အကွက်မှူး

May 15, 2022

ချမ်းအေးသာစံမြို့နယ်တွင် အကွက်မှူးတဦး သေနတ်ဖြင့် ပစ်သတ်ခံရ

မန္တလေးမြို့၊ ချမ်းအေးသာစံမြို့နယ်၊ ၃၅ လမ်း၊ ၈၇ လမ်းနဲ့ ၈၈ လမ်းကြားမှာ မေ ၁၅ ရက် မနက် ၈ နာရီခွဲကျော်က လူတဦး သေနတ်နဲ့ ပစ်သတ်ခံခဲ့ရပါတယ်။

ပစ်သတ်ခံရသူဟာ ပြည်ကြီးပျော်ဘွယ်အနောက်ရပ်ကွက်က အကွက်မှူး ဦးကြည်လင်းဖြစ်ကာ လက်ဖက်ရည်ဆိုင်ကနေ စက်ဘီစီးပြီး အပြန်မှာ ဆိုင်ကယ်နဲ့ အမည်မသိ လူနှစ်ယောက်က ပစ်ခတ်သွားတာလို့ ဒေသခံတွေက ပြောပါတယ်။

“အကွက်မှူးက ယာယီအကွက်မှူးပေါ့၊ မနက်ခင်း လက်ဖက်ရည်ဆိုင်က အပြန်မှာ ပစ်ခံရတာ။ နေရာမှာတင် သေသွားတယ်ကြားတယ်” လို့ ချမ်းအေးသာစံမြို့နယ်နေ ပြည်သူတဦးက ပြောပါတယ်။

အကွက်မှူးဦးကြည်လင်းအား ဘယ်အဖွဲ့က ပစ်သတ်တယ်ဆိုတာတော့ မသိရေသေးဘဲ ခေါင်း၊ ပခုံးတို့မှာ ကျည်မှန်ဒဏ်ရာတွေရရှိပြီး နေရာမှာသေဆုံးသွားကာ ရုပ်အလောင်းကို ဆေးရုံကြီးမှာ တင်ပို့ထားတယ်လို့ သိရပါတယ်။

9 months Ago

March 11, 2022

မဟာအောင်မြေတွင် အကွက်မှူးတဦး၏နေအိမ် လက်လုပ်မိုင်းပေါက်ကွဲ၊ ၄ ဦး ဒဏ်ရာရ

မန္တလေးမြို့ မဟာအောင်မြေမြို့နယ်၊ ဒေးဝန်းအရှေ့ရပ်ကွက်၊ ၈၆ လမ်း၊ ၃၉ လမ်းကြားနဲ့ လမ်း ၄၀ လမ်းကြားရှိ နေအိမ်တခုမှာ မတ် ၁၀ ရက် ည ၇ နာရီဝန်းကျင်က လက်လုပ်ဗုံး ပေါက်ကွဲမှု ဖြစ်ခဲ့ပါတယ်။

လက်လုပ်ဗုံးပေါက်ကွဲတဲ့အိမ်ဟာ အကွက်မှူး ဦးရဲမြင့်ရဲ့ နေအိမ်ဖြစ်ပြီး နေအိမ်အတွင်းရှိ လူ ၄ ဦး အနည်းငယ် ထိခိုက်ဒဏ်ရာရခဲ့တယ်လို့ သိရပါတယ်။

အနီးပတ်ဝန်းကျင်နေ ပြည်သူတဦးက “ဗုံးပစ်ခံရလို့ ပေါက်ကွဲတာ။ ခြောက်နှစ်အရွယ် ကလေး ၁ ​ယောက်နဲ့ လူကြီး ၃ ယောက် ဒဏ်ရာရတယ်။ သေနတ်တွေနဲ့ အရပ်ဝတ်တွေလည်း ရောက်လာတယ်၊ လူနာတင်ကားတွေရော၊ ဒဏ်ရာရသူတွေကို တင်သွားတယ်” လို့ ပြောပါတယ်။

ဒါ့အပြင် ချမ်းမြသာစည်မြို့နယ် အောင်ပင်လယ်ရပ်ကွက် ၅၂ A လမ်း၊ ၁၀၅ လမ်း နဲ့ ၁၀၆ ကြားမှာ အကွက်မှူး ဦးစိုးသိန်းဆိုသူလည်း မတ် ၁၀ ရက် ညနေ ၆ နာရီကျော်လောက်က သေနတ်နဲ့ပစ်ခံရပြီး လက်ပြင်နဲ့ လက်မောင်းတို့မှာ ဒဏ်ရာရရှိခဲ့တယ်လို့ သိရပါတယ်။

11 months Ago
More News
Up