ဟောလိဝုဒ်ရုပ်ရှင်

March 11, 2020

ဖြစ်ရပ်မှန်အခြေပြု ဂီတဒရာမာ ဟောလိဝုဒ်ရုပ်ရှင် - I Still Believe (နမူနာ)

ဖြစ်ရပ်မှန်အခြေပြု Music Drama အမျိုးအစားရုပ်ရှင်ကားတကားဖြစ်တဲ့ I Still Believe ကို နိုင်ငံတကာမှာ လာမယ့် မတ်လ ၁၃ ရက်နေ့မှာ ရုံတင်ပြသသွားမှာ ဖြစ်တယ်လို့ ကြော်ငြာထားပါတယ်။ ဒီကားကိုတော့ ဟောလိဝုဒ်ဒါရိုက်တာညီနောင် Erwin Brothers က ရိုက်ကူးပုံ ဖော်ပေးထားတာဖြစ်ပြီး Lionsgate ရုပ်ရှင်ထုတ်လုပ်ရေးကနေ ဖြန့်ချိပေးသွားမှာ ဖြစ်ပါ တယ်။ I Still Believe ဆိုတာကတော့ American Christian Music အဆိုတော်တ ယောက်ဖြစ်တဲ့ Jeremy Camp ရဲ့ သီချင်းတပုဒ်ပါ။ Camp ဟာ လွန်ခဲ့တဲ့ ၂၀၀၀ ပြည့်နှစ်လောက်မှာ ချစ်သူ Melissa နဲ့ လက်ထပ်ခဲ့ပါတယ်။ ဒါပေမယ့် ကံအကြောင်း မ လှစွာပဲ Melissa ဟာ တနှစ်အကြာမှာ သားအိမ်ခေါင်းကင်ဆာနဲ့ ကွယ်လွန်သွားခဲ့ ပါတယ်။ အဲဒီအချိန်မှာ Melissa ဟာ အသက် ၂၁ နှစ်သာ ရှိသေးပြီး Camp လည်း 23 နှစ်သာ ရှိပါသေးတယ်။ I Still Believe သီချင်းကတော့ Melissa ကွယ်လွန်ပြီးချိန်မှာ Camp က အမှတ်တရအနေနဲ့ ရေးစပ်သီဆိုပေးခဲ့တဲ့ သီချင်းပါ။ ဒီအကြောင်းအရာတွေ နဲ့အတူ ဘယ်လို လွမ်းဆွေးစရာ၊ ကြည်နူးစရာ ဇာတ်လမ်းဇာတ်ကွက်တွေနဲ့ ရိုက်ကူးပုံ ဖော်ထားမလဲ ဆိုတာကတော့ မကြာခင်မှာပဲ ဒီကားထဲမှာ ရှုစားကြရတော့မှာ ဖြစ်ပါ တယ်။ ဒီကားထဲမှာတော့ နယူးဇီလန် လူငယ်သရုပ်ဆောင်မင်းသား KJ Apa ၊ သရုပ် ဆောင်မင်းသမီး Britt Robertson တို့က ခေါင်းဆောင်ပါဝင်ထားပြီး နာမည်ကြီး Country အဆိုတော် Shania Twain ကလည်း Camp ရဲ့ မိခင်နေရာက အားဖြည့် ပါဝင် ထားခဲ့တာ ဖြစ်ပါတယ်။ ကြာမြင့်ချိန် ၁၁၅ မိနစ်ရှိတဲ့ ဒီကားထဲမှာ ပါဝင်တဲ့ တချို့ဇာတ်ဝင်ခန်းမြင်ကွင်း တွေ၊ ပြကွင်းပြကွက်တွေနဲ့ ပြောစကား Dialog တွေက ကလေးငယ်တွေ ကြည့်ရှုဖို့ မ သင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူခွင့်ပြုချက် Guideline နဲ့မှ ကြည့်ရှုသင့်တဲ့ PG အဆင့် သတ်မှတ်ထားပါတယ်။
2 years Ago

March 10, 2020

နပန်းမင်းသား Dave Bautista ခေါင်းဆောင် ပါဝင်သည့် ဟောလိဝုဒ်ရုပ်ရှင် - My Spy (နမူနာ)

ဟောလိဝုဒ် Action Comedy အမျိုးအစား ရုပ်ရှင်ကားတကားဖြစ်တဲ့ My Spy ကို လာမယ့်မတ်လ ၁၃ ရက်နေ့မှာ ရုံတင် ပြသသွားမှာဖြစ်တယ်လို့ ကြော်ငြာထားပါတယ်။ ဒီကားကိုတော့ STX Films က တင်ဆက်လိုက်တာဖြစ်ပြီး Anger Management ၊ 50 First Dates စတဲ့ ရုပ်ရှင်တွေနဲ့ နာမည်ကြီးတဲ့ အမေရိကန် ရုပ်ရှင်ဒါရိုက်တာ Peter Segal က ရိုက်ကူးပုံဖော်ပေးထားတာ ဖြစ်ပါတယ်။ ဒီကားထဲမှာတော့ My Spy ဆိုတဲ့အတိုင်းပဲ မိသားစုတစုကို စောင့်ကြည့်ရတဲ့ CIA အေးဂျင့်တယောက်ဖြစ်တဲ့ JJ Cena ရဲ့ အကြောင်းကို ပရိသတ်တွေက ရှုစားကြရမှာပါ။ သူ စောင့်ကြည့်ရတဲ့ မိသားစုထဲမှာတော့ Sophie Newton ဆိုတဲ့ ၉ နှစ်သမီးလေးတယောက်လည်း ပါနေပြီး ထင်မှတ်မထားပဲ JJ ကို စပိုင်အေးဂျင့်တယောက်မှန်း သိသွားတဲ့အခါမှာတော့ ဘာတွေ ဆက်ဖြစ်လာမလဲ၊ သူတို့နှစ်ယောက် ပူးပေါင်းပြီး ဘယ်လို ထူးထူးခြားခြား ဇာတ်လမ်း ဇာတ်ကွက်တွေနဲ့ ရိုက်ကူးပုံဖော်ထားမလဲ ဆိုတာကိုတော့ ဒီကားထဲမှာ ရှုစားကြရမှာ ဖြစ်ပါတယ်။ ဒီကားထဲမှာတော့ နာမည်ကြီး နပန်းသမားတယောက်လည်းဖြစ်တဲ့ ဟောလိဝုဒ်စတား သရုပ်ဆောင်မင်းသား Dave Bautista က ခေါင်းဆောင်ပါဝင်ထားပြီး သူနဲ့အတူ တခြားသရုပ်ဆောင်မင်းသားမင်းသမီးတွေ ဖြစ်ကြတဲ့ Kristen Schaal ၊ Ken Jeong တို့နဲ့အတူ ကလေးသရုပ်ဆောင် Chloe Coleman တို့ကလည်း ပါဝင်ထားကြတာ ဖြစ်ပါတယ်။ ဒီကားထဲမှာ ပါဝင်တဲ့ ကြမ်းတမ်းတဲ့ တချို့ဇာတ်ဝင်ခန်းမြင်ကွင်းတွေ၊ ပြကွင်းပြကွက်တွေနဲ့ ပြောစကား Dialog တွေက အသက် ၁၃ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက် Guideline နဲ့မှ ကြည့်ရှုသင့်တဲ့ PG-13 အဆင့် သတ်မှတ်ထားပါတယ်။ ဒီကားကိုတော့ ဘတ်ဂျတ်အမေရိကန်ဒေါ်လာ ၉၉ သန်း အကုန်အကျခံ ရိုက်ကူးထားတာ ဖြစ်ပါတယ်။ ကြာမြင့်ချိန် ၉၉ မိနစ်ရှိတဲ့ ဒီရုပ်ရှင်ကား Trailer ကို ယူကျုဘ်ပေါ်မှာတော့ လတ်တလောအချိန်ထိ ဝင်ရောက်ကြည့်ရှုကြတဲ့ အကြိမ်ရေ ၄ သန်းကျော် ရှိနေခဲ့တာ ဖြစ်ပါတယ်။
2 years Ago
More News
Up