အကောင်းဆုံးကစားသမား

September 11, 2022

မက်ဆီသာ သမိုင်းတလျှောက် အကောင်းဆုံးကစားသမားဟု နေမာ သုံးသပ်

ပီအက်စ်ဂျီအသင်းဖော်မက်ဆီကသာ သမိုင်းတလျှောက် အကောင်းဆုံးကစားသမားဖြစ်တယ်လို့ တိုက်စစ်မှူးနေမာက ပြောကြားလိုက်ပါတယ်။

DAZN Football မီဒီယာနဲ့ ရုပ်သံအင်တာဗျူးအစီအစဉ်မှာ နေမာက မက်ဆီနဲ့ ရော်နယ်ဒိုတို့အပေါ် အမြင်ကို ပြောပြခဲ့တာပါ။

မက်ဆီနဲ့ ရော်နယ်ဒိုနှစ်ဦးစလုံးက ပါရမီရှင် ကစားသမားတွေဖြစ်တယ်လို့ နေမာက ညွှန်းဆိုပါတယ်။

ဒါပေမဲ့ တစ်ဦးကိုပဲရွေးချယ်မယ် ဆိုရင်တော့ အတူတွဲဖက် ကစားဖူးတဲ့မက်ဆီကသာ သမိုင်းတစ်လျှောက် အကောင်းဆုံး ကစားသမားဖြစ်တယ်လို့ နေမာကပြောခဲ့တာပါ။

“လီယိုနဲ့ အတူတွဲဖက်ကစားရတာက ပြိုင်စံရှားတဲ့ အတွေ့အကြုံတွေရပြီး ကျနော်တို့ဟာ သူငယ်ချင်းတွေဖြစ်လာခဲ့တယ်။ ကျနော်မြင်ဖူးသမျှထဲ မှာတော့ မက်ဆီကသာ သမိုင်းတလျှောက်အကောင်းဆုံးကစားသမားဖြစ်တယ်”လို့ နေမာက ပြောပါတယ်။

ဒါ့အပြင် စပါးတိုက်စစ်မှူးဟာရီကိန်းကိုလည်း ပါးရည်နပ်ရည်ရှိတဲ့တိုက်စစ်မှူးလို့ နေမာကညွှန်းဆို ခဲ့ပြီး ဘင်ဇီမာကတော့ ဂန္ထဝင်တိုက်စစ်မှူးလို့ နေမာကပြောပါတယ်။

အခက်ခဲဆုံးနောက်ခံလူက မန်စီးတီးနောက်ခံလူ ကိုင်လီဝေါ်ကာဖြစ်ပြီး လျင်မြန်မှု၊ပါးနပ်မှုနဲ့ သန်မာမှုတွေ ပေါင်းစပ်ထားသူလို့ နေမာက ချီးကျူးခဲ့ပါတယ်။

3 months Ago

August 11, 2022

PFA အသင်းတွင် မန်စီးတီးကစားသမား ၃ ဦးသာ ပါဝင်သည့်အပေါ် ဆေးလ်ဗား ဝေဖန်

ပြီးခဲ့တဲ့ရာသီက PFA က ရွေးချယ်တဲ့ အကောင်းဆုံးဘောလုံးသမား စာရင်းမှာ ချန်ပီယံ မန်စီးတီးက ကစားသမား  ၃ ယောက်ပဲ ပါဝင်ခဲ့တာဟာ အဓိပ္ပါယ်မရှိတဲ့ရွေးချယ်မှု ဖြစ်တယ်လို့ မန်စီးတီးကွင်းလယ်လူ ဘာနာဒိုဆေးလ်ဗားက ဝေဖန်ပါတယ်။

ပရော်ဖက်ရှင်နယ် ဘောလုံးသမားများ အစည်းအရုံးလို့ ခေါ်တဲ့ PFA ဟာ ပြီးခဲ့တဲ့ရာသီအတွက် နေရာအလိုက် အကောင်းဆုံးကစားသမား ၁၁ ယောက်ရဲ့ စာရင်း ကြေညာခဲ့ပါတယ်။

အဲဒီကစားသမားစာရင်းမှာ ချန်ပီယံ မန်စီးတီးကစားသမား ၃ ယောက်သာ ပါဝင်ခဲ့ပြီး ဒုတိယရတဲ့ လီဗာပူးအသင်းရဲ့ ကစားသမားက ၆ ယောက်အထိ ပါဝင်နေတာ ဖြစ်ပါတယ်။

အဲဒီအပေါ်မှာ မန်စီးတီးကွင်းလယ်လူ ဘာနာဒိုဆေးလ်ဗားက ဝေဖန်ခဲ့ပြီး အဓိပ္ပါယ်မရှိကြောင်းနဲ့ နှစ်တိုင်းမှာ မန်စီးတီးကစားသမား အများဆုံး တကြိမ်မှ မပါခဲ့ဘူးကြောင်း ဝေဖန်ခဲ့တာပါ။

“ပရီးမီးယားလိဂ် တနှစ်တာအကောင်းဆုံး လူစာရင်းကို ကြည့်လိုက်ရင် ကျနော်တို့အသင်းက အများဆုံးပါဝင်တယ်ဆိုတာ မရှိခဲ့ဖူးဘူး။ ကျနော်တို့မှာ အကောင်းဆုံးနည်းပြ၊ အကောင်းဆုံး ကစားသမားတွေ မရှိပါဘူး။ ဒါပေမဲ့ ပြီးခဲ့တဲ့ ၅ နှစ်အတွင်းမှာ ကျနော်တို့က ချန်ပီယံ ၄ ကြိမ် ဖြစ်ခဲ့တာပါ။ ရွေးချယ်မှုက အဓိပ္ပါယ်မရှိပါဘူး” လို့ ဆေးလ်ဗားက ပြောပါတယ်။

PFA အသင်း ကွင်းလယ်မှာ ဒီဘရိုင်း၊ သီယာဂိုတို့နဲ့အတူ ဘာနာဒိုဆေးလ်ဗား ကိုယ်တိုင်လည်း ပါဝင်ပြီး တိုက်စစ် ၃ ယောက်တန်းမှာ ဆာလာ၊ ရော်နယ်ဒိုနဲ့ မာနေးတို့ ရွေးချယ်ခံခဲ့ရပါတယ်။

4 months Ago
More News
Up