အကောင်းဆုံးခြေစွမ်း

October 23, 2020

မန်စီးတီးအသင်း အကောင်းဆုံးခြေစွမ်းမရသေးကြောင်း ကွင်းလယ်လူ ဂွမ်ဒိုဂမ် ပြော

မန်စီးတီးအသင်း အကောင်းဆုံးခြေစွမ်းရဖို့ ရုန်းကန်နေရတယ်လို့ ကွင်းလယ်လူ ဂွမ်ဒိုဂမ်က သုံးသပ်ပါတယ်။  ပေါ်တိုအသင်းကို ၃ ဂိုး ၁ ဂိုးနဲ့ အနိုင်ရခဲ့တဲ့ ချန်ပီယံလိဂ်ပွဲစဉ်အပြီးမှာ ကွင်းလယ်လူ ဂွမ်ဒိုဂမ်က ပြောကြားခဲ့တာပါ။  အဲဒီပွဲစဉ်မှာ မန်စီးတီးအသင်းက ဦးဆောင်ဂိုး စတင်ပေးခဲ့ရပြီး ချေပဂိုးနဲ့ အနိုင်ဂိုးတွေ သွင်းယူနိုင်ခဲ့လို့ နိုင်ပွဲရခဲ့တာပါ။  ဖရီးကစ်ကနေ အနိုင်ဂိုး သွင်းယူခဲ့တဲ့ ဂွမ်ဒိုဂမ်ကတော့ အကောင်းဆုံး ပုံစံမရသေးကြောင်း ဝန်ခံခဲ့ပြီး ကစားသမားတွေအနေနဲ့ မတူညီတဲ့နေရာတွေကို ပြောင်းလဲ ကစားနေရလို့ စိန်ခေါ်မှုတွေ ရှိနေပြီး သူကိုယ်တိုင်လည်း ရာနူန်းပြည့် ကြံ့ခိုင်မှု မရသေးကြောင်း ပြောပါတယ်။
1 year Ago

September 2, 2020

ဒယ်နီယယ်ဂျိမ်းစ်၏ အကောင်းဆုံးခြေစွမ်း ပြန်မြင်ရမည်ဟု ရွိုင်ယန်ဂစ်ပြော 

ဒယ်နီယယ်ဂျိမ်းစ်ဟာ မန်ယူအသင်းအတွက် အကောင်းဆုံး ခြေစွမ်း ပြန်လည်ပြသနိုင်လိမ့်မယ်လို့ ဝေးလ်နည်းပြ ရွိုင်ယန်ဂစ်က သုံးသပ်လိုက်ပါတယ်။  ဝေးလ်တောင်ပံတိုက်စစ်ကစားသမား ဒယ်နီယယ်ဂျိမ်းစ်ဟာ ပြီးခဲ့တဲ့ရာသီကမှ ဆွမ်ဆီးကနေ ပေါင် ၁၈ သန်းနဲ့ ပြောင်းရွှေ့လာခဲ့တာပါ။  အသင်းနဲ့ ပွဲဦးထွက် ၄ ပွဲမှာပဲ ၃ ဂိုးသွင်းယူနိုင်ခဲ့တဲ့ ဂျိမ်းစ်ဟာ ရာသီနောက်ပိုင်း ကာလမှာတော့ ပွဲထွက်ခွင့်ပျောက်ဆုံးခဲ့သူ ဖြစ်ပါတယ်။ အသက် ၂၂ နှစ်ရှိ ဒယ်နီယယ်ဂျိမ်းစ်ဟာ  ၂၀၁၉-၂၀၂၀ ဘောလုံးရာသီမှာ စုစုပေါင်း ၄၆ ပွဲ ကစားခဲ့ပြီး ရာသီနောက်ပိုင်းကာလမှာ ခြေစွမ်းပျောက်ဆုံးသွားခဲ့တာ ဖြစ်ပါတယ်။  ဝေးလ်လက်ရွေးစင် နည်းပြရွိုင်ယန်ဂစ်ကတော့ ဒယ်နီယယ်ဂျိမ်းစ်က ရာသီသိမ်းကာလမှာ ခြေစွမ်းပြသနိုင်ခြင်းမရှိတာ မှန်ပေမယ့်လည်း သူ့ရဲ့လေ့ကျင့်ပုံတွေနဲ့ စိတ်ဓာတ်ပိုင်းအရ မန်ယူနိုက်တက်အသင်းအတွက် ခြေစွမ်းကောင်းတွေ ပြန်လည်ပြသနိုင်ဦးမှာ ဖြစ်တယ်လို့ သုံးသပ်ပါတယ်။  ဒယ်နီယယ်ဂျိမ်းစ်ဟာ လက်ရှိအချိန်မှာ နေးရှင်းလိဂ်ပွဲစဉ်တွေ ကစားရမယ့် ဝေးလ်အသင်းနဲ့အတူ လေ့ကျင့်ခန်းဆင်းနေတာ ဖြစ်ပါတယ်။
1 year Ago
Up