အကောင်းဆုံးကစားသမားဆု

December 1, 2021

ပရိသတ်များ ရွေးချယ်သည့် အကောင်းဆုံးကစားသမားဆုကို လီဗာပူးတိုက်စစ်မှူး ဆာလက် ဆွတ်ခူး

ဘောလုံးပရိသတ်တွေက မဲပေးရွေးချယ်ခဲ့တဲ့ တစ်နှစ်တာ အကောင်းဆုံးကစားသမားဆုကို လီဗာပူး တိုက်စစ်မှူး ဆာလက်က ဆွတ်ခူးရရှိခဲ့ပါတယ်။ 

ဒီဆုကို ဘောလုံးပရိသတ်များအဖွဲ့အစည်းက စီစဉ်ပြီး ၂၀၂၁ ခုနှစ်အတွင်း ကလပ်အသင်းမှာ ပြသနိုင်ခဲ့တဲ့ စွမ်းဆောင်ရည်အပေါ် မူတည်ပြီး ပရိသတ် ၄ သိန်းက မဲပေးရွေးချယ် ပေးခဲ့တာပါ။ 

ဆာလက်ဟာ ၂၀၂၁ ခုနှစ်အတွင်း ပြိုင်ပွဲစုံမှာ ၃၂ ဂိုးသွင်းယူခဲ့ပြီး ပြိုင်ဘက်တွေကို အသာစီးနဲ့ ကျော်ဖြတ်ရယူနိုင်ခဲ့တာပါ။ 

ပရိသတ်တွေရဲ့ မဲပေးမှုမှာ ချဲလ်ဆီးကွင်းလယ်လူ မေဆန်မောင့်၊ မန်စီးတီးက ဖီးလ်ဖိုဒန်နဲ့ ရူဘင်ဒီယက်စ်၊ ဝက်စ်ဟမ်းတိုက်စစ်မှူး အမ်တွန်နီယို နဲ့ လက်စတာကွင်းလယ်လူ တိုင်လီမန်စ် တို့ကလည်း မဲအရေအတွက်များပြားခဲ့ပါတယ်။ 

ဆာလက်အတွက် နောက်ထပ် ထူးချွန်တဲ့ ဘောလုံးရာသီတစ်ခုဖြစ်ပြီး ကွင်းတွင်းမှာရော၊ ကွင်းပြင်ပမှာပါ ပရိသတ်တွေကို ဖမ်းစားနိုင်ခဲ့တယ်လို့ ဘောလုံးပရိသတ်များအဖွဲ့အစည်းရဲ့ အမှုဆောင်အရာရှိချုပ် ကီဗင်မိုင်းစ်က ပြောပါတယ်။ 

၂၀၂၁ ခုနှစ်အတွင်း အကောင်းဆုံး အမျိုးသမီးကစားသမားဆုကိုတော့ အာဆင်နယ်တိုက်စစ်မှူး ဗီဗီယန်နီ မီဒါမာက ရရှိခဲ့ပါတယ်။ 

FSA လို့ခေါ်တဲ့ ဘောလုံးပရိသတ်များအဖွဲ့ဟာ သတင်းစာ၊ ဆောင်းပါး၊ သုံးသပ်သူ အစရှိတဲ့ကဏ္ဍတွေအတွက်လည်း ဆုတွေ ရွေးချယ်ချီးမြှင့်ခဲ့ပါတယ်။

19 hours Ago

July 13, 2021

အီတလီနှင့်ပွဲတွင် ပင်နယ်တီကန်သွင်းမှု အကောင်းဆုံးသူများကို ဆောက်ဂိတ်ရွေးချယ်ခဲ့ခြင်းဖြစ်

အီတလီနဲ့ယူရိုဗိုလ်လုပွဲမှာ ပင်နယ်တီကန်သွင်းမှု အကောင်းဆုံးကစားသမားတွေကိုသာ နည်းပြ ဆောက်ဂိတ်က ရွေးချယ်ခဲ့တာလို့ သိရပါတယ်။ 

အင်္ဂလန်အသင်းဟာ ပင်နယ်တီအဆုံးအဖြတ်မှာ ကစားသမား ၃ ဦးအထိ လွဲချော်ခဲ့တာကြောင့် ၃ ဂိုး ၂ ဂိုးနဲ့ အီတလီကို ရှုံးနိမ့်ခဲ့ရတာပါ။ 

ပထမဆုံးပင်နယ်တီကို ဟာရီကိန်း၊ ဒုတိယမြောက်ပင်နယ်တီကို မက်ဂွိုင်းယား၊ တတိယ၊ စတုတ္ထနဲ့ ပဉ္စမမြောက် ပင်နယ်တီတွေကိုတော့ ရက်ရှ်ဖို့ဒ်၊ ဆန်ချို နဲ့ ဆာကာတို့ကန်သွင်းခဲ့တာပါ။

အဲဒီကစားသမား ၅ ဦးဟာ လေ့ကျင့်ရေးကွင်းမှာ ပင်နယ်တီကန်သွင်းမှု အကောင်းဆုံးကစားသမားဖြစ်တယ်လို့ ဒေးလီးမေးလ်သတင်းစာက ဖော်ပြခဲ့ပါတယ်။ 

အင်္ဂလန်အသင်းအနေနဲ့ အီတလီနဲ့ ပွဲမှာ ပင်နယ်တီဆက်ကန်ခွင့်ရခဲ့မယ်ဆိုရင် ဂရေးလစ်ရှ်၊ ပစ်ဖို့ဒ်နဲ့ ကယ်ဗင်ဖိလစ်တို့ကို အစဉ်လိုက်ကန်သွင်းစေမှာဖြစ်ပြီး စတာလင်ကိုတော့ နံပါတ် ၉ နေရာမှာ သတ်မှတ်ထားခဲ့တယ်လို့ သိရပါတယ်။

အင်္ဂလန်အသင်းဟာ ပင်နယ်တီကျိန်စာဆိုးကို ကျော်ဖြတ်နိုင်ဖို့အတွက် ပြီးခဲ့တဲ့နှစ် စက်တင်ဘာလကတည်းက လေ့ကျင့်ရေးပြုလုပ်ပြီးတိုင်း ကစားသမားတွေကို ပင်နယ်တီ ကန်သွင်းလေ့ကျင့်စေခဲ့တယ်လို့ သိရပါတယ်။

5 months Ago
More News
Up