အကြမ်းဖက်မှု

September 21, 2021

အကြမ်းဖက်မှု အတွေးအခေါ်နှင့်လုပ်ဆောင်မှုများ တားဆီးကာကွယ်ကြရန် ကေအန်ယူတိုက်တွန်း

အကြမ်းဖက်မှုနဲ့ ဆက်စပ်နေတဲ့ အတွေးအခေါ်တွေနဲ့ လုပ်ဆောင်မှုတွေကို တားဆီး၊ ကာကွယ်ခြင်းနဲ့ ပပျောက်စေခြင်းအတွက်  အားထုတ်လုပ်ဆောင်ဖို့ လိုအပ်ကြောင်း ကရင်အ မျိုးသားအစည်းအရုံး (ကေအန်ယူ)က အပြည်ပြည်ဆိုင်ရာ ကမ္ဘာ့ငြိမ်းချမ်းရေးနေ့ကို ပေးပိုတဲ့ သဝဏ်လွှာမှာ တိုက်တွန်းလိုက်ပါတယ်။

မြန်မာနိုင်ငံ သမိုင်းတလျှောက် မလုံခြုံမှုတွေ၊  စိုးရိမ်ကြောင်းကြမှုတွေ၊ အကြမ်းဖက်မှုတွေ၊ ညှဉ်းဆဲသတ်ဖြတ်မှုတွေနဲ့ ငြိမ်းချမ်းမှုအတွက် အတားဆီးတွေကို ဖြစ်ပေါ်စေတဲ့ တွေးခေါ်မှု နဲ့ အပြုအမှုတွေကို ကြုံတွေ့ နေရပါတယ်။

ဒီလို တွေးခေါ်မှုတွေနဲ့ အပြုအမှုတွေတွေကို မဆုံးမသတ်နိုင်ပါက ငြိမ်းချမ်းရေးနဲ့ အလှမ်းဝေးနေမှာ ဖြစ်တဲ့အတွက် မိမိတို့အနေနဲ့  အကြမ်းဖက်မှုနဲ့ ဆက်စပ်နေတဲ့ အတွေးအခေါ်တွေနဲ့ လုပ်ဆောင်မှုတွေကနေ တားဆီး၊ ကာကွယ်ခြင်းနဲ့  ပပျောက်စေခြင်းအတွက် အားထုတ်လုပ်ဆောင်ရမှာဖြစ်ကြောင်း သဝဏ်လွှာမှာ ဖော်ပြပါတယ်။

ကမ္ဘာ့လူသားတွေရဲ့ အသက်အိုးအိမ် စည်းစိမ်တွေ၊ ကျောင်းနဲ့အသက်မွေးဝမ်းကျောင်းတွေကို အကာကွယ်ပေးနိုင်ရေးအတွက် သက်ဆိုင်ရာ အဖွဲ့အစည်း ခေါင်းဆောင်တွေနဲ့ မျိုးဆက်သစ်လူငယ်တွေ ပူးပေါင်းပါဝင်မှုလည်း အထူးလိုအပ်တယ်လို့ ဆိုပါတယ်။

ဒါ့အပြင် ကမ္ဘာ့လူသားတွေအတွက် မလုံခြုံမှုနဲ့ မတည်ငြိမ်မှုတွေကို ဖြစ်ပေါ်စေတဲ့ အတွေးအခေါ်တွေနဲ့ ယဉ်ကျေးမှုတွေကို ချုပ်ငြိမ်းရေး အားထုတ်ကြရမယ်လို့ ဖော်ပြပါတယ်။

ကေအန်ယူအနေနဲ့ စတင်တည်ထောင်ခဲ့တဲ့ အဓိကရည်ရွယ်ချက်မှာ ပြည်သူလူထုရဲ့ ရပ်ရွာ၊ အသက်၊ အိုးအိမ်၊ စည်းစိမ်တွေနဲ့ အသက်မွေးဝမ်းကြောင်းမှုကို အကာကွယ်ပေးဖို့ဖြစ်ပြီး အကာကွယ်ပေးရေးလုပ်ငန်းဟာလည်း အမှန်လိုအပ်နေပါတယ်။

မိမိတို့ရဲ့ အသက်ရှင်သန်မှုနဲ့ ပိုင်ဆိုင်မှုတွေကို အကာအကွယ်ပေးတဟာ ကမ္ဘာ့လူသားတိုင်းရဲ့ မွေးရာပါ အခွင့်အရေးဖြစ်သလို ပြည်သူလူအတွက် ရသင့်ရတိုက်တဲ့ အခွင့်အရေးတွေ၊ တန်းတူညီတူမှု၊ ကိုယ်ပိုင်ပြဋ္ဌာန်းခွင့်နဲ့ ဖက်ဒရယ်ဒီမိုကရေစီတည်ဆောက်ရေး မူဝါဒ လမ်းစဉ်အတိုင်း ပြီးမြောက်အောင်မြင်သည်အထိ ကြိုးပမ်းသွားမယ်လို့လည်း  သဝဏ်လွှာမှာ ပါရှိပါတယ်။

လူသားတွေရဲ့ အသက်အိုးအိမ် စည်းစိမ်နဲ့ ရှင်သန်မှု အသက်မွေးဝမ်းကြောင်းမှုနဲ့ လုံခြုံမှုအတွက် ကြိုးပမ်းအားထုတ်နေတဲ့ မည်သည့်ပုဂ္ဂိုလ်၊ မည်သည့်အဖွဲ့အစည်းနဲ့ဆို လက်တွဲလုပ်ဆောင်သွားမယ်လို့ ဆိုပါတယ်။ 

1 day Ago

September 18, 2021

ဒေါ်နယ်ထရမ့်ထောက်ခံပွဲ အကြမ်းဖက်မှုမဖြစ်စေရေး လုံခြုံရေးအင်အား ၁၀၀ စီစဉ်ထား

သမ္မတဟောင်း ဒေါ်နယ်ထရမ့်ကို ထောက်ခံသူတွေ အမေရိကန်လွှတ်တော်အဆောက်အအုံရှေ့မှာ ကျင်းပဖို့ စီစဉ်ထားတဲ့ စနေနေ့လူထုစုဝေးပွဲမှာ အကြမ်းဖက်ခြိမ်းခြောက်မှုဖြစ်နေခြေကို ရဲတပ်ဖွဲ့က သတိပေးထားပြီး အမျိုးသားအစောင့်တပ်ဖွဲ့ကလည်း အကူအညီပေးနိုင်ဖို့ အင်အား ၁၀၀ ကို အသင့်စီစဉ်ထားပါတယ်။

ဇန်နဝါရီ ၆ ရက် အဓိကရုဏ်းအတွင်း လွှတ်တော်အဆောက်အအုံ ကျိုးပေါက်သွားခဲ့ပြီး သမ္မတ ဂျိုးဘိုင်ဒင်ရဲ့ရွေးကောက်ပွဲအောင်နိုင်မှု တရားဝင်အသိအမှတ်ပြုပွဲကို ထရမ့်ကို ထောက်ခံသူတွေက တားဆီးဖို့ ကြိုးစားပြီးနောက်မှာ လွှတ်တော်ကို ၀င်ရောက်စီးနင်းခဲ့တယ်ဆိုတဲ့ စွပ်စွဲချက်နဲ့ ဖမ်းဆီးထားတဲ့ အယောက် ၆၀၀ လောက်ကို အားပေးထောက်ခံတဲ့အနေနဲ့ ရာနဲ့ချီတဲ့ လက်ယာစွန်းဆန္ဒပြသူတွေဟာ ဝါရှင်တန်မှာ “Justice For J6” လူထုစုဝေးပွဲလုပ်ဖို့ စီစဉ်နေကြတာပါ။

စနေနေ့ ဆန္ဒပြပွဲနဲ့ဆက်နွှယ်နေတဲ့ အကြမ်းဖက်မှု ခြိမ်းခြောက်မှုတွေ ရှိနေတယ်လို့ အမေရိကန် လွှတ်တော် ရဲချုပ် ဂျေသောမတ်စ်မန်ဂျာက စက်တင်ဘာ ၁၇ ရက်မှာ သတင်းထောက်တွေကို ပြောထားပါတယ်။

ငြိမ်းချမ်းတဲ့အခြေအနေတရပ်ကို ထိန်းသိမ်းဖို့ ရဲဌာနက ခိုင်မာတဲ့အစီအစဉ်တခုလည်း ချထားပါတယ်လို့လည်း ပြောကြားခဲ့ပါတယ်။ 

ထရမ့်ကို ထောက်ခံသူတွေနဲ့ တန်ပြန်ဆန္ဒပြသူတွေကြားက ထိပ်တိုက်တွေ့မှုအတွက်လည်း ရဲတွေက ပြင်ဆင်ထားတယ်လို့ ဆိုပါတယ်။  ဒီဆန္ဒပြပွဲကို တန်ပြန်ဆန္ဒပြကြမယ့်သူတွေကြားမှာ အကြမ်းဖက်မှုဖြစ်နိုင်ခြေ အလားအလာ အများဆုံးရှိတာကြောင့် စိတ်ပူမိတယ်လို့လည်း  ရဲချုပ် Manger က ပြောပါတယ်။ 

ဇန်နဝါရီ ၆ ရက်တုန်းက ရဲတွေကို တိုက်ခိုက်ခဲ့တဲ့ ဆန္ဒပြသူတွေဟာ ပြတင်းပေါက်တွေကို ချိုးဖျက်ပြီး လွှတ်တော်အဆောက်အအုံထဲ တွယ်တက် ဝင်ရောက်ခဲ့လို့ လွှတ်တော်အမတ်တွေနဲ့ ဒုတိယသမ္မတ မိုက်ပန့်စ်တို့ကို ဘေးကင်းလုံခြုံတဲ့နေရာကို ပို့ဆောင်ပေးခဲ့ရပါတယ်။ 

4 days Ago
More News
Up