ဟောင်ကောင်အစိုးရ

September 3, 2020

နိုင်ငံတကာ မီဒီယာများအား ဟောင်ကောင်အစိုးရ ဖိနှိပ်ရန် ကြိုးစားနေဟု တက်ကြွလှုပ်ရှားသူပြော

ဟောင်ကောင်အစိုးရဟာ နိုင်ငံတော် လုံခြုံရေးဥပဒေသစ်ကို အစိုးရနဲ့ သဘောထားကွဲလွဲသူ ဟောင်ကောင်သားတွေကိုသာမက နိုင်ငံတကာမီဒီယာတွေကိုပါ ဖိနှိပ်ဖို့ ကြိုးစားနေတယ်လို့ ဟောင်ကောင် ဒီမိုကရေစီလိုလားတဲ့ တက်ကြွလှုပ်ရှားသူ အန်းနက်စ်ချောင်က စက်တင်ဘာ ၁ ရက်မှာ ပြောလိုက်ပါတယ်။ သူဟာ ဥပဒေသစ်အောက်မှာ အဖမ်းခံရပြီး အာမခံနဲ့ ပြန်လွှတ်ခံရတဲ့ ပထမဆုံး ဒီမိုကရေစီ လိုလားတဲ့ ပြည်သူ့ခေါင်းဆောင်တဦးပါ။  ဒါပေမယ့် ရဲစခန်းမှာ ပုံမှန်သတင်းပို့နေရပြီး တိုင်ပိုရဲစခန်းမှာ ဒီဇင်ဘာ ၂ ရက်မှာလည်း နောက်တကြိမ် ထပ်ပြီး သတင်းပို့ရဦးမယ်လို့ သူက ပြောပါတယ်။ လူငယ်လှုပ်ရှားသူ ဂျိုရှုဝေါင်ရဲ့ ဒီမိုဆစ်တို ဒီမိုကရေစီလိုလားတဲ့အုပ်စုမှာ ခေါင်းဆောင်ဟောင်းတွေထဲက တယောက်လည်း ဖြစ်ပါတယ်။ သူတို့ အုပ်စုကိုတော့ ဥပဒေသစ် အသက်မသွင်းခင် အစိုးရက ဖျက်သိမ်းခဲ့ပါတယ်။ ဟောင်ကောင်အစိုးရဟာ ဒီဥပဒေသစ်ကို အသုံးချပြီး နိုင်ငံခြားသား သတင်းထောက်တွေအတွက် အလုပ်အကိုင်ဆိုင်ရာ ပြည်ဝင်ခွင့် လျှောက်လွှာကို ပယ်ချနိုင်သလို နိုင်ငံတကာ မီဒီယာရုံးတွေကို ရှာဖို့ တရားရုံးအမိန့်ကိုလည်း တောင်းခံအသုံးချနိုင်တယ်လို့ အန်းနက်စ်ချောင်က ပြောပါတယ်။  အဖျက်အမှောင့် လုပ်ရပ်တွေ လုပ်တာ၊ ခွဲထွက်တာ၊ အကြမ်းဖက်ဝါဒနဲ့ နိုင်ငံခြား စစ်တပ်တွေနဲ့ ပူးပေါင်း ကြံရာပါ လုပ်တာ တွေလို့ တရုတ်အစိုးရက မှတ်ယူတဲ့ ဘယ်လုပ်ရပ်အတွက်မဆို လုံခြုံရေးဥပဒေအသစ်အရ ထောင်ဒဏ် တသက်တကျွန်း ကျခံရနိုင်ပါတယ်။
8 months Ago

May 11, 2020

ဟောင်ကောင်အစိုးရအား ဆန့်ကျင်ဆန္ဒပြသူများနှင့် ရဲတပ်ဖွဲ့ ထိပ်တိုက်တွေ့

ဟောင်ကောင်က ကုန်တိုက်တန်းထဲမှာ အစိုးရဆန့်ကျင်ရေး ဆန္ဒပြသူတွေနဲ့ ရဲတွေ မေလ ၂၀ ရက်က ထိပ်တိုက်တွေ့ခဲ့ပြီး ရဲတွေက လူအုပ်ကို လူစုခွဲဖို့ ငရုတ်ကောင်းရည်တွေကို သုံးခဲ့ကြပါတယ်။ ပြည်သူတွေရဲ့ လူ့အခွင့်အရေးအတွက်ကိုတင် မဟုတ်ဘူး၊ အစိုးရဟာ လူစုလူဝေး လုပ်ခွင့်ကို ကန့်သတ်ရုံမက လွတ်လပ်စွာ စုဝေးမှုကိုလည်း နှိမ်နင်းနေတယ်လို့ အသက် ၄၀ အရွယ် ဆန္ဒပြသူ တဦးက ပြောပါတယ်။  “ဒါဟာ လူ့အခွင့်အရေးကို အကြီးအကျယ် ချိုးဖောက်မှုပဲလို့ ကျနော် ထင်တယ်။”   တချို့ ဆန္ဒပြသူတွေဟာ ဟောင်ကောင် လွတ်လပ်ရေးကို လိုလားကြောင်း ရေးထားတဲ့ အနက်ရောင် ဆိုင်းဘုတ်တွေကို ကိုင်ဆောင်ထားကြပြီး နာမည်ကျော် ဆန္ဒပြ သီချင်း   "Glory to Hong Kong" ကို အုပ်စုလိုက် သီဆိုခဲ့ကြပါတယ်။  မနှစ်က နှစ်ဝက်လုံး ရဲတွေနဲ့ ဒီမိုကရေစီလိုလားတဲ့ ဆန္ဒပြသူတွေကြား အကြမ်းဖက် ထိပ်တိုက်တွေ့မှုတွေကြောင့် ဟောင်ကောင်မှာ အစိုးရကို ဒေါသထွက်မှုတွေ ကျယ်ကျယ်ပြန့်ပြန့် ရှိနေဆဲပါ။ 
12 months Ago
More News
Up