အကွက်မှူး

November 20, 2021

ချမ်းမြသာစည်မြို့နယ်တွင် အကွက်မှူး ၁ ဦး ပစ်သတ်ခံရ

မန္တလေးမြို့၊ ချမ်းမြသာစည်မြို့နယ်၊ ကန်သာယာရပ်ကွက်မှာ နိုဝင်ဘာ ၂၀ ရက် ဒီနေ့ မနက် ၇  နာရီဝန်းကျင်က စစ်ကောင်စီလက်အောက်ခံ အကွက်မှူး အမျိုးသား ၁ ဦး    သေနတ်နဲ့ ပစ်သတ်ခံခဲ့ရပါတယ်။

သေဆုံးသူဟာ အသက် ၆၀  ဝန်းကျင်ရှိ ဦးလှဝေဆိုသူဖြစ်ပြီး ကန်သာယာရပ်ကွက် ဗ - ၄ အကွက်မှူးဖြစ်တယ်လို့ သိရပါတယ်။

အကွက်မှူး သေနတ်ပစ်ခံရလို့ ဖုန်းနဲ့အကူညီတောင်းခံတဲ့ အတွက်အ အခင်းဖြစ်နေရာသွားရောက်ကူညီပေးခဲ့ရာမှာ လူနာသေဆုံးနေပြီဖြစ်တာကြောင့် မန္တလေးဆေးရုံကြီးသို့ ပို့ဆောင်ပေးပြီး အအေးတိုက်ကနေ နေအိမ်ကို ပြန်လည်ပို့ဆောင်ပေးခဲ့တယ်လို့ မြရည်နန္ဒာလူမှုကယ်ဆယ်ရေးအဖွဲ့ က ထုတ်ပြန်ထားပါတယ်။

စစ်တပ်အာဏာသိမ်းပြီးနောက်ပိုင်း ရပ်ကွက်နဲ့ ကျေးရွာ အုပ်ချုပ်ရေးပိုင်းက  တာဝန်ရှိသူ အယောက်  ၂၀၀ လောက် အသတ်ခံရလို့ သေဆုံးခဲ့ပြီး ၁၅၀ လောက် ဒဏ်ရာရခဲ့တယ်လို့ စစ်ကောင်စီက ထုတ်ပြန်ထားပါတယ်။

2 months Ago

October 26, 2021

မန္တလေးမြို့တွင် အကွက်မှူးတစ်ဦး သေနတ်ဖြင့် အပစ်ခံရ

မန္တလေးမြို့ ချမ်းမြသာစည်မြို့နယ် အောင်ပင်လယ်ရပ်ကွက်မှာ အောက်နိုဘာလ ၂၆ ရက် မနက် ၇ နာရီအချိန်လောက်က အကွက်မှူးတစ်ဦး သေနတ်နဲ့ ပစ်ခံခဲ့ရပါတယ်။

သေနတ်နဲ့ ပစ်ခံရသူဟာ အသက် (၄၀) ဝန်းကျင်အရွယ် အောင်ပင်လယ်ရပ်ကွက် အကွက်မှူး ဦးကျော်ကျော်ဆိုသူ ဖြစ်ပြီး သေနတ်ဒဏ်ရာကြောင့် ကုတင် (၃၀၀) ဆေးရုံကို တင်ထားရတယ်လို့ သိရပါတယ်။

“သေနတ်နဲ့ အပစ်ခံရသူက စစ်ကောင်စီသတင်းပေး။ မနက်က ပစ်သွားတာ နှစ်ချက်မှန် တယ်ကြားတယ်။ သေတာတော့ မသေဘူး။ ဆေးရုံတင်ထားရတယ်။” လို့ အောင်ပင်လယ် ရပ်ကွက်မှာ နေထိုင်သူတစ်ဦးက ပြောပါတယ်။

ဦးကျော်ကျော် ဟာ အိမ်ရှေ့ တံမြက်စည်းလှည်းနေချိန် ဆိုင်ကယ်နဲ့ အမည်မသိ လူ (၂) ဦးက သေနတ်နဲ့ (၃) ချက်ပစ်သွားပြီး ဘယ်ဘက်ဂျိုင်းအောက် ဖောက်ဝင်ဒဏ်ရာ(၁)ချက်၊ ညာဘက်နားရွက် နဲ့ လည်ပင်းတို့မှာ ယှက်ထိဒဏ်ရာ (၁)ချက်တို့ ရရှိခဲ့တယ်လို့ သိရပါတယ်။

အကွက်မှူး သေနတ်နဲ့ ပစ်ခံရပြီး မကြာခင်မှာ အာဏာသိမ်းစစ်ကောင်စီရဲ့ အကြမ်းဖက် လက်နက်ကိုင်တွေရောက်လာပြီး အနီးပတ်ဝန်းကျင်မှာ စစ်ဆေးတာတွေ လုပ်ခဲ့ကြပါတယ်။

3 months Ago
More News
Up