ဟောလိဝုဒ်စတား

A d v e r t i s e m e n t With Us

August 12, 2020

ဟောလိဝုဒ်စတား ဒွိန်းဂျွန်ဆင် သရုပ်ဆောင်ကြေးအမြင့်ဆုံးမင်းသားအဖြစ် ၂ နှစ်ဆက်တိုက် ရပ်တည်

The Rock လို့ ပရိသတ်တွေ သိကြတဲ့ ဟောလိဝုဒ်စတား မင်းသား ဒွိန်းဂျွန်ဆင်ဟာ ၂၀၂၀ ပြည့်နှစ်အတွက် သရုပ်ဆောင်ကြေးအမြင့်ဆုံးရရှိတဲ့ မင်းသားတလက်အနေနဲ့ ရပ်တည်နေပါတယ်။ နာမည်ကြီး မဂ္ဂဇင်းတစောင်ဖြစ်တဲ့ ဖို့ဘ်စ်မဂ္ဂဇင်းက ရွေးချယ်ဖော်ပြခဲ့တဲ့ ဒီစာရင်းမှာ ဒွိန်းဂျွန်ဆင်က မနှစ်ကလည်း ဝင်ငွေ သရုပ်ဆောင်ကြေးအမြင့်ဆုံးနံပါတ် ၁ နေရာမှာ ရှိခဲ့တာမို့ ဒါက ၂ နှစ် ဆက်တိုက်ရပ်တည်နိုင်ခဲ့တာ ဖြစ်ပါတယ်။ နာမည်ကြီး ရုံတင်ဝင်ငွေ စံချိန်တင်ရုပ်ရှင်ကားတွေဖြစ်တဲ့ Hobbs & Shaw နဲ့ Skyscraper ရုပ်ရှင်ကားတွေမှာ ပါဝင်ခဲ့တဲ့ သူ့ရဲ့ဝင်ငွေကိုတော့ အမေရိကန်ဒေါ်လာ ၈၇ ဒသမ ၅ သန်းလို့ ဖော်ပြထားခဲ့ပြီး သူ့နောက်ကပ်ရက် ဒုတိယနေရာမှာတော့ Deadpool မင်းသား ရိုင်ယန်ရေးနိုးလ်ဒ်စ်က အမေရိကန်ဒေါ်လာ ၇၁ ဒသမ ၅ သန်းနဲ့ ရှိနေခဲ့တာပါ။ အခုနှစ်ကတော့ ဝင်ငွေထိပ်ဆုံးနေရာမှာ ရှိနေတဲ့ ဒွိန်းဂျွန်ဆင်ကလွဲလို့ နောက်ထပ် ထိပ်တန်းဝင်ငွေအကောင်းဆုံး ၁၀ ယောက်စာရင်းထဲ ဝင်လာသူတွေက မနှစ်ကနဲ့ ခြားနားမှုတွေ ရှိနေခဲ့ပါတယ်။ ဒွိန်းဂျွန်ဆင်နဲ့ ရိုင်ယန်ရေးနိုးလ်ဒ်စ်တို့ ၂ ယောက်ရဲ့ နောက်မှာတော့ ဟောလိဝုဒ် နာမည်ကျော်တွေဖြစ်ကြတဲ့ မာ့ခ်ဝေါလ်ဘာ့ဂ်၊ ဘင်အဲန်းဖလက်ခ်၊ ဗင်ဒီဇယ်လ်တို့က ဝင်ငွေ အမေရိကန်ဒေါ်လာ ၅၈ သန်း၊ ၅၅ သန်း၊ ၅၄ သန်းစီနဲ့ အသီးသီး ရှိနေခဲ့ကြတာ ဖြစ်ပါတယ်။ အမှတ်စဉ် ၆ နေရာမှာတော့ ဘောလိဝုဒ်စတား မင်းသား အက်ရှေးကူးမားက ဝင်ငွေ အမေရိကန်ဒေါ်လာ ၄၈ ဒသမ ၅ သန်းနဲ့ တဦးတည်းသော ဘောလိဝုဒ်သရုပ်ဆောင်အနေနဲ့ ပါဝင်လာခဲ့တာပါ။ အဲဒီနောက်မှာတော့ သရုပ်ဆောင်မင်းသားတွေဖြစ်ကြတဲ့ လင်းမန်နျူရယ်မီရန်ဒါ၊ ဝီလ်စမစ်သ်၊ အဒမ်မ်ဆန်ဒ်လာတို့က အသီးသီး ရှိနေခဲ့ကြပြီး နောက်ဆုံးအမှတ်စဉ် ၁၀ နေရာမှာတော့ နာမည်ကြီး ဟောင်ကောင်အက်ရှင်မင်းသားကြီး ဂျက်ကီချန်းက ဝင်ငွေ အမေရိကန် ဒေါ်လာသန်း ၄၀ နဲ့ ရှိနေခဲ့တာ ဖြစ်ပါတယ်။
6 months Ago

February 28, 2020

ရွှေကမ္ဘာလုံးဆုရှင်မင်းသား ဘင်အက်ဖလက်ခ်ပါဝင်သည့် Sports Drama ရုပ်ရှင် -The Way Back(ရုပ်သံ)

ဟောလိဝုဒ်စတား ဘင်အက်ဖလက်ခ်ခေါင်းဆောင်ပါဝင်ထားတဲ့ ထူးထူးခြားခြား Sports Drama အမျိုးအစား ရုပ်ရှင်-The Way Back ကို လာမယ့် သီတင်းပတ်ထဲမှာ ရုံ တင်ပြသသွားဖို့ ရှိနေပါတယ်။ ဒီကားကိုတော့ အမေရိကန်ရုပ်ရှင် ဒါရိုက်တာ Gavin O'Connor က ရိုက်ကူးပုံဖော် ပေးထားတာဖြစ်ပြီး နာမည်ကျော် ရုပ်ရှင်ထုတ်လုပ်ရေးကုမ္ပဏီ Warner Bros. Pictures က တင်ဆက်လိုက်တာ ဖြစ်ပါတယ်။  Jack Cunningham ဟာ တချိန်ကတော့ အထက်တန်းကျောင်းရဲ့ ပြိုင်ဘက်မရှိတဲ့ ဘတ်စကက်ဘောချန်ပီယံတယောက် ဖြစ်ခဲ့ပါတယ်။ ဒါပေမယ့် ရုတ်တရက်ပဲ အကြောင်း အရာတခုကြောင့် အဲဒီလောကထဲကနေ ထွက်ခွာခဲ့ရပြီး ဆောက်လုပ်ရေးလုပ်သားတ ယောက်အနေနဲ့ အဆင်မပြေမှုတွေနဲ့ အရက်စွဲနေခဲ့ပြီး ဘဝကို ဖြတ်သန်းနေခဲ့ပါတယ်။  တရက်မှာတော့ သူနေခဲ့တဲ့ ကျောင်းကပဲ သူ့ကို နည်းပြအနေနဲ့ ဘတ်စဘက်ဘောအသင်းကို ဦးဆောင်လေ့ကျင့်ပေးဖို့ ကမ်းလှမ်းလာချိန်မှာတော့ ဘာတွေ ဆက်ဖြစ်လာမလဲ။ အတိတ်မှာရော ဘယ်လိုအခြေအနေတွေက သူ့ကို ခုလိုဖြစ်စေခဲ့တာလဲ၊ တကျော့ပြန် နည်းပြတယောက်အနေနဲ့ ပြန်ရောက်လာချိန်မှာရော အောင်မြင်နိုင်ပါ့မလားဆိုတာတွေကို ဒရာမာဇာတ်လမ်းဇာတ်ကွက်တွေနဲ့ ဒီကားထဲမှာ ရှုစားကြရမှာ ဖြစ်ပါတယ်။  ဒီကားထဲမှာ သရုပ်ဆောင်မင်းသား ဘင်အက်ဖလက်ခ်နဲ့အတူ တခြားဟောလိဝုဒ် သရုပ်ဆောင်မင်းသားမင်းသမီးတွေ ဖြစ်ကြတဲ့ Al Madrigal ၊ Michaela Watkins ၊ Janina Gavankar စတဲ့ သရုပ်ဆောင်တွေလည်း ပါဝင်ထားကြပါတယ်။ ကြာမြင့်ချိန် ၁၀၈ မိနစ်ရှိတဲ့ ဒီရုပ်ရှင်ကားကိုတော့ ဘတ်ဂျက်အမေရိကန်ဒေါ်လာ ၂၅ သန်း အကုန်အကျခံ ရိုက်ကူးထားတာ ဖြစ်ပါတယ်။ Box Office မှာတော့ ဒီကားကို ရုံတင်ပြသမယ့် ပထမသီတင်းပတ်မှာတင် အမေရိကန်နဲ့ ကနေဒါမှာ အမေရိကန်ဒေါ်လာ ၇ သန်း ရရှိနိုင်မယ်လို့ ခန့်မှန်းထားပါတယ်။ ရွှေကမ္ဘာလုံးဆုတွေ၊ အကယ်ဒမီဆုတွေ ရရှိထားတဲ့ သရုပ်ဆောင်မင်းသား ဘင်အက်ဖလက်ခ်ပရိသတ်တွေ အကြိုက်တွေ့ကြမယ့် ဒီရုပ်ရှင်ကိုတော့ လာမယ့် မတ်လ ၆ ရက်နေ့ ရုံတင်ပြသသွားမယ်လို့ ကြေငြာထားပါတယ်။
11 months Ago
Up