အခက်ကြုံ

A d v e r t i s e m e n t With Us

November 27, 2020

စပါးရိတ်သိမ်းချိန် ပိုးကျနေသဖြင့် လောင်းလုံးတောင်သူများ အခက်ကြုံ

တနင်္သာရီတိုင်း၊ ထားဝယ်ခရိုင်၊ လောင်းလုံးမြို့နယ်ထဲက စပါးစိုက်ပျိုးထားတဲ့ လယ်ဧကတချို့ ရိတ်သိမ်းရမယ့်အချိန်မှာ ပိုးကျနေတာကြောင့် အခက်အခဲဖြစ်နေတယ်လို့ တောင်သူတွေက ပြောပါတယ်။ လယ်သမားတဦးဖြစ်သူ ဦးသန်းစိုးက "ပိုးကျတယ်လို့ သိတာက စပါးထွက်နေတဲ့အချိန်၊ စပါးသီးထဲ အရည်တွေရှိနေတဲ့အချိန်ဖြစ်တယ်။ စပါးမှည့်တဲ့အချိန်မှာ ပိုးကျတဲ့ စပါးခင်းက စပါးသီးတွေ မဲနေတယ်။ အခုလိုပိုးကျတာ အရင်ကသိပ်မ‌တွေ့ရဘူး၊ မိုးရာသီတုန်းကလည်း စပါးအရွက်စားပိုးကျတယ် အဲဒါကဆေးဖျန်းလို့ရတယ်။ အခုပိုးကျတာက စပါးသီးထွက်နေတဲ့ အချိန်မှကျတဲ့အတွက် ဘာဆေးဖျန်းရမှန်းမသိဘူး၊ ဆေးဖျန်းလို့လည်း အဆင်ပြေမှာမဟုတ်ဘူး" လို့ ပြောပါတယ်။ အခုလိုပိုးကျတာဟာ တချို့လယ်သမားတွေမှာဆိုရင် ၁ ဧက၊ ၂ ဧက လောက်ပဲရှိပေမဲ့ တချို့ လယ်သမားတွေမှာတော့  ဆယ်ဧကလောက်အထိ ပိုးကျမှု‌တွေ ရှိတယ်လို့ သိရပါတယ်။  စပါးရိတ်သိမ်းမယ့်အချိန်မှာ ပိုးကျတဲ့အတွက်  စပါးတွေ ဆုံးရှုံးမှုရှိတယ်လို့ လယ်သမားတချို့က ဆိုကြပါတယ်။ လောင်းလုံးမြို့နယ်စိုက်ပျိုးရေးဦး‌စီးမှူး ဦးတိုးလွင်က "စပါးထွက်တဲ့အချိန် ပိုးကျတာဆိုတော့ နှံစုတ်ပိုး (စပါးသီးစုတ်ပိုး) ဖြစ်နိုင်တယ်။ ပိုးကျတယ်လို့ စသိတာနဲ့ လာအကြောင်းကြားရင်တော့ စစ်ဆေးပြီးဘာဆေးဖျန်းရင်သင့်တော်တယ် ဘယ်လိုလုပ်သင့်တယ်လို့ ညွှန်ကြားနိုင်တာပေါ့။ အခုလိုပိုးကျတာက နေပူလိုက် မိုးရွာလိုက် ရာသီဥတုအခြေအနေတွေကြောင့်လည်းဖြစ်နိုင်တယ်၊ စပါးရိတ်ရမယ့် အချိန်နောက်ကျရင်လည်း ဖြစ်နိုင်တယ်" လို့ ပြောပါတယ်။ နှစ်တိုင်းပိုးကျမှုတွေရှိသလို  ပိုးအမျိုးအစားလည်း အများကြီးရှိတဲ့အတွက် လယ်သမားတွေက လာအ‌ကြောင်းကြားမှ ဘာပိုးဆိုရင် ဘာဆေးဖျန်းသင့်တယ်လို့ ညွှန်ကြားနိုင်တယ်လို့ ဆိုပါတယ်။ ကွင်းဆင်းအသိပညာပေး‌ဟောပြောပွဲတွေလုပ်ရင်လည်း ပြောပြတာတွေရှိသလို အခုကတော့ ကိုဗစ်အခြေအနေကြောင့် ကွင်းဆင်းမှုတွေ သိပ်မလုပ်နိုင်သေးဘူးလို့ မြို့နယ်စိုက်ပျိုးရေးဦးစီးမှူးက ဆိုပါတယ်။ လောင်းလုံးမြို့နယ်ထဲမှာ စပါးစိုက်ပျိုးဧကပေါင်း ၄၂,၀၀၀  ကျော်ရှိတယ်လို့ သိရပါတယ်။ ကောင်းထက်အောင်
2 months Ago

October 29, 2020

ဝိုင်းမော်မြို့နယ်၌ မသန်စွမ်းမဲဆန္ဒရှင်  ၁၇၀ ကျော် မဲရုံသို့ လာရောက်မဲပေးရန် အခက်ကြုံနေ 

ကချင်ပြည်နယ်၊ ဝိုင်းမော်မြို့နယ်မှာ ၂၀၂၀ ရွေးကောက်ပွဲအတွက် ဆန္ဒမဲပေးကြမယ့်  မသန်စွမ်း မဲဆန္ဒရှင် အယောက် ၁၀၀၀ ကျော်ရှိပြီး ဒီအထဲက  ၁၇၇ ယောက်ဟာ မဲရုံသို့ သွားရောက် ဆန္ဒမဲပေးဖို့ အခက်အခဲရှိနေတယ်လို့ ဝိုင်းမော်ဒေသခံ ကချင်ပြည်နယ်မသန်စွမ်းအသင်း ဥက္ကဋ္ဌ  ဦးဂျီဇုန်းဆောင်က ပြောပါတယ်။ ပြည်ထောင်စုရွေးကောက်ပွဲကော်မရှင်ရဲ့ လက်ရှိ မဲစာရင်းအရ ဝိုင်းမော်မြို့နယ်မှာ ဆန္ဒမဲပေးပိုင်ခွင့်ရှိတဲ့  မသန်စွမ်းဦးရေ ၁၂၄၉ ယောက်ရှိရာမှာ ဝါရှောင်ကျေးရွာက အများဆုံးဖြစ်ပြီး  ၁၆၀ ကျော်ရှိပါတယ်။  ဝိုင်းမော်မြို့နယ်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ ဦးကြည်ထွန်းက “အများနဲ့စုပေါင်းလုပ်ရတာဖြစ်တဲ့အတွက် မသန်စွမ်း မဲဆန္ဒရှင်တွေကို ကြိုပို့ လုပ်ပေးဖို့ အခက်အခဲရှိနေပြီး ကာယကံရှင်က ကြိုတင်မဲထည့်ဖို့  စာရင်းပေးထားပါက အိမ်တိုင်ရာရာရောက် ဆန္ဒမဲ လိုက်လံကောက်ခံပေးနိုင်တယ်”လို့  ပြောပါတယ်။ သက်ကြီးရွယ်အိုတွေနဲ့အတူ  မသန်စွမ်း ပြည်သူတွေ မဲပေးပိုင်ခွင့်မဆုံးရှုံးရအောင် ရက်ကွက်ကျေးရွာ ကော်မရှင်ထံအကြောင်းကြားပြီး အောက်တိုဘာ ၂၉ ရက်နဲ့  နို၀င်ဘာ ၅ ရက်ကြား ကြိုတင်မဲလာထည့်ကြဖို့လည်း တိုက်တွန်းထားပါတယ်။ ဝိုင်းမော်မြို့နယ်မှာ နို၀င်ဘာ ၈ ရက် ရွေးကောက်ပွဲအတွက် ဆန္ဒမဲပေးပိုင်ခွင့်ရှိသူပေါင်း  ၈၅၃၀၀ ကျော်ရှိတယ်လို့ မြို့နယ်ရွေးကောက်ပွဲကော်မရှင် အဖွဲ့ခွဲထံက သိရပါတယ်။ ဇုန်းကျန်း 
3 months Ago
More News
Up