အက်သလက်တီကိုမက်ဒရစ်

July 17, 2019

စပါးနောက်ခံလူ ထရစ်ပီယာကို အက်သလက်တီကိုမက်ဒရစ် ခေါ်ယူ

စပါးနောက်ခံလူ ထရစ်ပီယာကို စပိန်လာလီဂါကလပ် အက်သလက်တီကိုမက်ဒရစ် အသင်းက အပြီးသတ် ခေါ်ယူလိုက်နိုင်ပြီ ဖြစ်ပါတယ်။ ပြောင်းရွှေ့ကြေးကို ပေါင်သန်း ၂၀ တန်ဖိုးရှိလိမ့်မယ်လို့ ဗြိတိသျှမီဒီယာတွေက ခန့်မှန်းပါတယ်။ အက်သလက်တီကိုမက်ဒရစ်က ဒီနှစ် နွေရာသီမှာ တတိယမြောက် ခံစစ်သမားအဖြစ် အင်္ဂလန်နောက်ခံလူ ထရစ်ပီယာကို ခေါ်ယူလိုက်တာပါ။ အသက် ၂၈ နှစ်အရွယ် ထရစ်ပီယာဟာ ၂၀၁၅ မှာ ဘန်လေအသင်းကနေ စပါးကို ရောက်ရှိလာတာပါ။ သူဟာ စပါးအသင်းကို ပြီးခဲ့တဲ့ရာသီ ချန်ပီယံလိဂ်မှာ ဆီမီးဖိုင်နယ်အဆင့်ထိ ရောက်အောင် ကူညီနိုင်ခဲ့ပါတယ်။
2 years Ago

June 26, 2019

ပေါ်တူဂီလူငယ် ဂျိုအာဖိလစ်ကို ခေါ်ယူနိုင်ရန် အက်သလက်တီကိုမက်ဒရစ် နီးစပ်နေ

အက်သလက်တီကိုအသင်းဟာ ​​မန်ချက်စတာနှစ်သင်းထက် လက်ဦးမှုရယူပြီး ဂျိုအာဖိလစ်ကို ခေါ်ယူနိုင်တော့မယ်လို့ သိရပါတယ်။ ​ထိပ်တန်းကလပ်အသင်း အများစုရဲ့ စောင့်ကြည့်ခြင်း ခံနေရပြီး အသက် ၁၉ နှစ်ပဲရှိသေးတဲ့ ဂျိုအာဖိလစ်ကို အင်္ဂလန်ကလပ်နှစ်သင်းဖြစ်တဲ့ မန်ချက်စတာယူနိုက်တက်နဲ့ မန်စီးတီးအသင်းတို့က ခေါ်ယူဖို့အတွက် ချိတ်ဆက်မှုတွေ ရှိနေတာပါ။ ဒါပေမယ့်လည်း စပိန်ကလပ် အက်သလက်တီကိုမက်ဒရစ်က အဲဒီနှစ်သင်းကို နောက်ကောက်ချသွားနိုင်တော့မှာဖြစ်ပြီး ဖိလစ်ကို ခေါ်ယူနိုင်ဖို့ အနီးစပ်ဆုံး အခြေအနေ ရောက်နေပြီလို့ စပိန် နာမည်ကြီးသတင်းစာ မာကာက ဖော်ပြသွားပါတယ်။ အက်သလက်တီကိုမက်ဒရစ် အသင်းဟာ ဂျိုအာဖိလစ်ရဲ့ စာချုပ်ပါလျော်ကြေးဖြစ်တဲ့ ပေါင် ၁၀၇ သန်းနဲ့ ခေါ်ယူနိုင်တော့မှာဖြစ်တယ်လို့ ဆိုပါတယ်။ ဖိလစ်​ဟာ ပြီးခဲ့တဲ့ရာသီက ပေါ်တူဂီလိဂ်မှာ ၄၃ ပွဲ ကစားခဲ့ပြီး သွင်းဂိုး ၂၀ နဲ့ ဂိုးဖန်တီးမှု ၁၁ ကြိမ် ပြုလုပ်ထားနိုင်ခဲ့ပါတယ်​။
2 years Ago
More News
Up