အကောင်းဆုံးနောက်ခံလူ

May 11, 2020

ဗန်ဒိုက်က ပရီးမီးယားလိဂ်သမိုင်းတလျှောက် အကောင်းဆုံးနောက်ခံလူဖြစ်ဟု ကွန်ပနီသုံးသပ်

ပရီးမီးယားလိဂ်သမိုင်းတလျှောက် အကောင်းဆုံးနောက်ခံလူဟာ ဗန်ဒိုက်ဖြစ်တယ်လို့ မန်စီးတီး နောက်ခံလူဟောင်း ကွန်ပနီက ပြောပါတယ်။  ဘယ်လ်ဂျီယံကလပ် အန်ဒါလက်ချ်အသင်းမှာ ကစားသမားနည်းပြအဖြစ် တာဝန်ယူနေတဲ့ ကွန်ပနီဟာ မန်စီးတီးအသင်းအတွက် ပွဲပေါင်း ၃၆၀ ခန့် ကစားခဲ့ပြီး ဆုဖလား ၁၂ လုံး ရယူနိုင်ခဲ့ပါတယ်။  ပရီးမီးယားလိဂ်သမိုင်းကြောင်းကို ပြန်ကြည့်မယ်ဆိုရင် ဂျွန်တယ်ရီ နဲ့ ရီယိုဖာဒီနန်တို့ဟာ အကောင်းဆုံး နောက်ခံလူတွေအဖြစ် နှစ်ပေါင်းများစွာ သတ်မှတ်ခံခဲ့ရပြီး လက်ရှိအချိန်မှာတော့ လီဗာပူးနောက်ခံလူဗန်ဒိုက်က အကောင်းဆုံးနောက်ခံလူ ဖြစ်လာတယ်လို့ ကွန်ပနီကဆိုပါတယ်။  လီဗာပူးအသင်းကို ဗန်ဒိုက်မရောက်ခင်နဲ့ ရောက်ပြီး အခြေအနေတွေဟာ လုံးဝကွဲပြားမူရှိတာကြောင့် ဗန်ဒိုက်ကသာ အကောင်းဆုံးနောက်ခံလူဖြစ်တယ်လို့ ကွန်ပနီကဆိုပါတယ်။  ဗန်ဒိုက်ဟာ ၂၀၁၈ ခုနှစ်က ဆောက်သမ်တန်ကနေ လီဗာပူးဆီပြောင်းရွှေ့လာခဲ့ပြီး ဥရောပချန်ပီယံဆုဖလား ရယူနိုင်ခဲ့ပါတယ်။ 
12 months Ago
Up