အခြေခံစားကုန်

June 6, 2020

မန္တလေးမြို့တွင် အခြေခံစားကုန်များကို ငွေကျပ် ၂၀၀၀ လျှော့ဈေးဖြင့် ရောင်းချ (ဓာတ်ပုံ)

မန္တလေးတိုင်းဒေသကြီးကုန်သည်နှင့် စက်မှုလုပ်ငန်းရှင်များအသင်း (MRCCI) နဲ့ ညီနောင်အသင်းများစုပေါင်း၍ မန္တလေးမြို့မှာ အခြေခံစားသောက်ကုန်တွေကို ငွေကျပ် ၂၀၀၀ နဲ့  ဇွန် ၆ ရက်နေ့ နေ့လယ်ပိုင်းမှာ ရောင်းချခဲ့ပါတယ်။ အဆိုပါ စားသောက်ကုန်တွေဟာ တန်ဖိုးအနေနဲ့ ငွေကျပ် ၇၀၀၀ ကျော် တန်ဖိုးကျသင့်ပါတယ်။ စားသောက်ကုန်တွေကတော့ ဆန် ၁ ပြည်၊ ပဲဆီသန့် ၁၅ ကျပ်သား၊ ကြက်သွန်နီ ၁ ပိဿာ၊ ကုလားပဲ ၅၀ ကျပ်သား၊ ကြက်ဥ ၆ လုံး၊ ငရုတ်သီးမှုန့် ၁ထုပ်၊ လက်ဖက် ၃ ထုပ်၊ ပဲကြော် ၃ ထုပ်၊ သားသား ဆန်ပြုတ် ၁ ထုပ်၊ Hand gel Sanitizer (လက်ဆေးဆပ်ပြာ)။ ၁ ဘူးနဲ့ Reusable Mask (ပြန်လည် အသုံးပြုနိုင်သော နှာခေါင်းစည်း) ၃ ခုတို့ ပါဝင်ပါတယ်။ အဲဒီပစ္စည်းတွေကို မန္တလေးမြို့ ၇ မြို့နယ်မှာ လူဦးရေ ၇၀၀၀ အတွက် ရောင်းချပေးသွားမယ်လို့ သိရပါတယ်။   Photo-Kaung Zaw Hein/ MPA
1 year Ago

May 25, 2020

သန်လျင်ရှိ ဝင်ငွေနည်းသူများကို ဆိုင်ကယ်စီးသူများစုပေါင်း၍ အခြေခံစားကုန်များ လှူဒါန်း (ဓာတ်ပုံ)

ဆိုင်ကယ်စီးသူတွေ စုပေါင်းပြီး သန်လျင်မြို့ရှိ ဝင်ငွေနည်း အခြေခံလူတန်းစားတွေ နေထိုင်တဲ့ ကျေးရွာတွေကို သွားရောက်ကာ အခြေခံစားသောက်ကုန်တွေ လှူဒါန်းခဲ့ကြတယ်လို့ သိရပါတယ်။ ကိုဗစ်-၁၉ ကာလ အလုပ်အကိုင်ရှားပါးပြီး အကျပ်အတည်းဖြစ်နေတဲ့ မိသားစု ၁၅၀ လောက်ကို ဆန်၊ ဆီ၊ ကြက်သွန်၊ ငါးသေတ္တာ နဲ့ နှာခေါင်းစည်းတွေ လှူဒါန်းခဲ့ကြတာပါ။ အီးဒ်နေ့အထိမ်းအမှတ်အဖြစ် အဖြူရောင်နှင်းဆီကန်ပိန်းလှုပ်ရှားသူတွေကလည်း မိသားစုဝင်တွေကို အဖြူရောင်နှင်းဆီပန်းတွေ ဝေငှခဲ့ကြပါတယ်။ သွားရောက်လှူဒါန်းတဲ့ အစီအစဉ်ကို ငြိမ်းချမ်းရေးဆိုင်ကယ်စီးကြသူများအဖွဲ့ (Peace Bikers)၊ Nature of Traveller (Yangon) MC ၊ Iron Horse Thanlyan - East Group နဲ့ Together Thanlyin အဖွဲ့တို့ ပူးပေါင်းလုပ်ဆောင်တာပါ။ ကိုဗစ်-၁၉ ကပ်ရောဂါကာလအတွင်း လူစုလူဝေးမဖြစ်စေဖို့ ဆိုင်ကယ်တွေကို ၄ ပေလောက်ခြားမောင်းတာ၊ နှာခေါင်းစည်းတွေ တပ်တာနဲ့ ရောက်တဲ့နေရာတွေမှာ လက်သန့်ဆေးနဲ့ ဆေးပြီး ကျန်းမာရေးအတွက် ဂရုစိုက်ခဲ့ကြတယ်လို့ သိရပါတယ်။ Photo - JPaing / MPA
1 year Ago
More News
Up