အက်စ်ဒီ

August 19, 2015

အန်စီအေတွင် အားလုံးပါဝင်ရေးမူ ဆက်လက်ရပ်တည်ရန် မွန်ပြည်သစ်ပါတီ တိုက်တွန်း

တနိုင်ငံလုံး ပစ်ခတ်တိုက်ခိုက်မှုရပ်စဲရေးစာချုပ် (အန်စီအေ) နဲ့ပတ်သက်ပြီး တိုင်းရင်းသား လက်နက်ကိုင်အဖွဲ့အားလုံး အတူပါဝင်လက်မှတ်ရေးထိုးရေး မူပေါ်မှာ ဆက်လည်ရပ်တည်ကြဖို့ မွန်ပြည်သစ်ပါတီက တိုက်တွန်းလိုက်ပါတယ်။ မွန်ပြည်သစ်ပါတီ အထွေထွေအတွင်းရေးမှူး နိုင်အောင်မင်းက တိုင်းရင်းသား လက်နက်ကိုင်အဖွဲ့တွေရဲ့ အဆင့်မြင့်ညှိနှိုင်းရေး ကိုယ်စားလှယ် (အက်စ်ဒီ) နဲ့ ယူအန်အက်ဖ်စီ ထံ စာပေးပို့တိုက်တွန်းတာဖြစ်ပြီး အဆင့်သုံးဆင့် ခွဲပြီး တိုက်တွန်းခဲ့တာပါ။ ဒုတိယအဆင့်အနေနဲ့ အဖွဲ့အားလုံး မပါဝင်နိုင်ရင်တောင် အက်စ်ဒီအဖွဲ့ဝင် ၁၇ ဖွဲ့လုံး ပါဝင်လက်မှတ်ရေးထိုးရေးမူ အပေါ် ဆက်လက်ရပ်တည်ဖို့ တိုက်တွန်းထားပါတယ်။ အဲဒီမူအတိုင်း ညှိနှိုင်းလို့မရနိုင်ပါက  တတိယအဆင့်အနေနဲ့ လက်မှတ်ရေးထိုးရာမှာ မပါဝင်တဲ့ အဖွဲ့တွေအပေါ် နိုင်ငံရေး၊ စစ်ရေးအရ အာမခံချက်ရှိရေးအတွက် ညှိနှိုင်းပြီး နည်းလမ်းရှာသွားဖို့ တိုက်တွန်းထားပါတယ်။ အဆင့်မြင့်ကိုယ်စားလှယ်အဖွဲ့ဝင် ၁၇ ဖွဲ့ကတော့ ရခိုင်တပ်မတော် (အေအေ)၊ ရခိုင်လွတ်မြောက်ရေးပါတီ (အေအယ်လ်ပီ)၊ ရခိုင်အမျိုးသားကောင်စီ၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (အေဘီအက်စ်ဒီအက်ဖ်)။ ချင်းအမျိုးသားတပ်ဦး (စီအန်အက်ဖ်)၊ ဒီမိုကရေစီအကျိုးပြု ကရင်တပ်မတော် (ဒီကေဘီအေ)၊ ကချင်လွတ်လပ်ရေးအဖွဲ့ (ကေအိုင်အို)၊ ကရင်နီအမျိုးသားတိုးတက်ရေးပါတီ (ကေအန်ပီပီ)၊ ကရင်အမျိုးသား အစည်းအရုံး (ကေအန်ယူ)၊ ကရင်ငြိမ်းချမ်းရေးကောင်စီ (ကေပီစီ)၊ လားဟူဒီမိုကရက်တစ်ယူနီယံ (အယ်လ်ဒီယူ)၊ မြန်မာအမျိုးသား ဒီမိုကရက်တစ် မဟာမိတ်တပ်ဖွဲ့ (အမ်အန်ဒီအေအေ)၊ မွန်ပြည်သစ်ပါတီ (အန်အမ်အက်စ်ပီ)၊ ပအို့ဝ်အမျိုးသား လွတ်မြောက်ရေးအဖွဲ့ (ပီအန်အယ်လ်အို)၊ ပလောင်ပြည်နယ်လွတ်မြောက်ရေးတပ်ဦး၊ တအာင်းပလောင် လွတ်မြောက်ရေးတပ်မတော် (ပီအက်စ်အယ်လ်အက်ဖ်၊ တီအန်အယ်လ်အေ)၊ ရှမ်းပြည်တိုးတက်ရေးပါတီ (အက်စ်အက်စ်ပီပီ-အက်စ်အက်စ်အေ)၊ ၀အမျိုးသားအဖွဲ့ချုပ် (ဒဗလျူအန်အေ) တို့ ဖြစ်ပါတယ်။ အစိုးရဘက်ကတော့ ပလောင် တအာင်းအမျိုးသား လွတ်မြောက်ရေးအဖွဲ့၊ ရက္ခိုင့် တပ်မတော်၊ မြန်မာအမျိုးသားဒီမိုကရေစီ မဟာမိတ်တပ်မတော် (ကိုးကန့်တပ်မတော်)၊ လားဟူ ဒီမိုကရက်တစ် အစည်းအရုံး၊ ၀အမျိုးသားအဖွဲ့ချုပ်နဲ့ ရခိုင်အမျိုးသားကောင်စီ ၆ ဖွဲ့ကို ပါဝင်လက်မှတ်ရေးထိုးဖို့ ထည့်သွင်း သတ်မှတ်ထားခြင်း မရှိပါဘူး။ တနိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် (အန်စီအေ)ကို လက်မှတ်ရေးထိုးနိုင်ဖို့ လွန်ခဲ့တဲ့ ရက်ပိုင်းက ကေအန်ယူ (ကရင်အမျိုးသားအစည်းအရုံး)၊ ဒီကေဘီအေ (ဒီမိုကရေစီအကျိုးပြုကရင်တပ်မတော်)၊ ကရင်အမျိုးသားအစည်းအရုံး- ကရင်အမျိုးသားလွတ်မြောက်ရေးတပ်မတော်(ငြိမ်းချမ်းရေးကောင်စီ)၊ အာစီအက်စ်အက်စ် ရှမ်းပြည်ပြန်လည်ထူထောင်ရေးကောင်စီ (ရှမ်းပြည်တပ်မတော်တောင်ပိုင်း) နဲ့ မကဒတ (မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး) တို့ကတော့ လက်မှတ်ထိုးဖို့  သဘောထားထုတ်ပြန်ထားပြီး ဖြစ်ပါတယ်။ ကေအိုင်အို (ကချင်လွတ်လပ်ရေးအဖွဲ့) ကတော့ လိုင်ဇာမှာ အန်စီအေ လက်မှတ်ရေးထိုးရေးကို သြဂုတ် ၁၇ - ၁၈ ရက်မှာ ဆွေးနွေးကြပြီး သဘောထားထုတ်ပြန်ခြင်း မရှိသေးပါဘူး။
6 years Ago

August 6, 2015

အပစ်ရပ်စာချုပ် အပြီးသတ်ရေး ဆွေးနွေး (ဓာတ်ပုံ)

ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ (ယူပီဒဗလျူစီ) နဲ့ တိုင်းရင်းသား လက်နက်ကိုင်အဖွဲ့အစည်းတွေရဲ့ တနိုင်ငံလုံး ပစ်ခတ်တိုက်ခိုက်မှု ရပ်စဲရေးဆိုင်ရာ အဆင်မြင့် ညှိနှိုင်းရေး ကိုယ်စားလှယ်အဖွဲ့ (အက်စ်ဒီ) တို့ ဒီနေ့ ရန်ကုန်မြို့ မြန်မာငြိမ်းချမ်းရေးစင်တာမှာ တွေ့ဆုံဆွေးနွေးနေကြပါတယ်။  
6 years Ago
Up