အကြမ်းဖက်တပ်ဖွဲ့

May 5, 2021

တရုတ်ဓာတ်ငွေ့ပိုက်လိုင်း လုံခြုံရေးယူနေသည့် အကြမ်းဖက်တပ်ဖွဲ့ဝင် ၃ ဦး ဓားဖြင့်ခုတ်ခံရပြီး သေဆုံး

မန္တလေးတိုင်း ကျောက်ဆည်မြို့ရှိ ကျောက်ဆည်တက္ကသိုလ်အနီး တောမရွာမှာ တရုတ်ဓာတ်ငွေ့ပိုက်လိုင်းကို လုံခြုံရေးယူနေတဲ့ အကြမ်းဖက်စစ်အုပ်စုကို  မေ ၅ ရက် မနက် ၅ နာရီလောက်မှာ အမည်မသိလူတစ်စုက ဓားတွေနဲ့  ဝင်ခုတ်ရာ ၃ ဦး  ပွဲချင်းပြီးသေဆုံးသွားတယ်လို့ သိရပါတယ်။

ကျန်စစ်အုပ်စုအဖွဲ့ဝင်တွေကတော့ သေနတ်ပစ်ဖောက်ပြီး ထွက်ပြေးသွားကြပြီး ဒီဖြစ်စဉ်ကြောင့် တောမရွာထဲကို စစ်ကားအလုံးအရင်းနဲ့ ဝင်ရောက်စီးနင်းရှာဖွေနေပြီလို့ ရွာခံတွေက ပြောပါတယ်။

တောမရွာက ဒလန်တွေကိုလည်း အကြမ်းဖက်စစ်သားတွေက “ ဒီလိုလာသတ်သွားတဲ့သူကို မသိရကောင်းလား'' ဆိုပြီး သေနတ်ဒင်နဲ့ ထုသွားတယ်လို့ မျက်မြင်ရွာသားတွေက ပြောပါတယ်။ 

ဒါ့အပြင် တောမရွာက ပညာနန်းတော် ကျူရှင်ဆရာ ဦးမျိုးမင်းသော်ရဲ့ နေအိမ်ကို ဝင်ရောက် ဖျက်ဆီးသွားပြီး ပစ္စည်းအချို့ကို လုယက်ယူငင်သွားကြပါတယ်။

“ဒါပေမဲ့ ဆရာကိုတော့ အကြမ်းဖက်တွေ မိမသွားဘူးလို့သိရပါတယ်။  အကယ်၍ ဆရာ့ကို တွေ့ခဲ့ရင် တစ်ခါထဲ ပစ်သတ်မယ်လို့ ကြိမ်းသွားတယ်” လို့  ရွာသားတစ်ဦးက ပြောပြပါတယ်။

ဒီနေ့ မနက် ၁၁ နာရီကျော်အထိ ရွာထဲမှာ သေနတ်ပစ်ဖောက်နေကြဆဲလို့ သိရပါတယ်။ ကျောက်ဆည် တက္ကသိုလ်ကျောင်းဝင်းထဲက  Non CDM ဆရာ ဆရာမတွေနဲ့  ဝန်ထမ်းတွေကတော့ သေနတ်သံတွေကြောင့်  အလွန်စိုးရိမ်ကြောက်လန့်နေကြတယ်လို့ ဆိုပါတယ်။

တရုတ်ဓာတ်ငွေ့ ပိုက်လိုင်းနဲ့ စစ်အာဏာရှင်ယန္တရားကို အသက်သွင်းပေးနေတဲ့ ဆရာ ဆရာမတွေနဲ့ ဝန်ထမ်းတွေရဲ့ အသက်အန္တရာယ်ကို အာမမခံကြောင်း  သတိပေးစာတစ်စောင် မကြာသေးခင်  ရက်ပိုင်းအတွင်းက ကျောက်ဆည်ခရိုင်ပြည်သူ့ကာကွယ်ရေးတပ်ဖွဲ့ (KDDF)က ထုတ်ပြန်ထားထားပါတယ်။ 

2 weeks Ago

April 11, 2021

မြစ်ကြီးနားဆန္ဒပြသူများကို ပစ်ခတ်ဖြိုခွင်း၊ ၄ နှစ်ကလေးအပါအဝင် မိသားစုဝင် ၅ ဦး ဖမ်းဆီးခံရ

မြစ်ကြီးနားမြို့၊ ရမ်ပူရပ်ကွက်မှာ ဧပြီ ၁၁ ရက်နေ့ညနေက အာဏာသိမ်းစစ်ကောင်စီရဲ့ အကြမ်းဖက်တပ်ဖွဲ့ဝင်တွေက ဆန္ဒပြတဲ့သူတွေကို  သေနတ်နဲ့ပစ်ခတ်ဖြိုခွင်းခဲ့ပြီး ၄ နှစ်ကလေးအပါအဝင် မိသားစုဝင် ၅ ယောက်ကို ဖမ်းသွားတယ်လို့ သိရပါတယ်။

ပစ်ခတ်ဖြိုခွင်းပြီး ဆန္ဒပြရာနေရာအနီး အိမ်တစ်အိမ်က မိသားစုဝင် ၅ ယောက်ကို ဖမ်းသွားတာလို့ မျက်မြင်တွေ့ရှိသူတဦးက ပြောပါတယ်။

”သူတို့က အိမ်ထဲမှာဝင်ဖမ်းခံရတာ။ ပုန်းရင်းရှောင်ရင်းနဲ့ ဖမ်းခံရတဲ့ အိမ်ရဲ့ဘေးက တခြားအိမ်ထဲကနေ ကျမကမြင်ရတာ။ အမေရယ်၊ ချွေးမရယ်၊ သားရယ်၊ သမီးရယ်၊ မြေးရယ် မိသားစုဝင် ၅ ယောက်ကို ဖမ်းသွားတာပါ။ သူတို့အတွက်လည်း စိတ်မကောင်းဘူး၊ ကိုယ့်ကိုယ်ကိုယ်လည်း လုံခြုံမှုမရှိတော့ဘူးလို့ ခံစားရတယ်။”

မြစ်ကြီးနားမြို့၊ ရမ်ပူရပ်ကွက်၊ နယ်မြေ ၂၂ မှာ ဧပြီ ၁၀ ရက်နေ့ကနေစပြီး သဲအိတ်တွေ ကာရံပြီး ဆန္ဒပြခဲ့ကြတာကို ၁၁ ရက်နေ့ ညနေမှာ အိမ်စီးကားတွေ၊ ကရိန်းကား၊ စစ်ကား၊ ရေကား၊ ရဲကား ၁၂ စီးလောက်နဲ့ အကြမ်းဖက်လက်နက်ကိုင်တွေက သေနတ်များပစ်ဖောက် ဖြိုခွင်းခဲ့တာပါ။

1 month Ago
Up