ်လို့ အောက်လွှတ်တော်က ပြုပြင်ပြောင်းလဲရေးတွေအပေါ် အယုံအကြည်မရှိ အဆိုကို မဲပေးခဲ့ရင် လွှတ်တော်ရွေးကောက်ပွဲအသစ်ကို ဒီနှစ်အစောပိုင်းမှာ ကျင်းပနိုင်တယ်လို့ ရိုက်တာသတင်းဌာနက ထုတ်ပြန်ပါတယ်။

မိတ္ထီလာမြို့မှာ အဂတိတိုက်ဖျက်ရေးနှင့် သန့်ရှင်းသော တရားစီရင်မှု ဖြစ်ပေါ်လာစေရေးအတွက် ပြည်သူ့အကျိုးဆောင်အဖွဲ့ ဖွဲ့စည်းသွားမယ်လို့ သိရပါတယ်။ မန္တလေးတိုင်းဒေသကြီး မိတ္ထီလာမြို့ ကန်တော်မင်္ဂလာခန်းမမှာ အောက်တိုဘာ ၁၂ ရက်နေ့က အဂတိတိုက်ဖျက်ရေးနှင့် သန့်ရှင်းသော တရားစီရင်မှု ဟောပြောပွဲတရပ်ကို ကျင်းပခဲ့ပါတယ်။ ဦးဆောင်ကျင်းပသူ ဦးစိန်ဝင်းက "မိတ္ထီလာမှာ ကြားပွဲစားတွေ တအားများနေတယ်။ အဲဒီကြားပွဲစားတွေ ပပျောက်ဖို့ အရင်လုပ်ရမယ်။ ပြည်သူပူးပေါင်းပါဝင်မှ အဂတိကင်းစင်မှာပါ၊ ပြည်သူ့အကျိုးဆောင်အဖွဲ့အနေနဲ့ ဖွဲ့ဖြစ်မယ်။ ကိုယ့်စရိတ်ကိုယ်စားပြီး ပြည်သူ့အကျိုးဆောင် လုပ်ပေးမှာပါ။ အဲလိုစိတ်ရှိသူတွေပဲ စုစည်းပြီးဖွဲ့မှာပါ" လို့ ပြောပါတယ်။ လက်ရှိမှာတော့ ပြည်သူ့အကျိုးဆောင်အဖွဲ့ ဖွဲ့စည်းဆောင်ရွက်ဖို့ သက်ဆိုင်ရာ တာဝန်ရှိသူတွေကို ခွင့်ပြုချက်တင်ထားတယ်လို့ ဆိုပါတယ်။ တက်ရောက်ခဲ့သူ ကိုရဲလေးက "အများအတွက် ကောင်းဖို့လုပ်ကြတာပါ။ အဂတိဆိုတာက ချက်ချင်းတော့ ပျောက်မသွားနိုင်ဘူ။ ပထမ အဂတိနည်းအောင် လျော့ချရမယ်၊ အဲလိုလုပ်ပြီး လူ့အသိုင်းအဝိုင်းထဲမှာ ဒါဟာ ရှက်စရာတခုလို့ ခံစားသိမှ ပျောက်သွားမှာပါ"လို့ ပြောပါတယ်။ အဂတိတိုက်ဖျက်ရေးနှင့် သန့်ရှင်းသောတရားစီရင်ရေး ဟောပြောပွဲကို ဌာနဆိုင်ရာတွေအပါဝင် လူဦးရေ ၁၅ဝကျော် တက်ရောက်ခဲ့ပါတယ်။ သတင်း-မောင်မောင်လင်း(ဝမ်းတွင်း)