အခမဲ့စစ်ဆေး

September 6, 2021

ဘန်ကောက်နေရာ ၉ ခုတွင် အများပြည်သူ ကိုဗစ်-၁၉ အခမဲ့စစ်ဆေးနိုင်

ကိုဗစ်-၁၉ ကူးစက်မှုတွေ မြင့်တက်နေတဲ့ ထိုင်းနိုင်ငံမြို့တော် ဘန်ကောက်မှာ အများပြည်သူ ရောဂါရှိမရှိ စစ်ဆေးနိုင်မယ့် နေရာ ၉ ခုကို ဩဂုတ် ၅ ရက်မှာ စတင်လိုက် ပြီဖြစ်တယ်လို့ သိရပါတယ်။

ဘန်ကောက်မှာ နေထိုင်သူတွေအနေနဲ့ ကိုဗစ်-၁၉ ရောဂါရှိမရှိ စမ်းသပ်စစ်ဆေးလို တယ်ဆိုရင် မှတ်ပုံတင်မိတ္တူ ၂ စောင်၊ အများနဲ့ မျှဝေသုံးစွဲမှုက ရှောင်ရှားနိုင်ဖို့ ဘောပင် လ်တချောင်းသာ ယူဆောင်လာဖို့ လိုအပ်တယ်လို့ ဘန်ကောက်မြို့ပြစီမံခန့်ခွဲရေး အဖွဲ့က ဆိုပါတယ်။

စစ်ဆေးမှုဟာ အချိန်မိနစ် ၃၀ ကြာမြင့်မှာဖြစ်ပြီး Antigen Test Kit ကို အသုံးပြု သွားမှာ ဖြစ်တယ်လို့ သိရပါတယ်။ စမ်းသပ်စစ်ဆေးနိုင်တဲ့ နေရာတွေကိုတော့ နေ့စဉ်လက်ခံစစ်ဆေးနိုင်မယ့် လူဦးရေ ပမာဏအလိုက် အောက်မှာ ဖော်ပြထားပါတယ်။

ထိုင်းနိုင်ငံတဝန်းမှာတော့ လတ်တလောအချိန်ထိ ကိုဗစ်-၁၉ ရောဂါကူးစက်ခံရသူ ပေါင်း ၁ ဒသမ ၂ သန်းကျော်၊ သေဆုံးသူ ၁၃,၀၀၀ ကျော်နဲ့ အာဆီယံဒေသတွင်း သန်းချီ ကူးစက်မှုအမြင့်ဆုံး ထိပ်တန်းနိုင်ငံတွေထဲမှာ ပါဝင်နေတာ ဖြစ်ပါတယ်။

1 year Ago

May 8, 2021

ဘန်ကောက်တွင် အန္တရာယ်ရှိအုပ်စုများမှ အလုပ်သမားများကို ကိုဗစ်-၁၉ အခမဲ့စစ်ဆေးပေး

ထိုင်းနိုင်ငံမြို့တော် ဘန်ကောက်မြို့မှာ  ရောဂါကူးစက်မှုဖြစ်ပွားနိုင်ချေ အန္တရာယ်ရှိ အုပ်စုတွေထဲက အလုပ်သမားတွေကို ကိုဗစ်-၁၉ အခမဲ့ စစ်ဆေးနေတယ်လို့ သိရပါတယ်။

    ဒီစစ်ဆေးမှုကိုတော့ မေလ ၅ ရက်ကနေ ၃၁ ရက်နေ့အထိ ဘန်ကောက်လူငယ်စင် တာ(ထိုင်း-ဂျပန်)မှာ စစ်ဆေးပေးသွားမှာဖြစ်ပြီး အဆိုပါအလုပ်သမားအုပ်စုတွေအနေနဲ့ လူမှုဖူလုံရေးစနစ်မှာ အကျိုးခံစားခွင့်မရှိတဲ့သူတွေ ဖြစ်ရမယ်လို့ ဘန်ကောက်မြို့တော်စီမံ အုပ်ချုပ်ရေးအဖွဲ့မှ အုပ်ချုပ်ရေးမှူး အက်စ်ဝမ် ကွမ်မောင်က ပြောပါတယ်။

    လူမှုဖူလုံရေးအကျိုးခံစားခွင့်ရှိသူတွေကိုတော့ ပြီးခဲ့တဲ့ ဧပြီ ၁၆ ရက်နေ့မှာ ကိုဗစ် -၁၉ အခမဲ့စမ်းသပ်မှုတွေ ပြုလုပ်ပေးခဲ့တာ ဖြစ်ပါတယ်။

    ဘန်ကောက်လူငယ်စင်တာ (ထိုင်း-ဂျပန်)မှာ နေ့စဉ် လူဦးရေ ၂ ထောင်လောက်ကို စမ်းသပ်စစ်ဆေးမှု ပြုလုပ်နိုင်ပြီး ဧပြီ ၁၆ ရက်နေ့ကနေ ၃၀ ရက်နေ့အထိ စုစုပေါင်း လူဦး ရေ ၃၂,၄၅၃ ယောက်ကို စမ်းသပ်စစ်ဆေးမှုတွေ ပြုလုပ်ခဲ့ရာမှာ ၈၀၈ ယောက်မှာ ကိုဗစ်- ၁၉ ရောဂါပိုးတွေ့ရှိခဲ့ရတယ်လို့ ဆိုပါတယ်။

    “မေလ ၅ ရက်နေ့က စတင်ပြီးတော့ ကိုဗစ်-၁၉ အခမဲ့ စစ်ဆေးမှုတွေ ပြုလုပ်ပေးတဲ့ အလုပ်သမားတွေက လူမှုဖူလုံရေး အကျိုးခံစားခွင့် မရှိတဲ့သူတွေဖြစ်ပြီး လူအများနဲ့ ထိတွေ့ဆက်ဆံမှုတွေ ပြုလုပ်ကြရတဲ့ အစားအသောက်ပို့ဆောင်ရေးဝန်ထမ်းတွေ၊ အများ ပြည်သူသုံးယာဉ်မောင်းတွေ၊ အငှားယာဉ်မောင်းတွေစတဲ့ ကူးစက်နိုင်ချေမြင့်တဲ့ အုပ်စု ဝင်တွေ ဖြစ်ပါတယ်”

ကိုဗစ်-၁၉ ရောဂါ တတိယလှိုင်းအနေနဲ့ ကူးစက်မှုတွေ မြင့်တက်နေတဲ့ ထိုင်းနိုင်ငံ တဝန်းမှာတော့ လက်ရှိအချိန်ထိ ရောဂါကူးစက်ခံရသူပေါင်း ၈ သောင်း ၁ ထောင်ကျော်နဲ့ သေဆုံးသူ ၃၈၂ ယောက် ရှိနေပါတယ်။

2 years Ago
Up