အချစ်ဇာတ်လမ်း

February 10, 2019

ဖိလစ်ပိုင်က ဆန်းပြားတဲ့ အချစ်ဇာတ်လမ်း လူမှုကွန်ရက်မှာ ရေပန်းစားနေ(ရုပ်သံ)

ချစ်သူနဲ့ ဖောက်ပြန်နေတဲ့ ဂေးလ်အမျိုးသားကိုမှချစ်မိပြီး နောက်ပိုင်းမှာ ဒီဂေးလ်အမျိုးသားနဲ့ ကလေးပါယူခဲ့တဲ့ အမျိုးသမီးတယောက်ရဲ့ အချစ်ဇာတ်လမ်းဟာ ဖိလစ်ပိုင်မှာ အထူး ရေပန်းစားနေတယ်လို့ nextshark သတင်းမှာဖော်ပြပါတယ်။ ၂၀၁၅ ခုနှစ်ဇွန်လမှာ အန်ဂျလီကာ မာဘူဟေးဟာ ဂျက်စတင်ဆိုတဲ့ အမျိုးသားတယောက်နဲ့ ဆုံ တွေ့ခဲ့ပြီး လအနည်းငယ်အကြာမှာပဲ ချစ်သူတွေအဖြစ်ကို ရောက်ရှိခဲ့ပါတယ်။ “ကျမတို့တွဲခဲ့ကြပြီး အမြဲတမ်း ဖုန်းနဲ့၊ မက်ဆေ့ခ်ျနဲ့ အဆက်အသွယ်ရှိခဲ့ပါတယ်။ သူနဲ့စကားမပြောနိုင်မှာဆိုးလို့ ကျမဖုန်းကိုအမြဲတမ်း ငွေဖြည့်ထားခဲ့ပါတယ်” လို့ အန်ဂျလီကာက Jassica Soho ဆိုတဲ့ ရုပ်သံအစီစဉ်တခုမှာ ပြောခဲ့ပါတယ်။ ဒါပေမယ့် လနည်းငယ်အကြာမှာတော့ ဂျက်စတင်က သူမအပေါ် သွေးအေးသွားခဲ့ပြီး ဒီကိစ္စကြောင့် အန်ဂျလီကာဟာ သံသယတွေပွားခဲ့ပါတယ်။ “သူ့မှာ နောက်တယောက်ရှိနေပြီလို့ ကျမသံသဝဝင်ခဲ့တယ်။ အဲဒါကြောင့် သူ့ဖုန်းတွေ၊ လူမှုကွန်ရက်တွေကို ကျမစောင့်ကြည့်ခဲ့ပါတယ်။ အန်ဂျလီဘက်က သံသယတွေဝင်ခဲ့ပေမယ့် ဂျက်စတင်က သူမနဲ့ ဆက်တွဲခဲ့ပါတယ်။ ဒါပေမယ့် ဒါဟာ ဖေ့စ်ဘွတ်မှာ ပို့စ်တခု မတက်လာခင်အချိန်ထိပဲ ဖြစ်ပါတယ်။ ဂျက်စတင်ဟာ အန်ဂျလီကာ့နောက်ကွယ်မှာ ဂေးလ်အမျိုးသားတဦးနဲ့ ရှုပ်နေခဲ့တာဖြစ်ပြီး ဒီအကြောင်းကို ဖေ့စ်ဘွတ်ခ်ကနေတဆင့် အန်ဂျလီကာက သိရှိခဲ့ရပါတယ်။ အဲဒီနောက်မှာတော့ အန်ဂျလီကာဟာ ဂျက်စတင်နဲ့ လမ်းခွဲခဲ့ပါတယ်။ လမ်းမခွဲခင် ဒီကိစ္စကို ဖြေရှင်းကြချိန်မှာ ဂျက်စတင်က သူမကို လှောင်ပြောင်သရော်ပြီး တုံ့ပြန်ခဲ့တယ်” လို့လည်း အန်ဂျလီကာက ရင်ဖွင့်ပါတယ်။ ဂျက်စတင်ဟာ ဂျက်ဖရီအူရီတာ ဆိုသူနဲ့ တွဲခုတ်နေတာဖြစ်ပြီး “ဂျက်စတင်ရဲ့ တောင့်တင်းတဲ့ ခန္ဓာကိုယ်ဖွဲ့စည်းပုံကြောင့် သူ့ကိုမြင်မြင်ချင်း သဘောကျသွားခဲ့တယ်” လို့ ဂျက်ဖရီကပြောပါတယ်။ ဒါပေမယ့် သူ့မှာ ရည်းစားရှိနေတယ်ဆိုတာကိုတော့ မသိခဲ့ပါဘူးလို့လည်း သူကဆက်လက် ပြောကြားပါတယ်။ ဂျက်ဖီရီဟာ ဂျက်စတင်ရဲ့သဘောတူညီချက်နဲ့ သူတို့အချစ်ဇာတ်လမ်းကို လူမှုကွန်ရက်ပေါ်မှာ ကြေညာခဲ့တာဖြစ်ပြီး ဒီလို လူသိရှင်ကြား ကြေညာခဲ့ပြီးချိန်မှာ အန်ဂျလီကာက သူ့ကို ပြဿနာရှာမယ့်အစား မက်ဆေ့ခ်ျပို့ဆက်သွယ်ကာ သူငယ်ချင်းတွေဖြစ်ကြဖို့ အံ့အားသင့်ဖွယ် တောင်းဆိုခဲ့ပါတယ်။ ပိုပြီးအံ့အားသင့်ဖို့ကောင်းတာက အဲဒီနောက်ပိုင်းမှာ အန်ဂျလီကာနဲ့ ဂျက်ဖရီတို့နှစ်ဦးဟာ သူငယ်ချင်းတွေဖြစ်လာခဲ့ကြပြီး ဂျက်ဖရီနဲ့ ဂျက်စတင်တို့ ပြတ်စဲ သွားပြီးချိန်မှာတော့ သူတို့နှစ်ဦးကြား ပိုမိုနီးစပ်လာကာ အရင်းနှီးဆုံး မိတ်ဆွေတွေအဖြစ်ကို ရောက်ရှိလာခဲ့ကြပါတယ်။ “ကျနော်ဘာလုပ်နေလဲဆိုတာက အန်ဂျလီကာက အမြဲတမ်း ဆက်သွယ်ပေးမြန်းခဲ့တယ်” လို့ ဂျက်ဖရီကပြောပြီး “သူနဲ့စကားမပြောရရင် ကျမဘဝက မပြည့်စုံသလိုကြီးခံစားရတယ်” လို့လည်း အန်ဂျလီကာက ဆိုပါတယ်။ အဲဒီနောက်မှာတော့ အန်ဂျလီကာက ဂျက်ဖရီကို တွဲကြဖို့စတင်ဖွင့်ပြောခဲ့ပြီး ဂျက်ဖရီဘက်ကလည်း ဒါကို သဘောတူခဲ့ကြပါတယ်။ သူတို့နှစ်ဦးရဲ့အချစ်ခရီးအစမှာ အဆင်မပြေမှုများစွာကြုံတွေ့ခဲ့ရပြီး ဂျက်ဖရီဟာ တခြားအမျိုးသားတွေနဲ့ ဇာတ်လမ်းတွေရှိနေတဲ့အပြင် ဂျက်စတင်နဲ့လည်း အဆက်အသွယ်ရှိနေတာကို အန်ဂျလီကာက သိရှိခဲ့ရပါတယ်။ အဲဒီနောက်မှာတော့ အန်ဂျလီကာက ဂျက်ဖရီကို ပြတ်ပြတ်သားသားဆုံးဖြတ်ပေးဖို့ တောင်းဆိုခဲ့ပြီး ဂျက်ဖရီက သူမကိုပဲ ရွေးချယ်ခဲ့ပါတယ်။ “ဂျက်စတင်က ကျနော်တို့အဆင်ပြေလားလို့ မေးမြန်းခဲ့တာပါ။ ပြီးတော့ သူက ကျနော်နဲ့ အန်ဂျလီကာတို့အတွက်လည်း ဆုတောင်းပေးလိုက်ပါသေးတယ်။ တခြားအမျိုးသားတွေနဲ့ ယှဉ်ရင် ကျနော့်ကိုတကယ်ချစ်တဲ့ အန်ဂျလီကာကိုပဲ ရွေးချယ်ရမှာပေါ့” လို့ ဂျက်ဖရီကပြောပါတယ်။ ဒီလိုနဲ့ပဲ သူတို့စုံတွဲဟာ အချိန်အတန်ကြာအတူတူနေခဲ့ကြပြီး ပြီးခဲ့တဲ့ ဒီဇင်ဘာလမှာတော့ သားယောက်ျား လေးတဦးကို မွေးဖွားခဲ့ပါတယ်။ “ကျနော်ရတဲ့ လစာကနည်းလို့ အဆင်မပြေပေမယ့် ပိုက်ဆံကိုပိုဆုပြီး သားလေးကို ပြုစုပျိုးထောင်သွားမှာပါ” လို့ ဂျက်ဖရီကပြောပါတယ်။ သူတို့နှစ်ယောက်ရဲ့ ဆန်းပြားတဲ့ အချစ်ဇာတ်လမ်း ဖိလစ်ပိုင်နိုင်ငံက လူမှုကွန်ရက် အသုံးပြုသူတွေကြားမှာ အထူးပင်ရေပန်းစားနေပြီး “ဒါဟာ အချစ်စစ်ရဲ့ ပြယုဂ်တခုဖြစ်တယ်” လို့လည်း အများစုက မှတ်ချက်ပေးလျက်ရှိပါတယ်။
2 years Ago
Up