ဟူသီတပ်ဖွဲ့

October 16, 2020

ဆော်ဒီဦးဆောင်သည့် ညွန့်ပေါင်းတပ်နှင့်ဟူသီတပ်ဖွဲ့တို့ စစ်သုံ့ပန်းများ လဲလှယ်

ယီမင်နိုင်ငံအတွင်း စစ်ဖြစ်နေတဲ့ ဘက်တွေက ဖမ်းထားတဲ့ စစ်သုံ့ပန်းတွေကို တင်လာတဲ့ လေယာဉ်တွေဟာ အစိုးရနဲ့ ဟူသီသူပုန်တွေ ထိန်းချုပ်ထားတဲ့ လေဆိပ်တွေဆီကို အောက်တိုဘာ ၁၅ ရက်က ရောက်ရှိခဲ့ကြပါတယ်။  ရှေ့တန်းက အမျိုးသား အယောက် ၁၀၀၀ လောက် အိမ်ပြန်နိုင်မယ့် စစ်ဆင်ရေးလည်း ဖြစ်တယ်လို့ ရိုက်တာသတင်းဌာနရဲ့ မျက်မြင်သက်သေတွေက ပြောပါတယ်။  ဆော်ဒီအာရေဗျဦးဆောင်တဲ့ ဒေသတွင်း မဟာမိတ်တပ်နဲ့ ယီမင်နိုင်ငံတွင်း ဟူသီ လှုပ်ရှားမှုက တပ်တို့ဟာ ဆော်ဒီနိုင်ငံသား ၁၅ယောက် အပါအဝင် အကျဉ်းသား ၁၀၈၁ ယောက်ကို ဖလှယ်ဖို့ ဆွစ်ဇာလန်နိုင်ငံမှာ အရင်လက ကျင်းပတဲ့ ဆွေးနွေးပွဲအတွင်း သဘောတူခဲ့ကြပါတယ်။  ဒါဟာ ၂၀၁၈ ဒီဇင်ဘာ ငြိမ်းချမ်းရေးဆွေးနွေးပွဲတွေ ရပ်နေကတည်းက ခုထိ အကြီးဆုံး စစ်သုံ့ပန်း လဲလှယ်မှုလည်း ဖြစ်ပါတယ်။ ဟူသီတွေက ပြန်လွှတ်ပေးလိုက်တဲ့ ဆော်ဒီခေါင်းဆောင်တဲ့ ညွန့်ပေါင်းတပ်ဖွဲ့ဝင်တွေဟာလည်း စာနာမြို့တော်က ဟူသီတွေ ထိန်းချုပ်ထားတဲ့ လေဆိပ်ကို ရောက်ရှိလာခဲ့ကြပါတယ်။  ညွန့်ပေါင်းတပ်တွေက ပြန်လွှတ်ပေးလိုက်တဲ့ ဟူသီတပ်ဖွဲ့ဝင် စစ်သုံ့ပန်းတွေကို တင်လာတဲ့ လေယာဉ်ကတော့ အစိုးရက ထိန်းချုပ်ထားတဲ့ ဟာဒရာမောင့်ဒေသက ဆာရုံလေဆိပ်ဆီ ဆင်းသက်ခဲ့တယ်လို့ ရိုက်တာ မျက်မြင်သက်သေက ပြောပါတယ်။   ငြိမ်းချမ်းရေး ဆွေးနွေးပွဲတွေ ပြန်စနိုင်ရေး သဘောတူညီချက်အရ ဟူသီတွေက ဆော်ဒီ စစ်သည် ၁၅ယောက်နဲ့ ဆူဒန်စစ်သည် လေးယောက်အပါအဝင် လူ ၄၀၀ ဝန်းကျင်ကို လွှတ်ပေးမှာ ဖြစ်ပြီး ဆော်ဒီဦးဆောင်တဲ့ ညွန့်ပေါင်းတပ်က ဟူသီတိုက်ခိုက်ရေးသမား ၆၈၁ ယောက်ကို လွှတ်ပေးရင်း ယုံကြည်မှု တည်ဆောက်ကြမှာပါ။  အီရန်က ကျောထောက်နောက်ခံ ပေးထားတဲ့ဟူသီတွေက နိုင်ငံတကာ အသိအမှတ်ပြု ယီမင်အစိုးရကို ၂၀၁၄ မှာ မြို့တော်စာနာကနေ တိုက်ထုတ်ခဲ့ပါတယ်။  ၂၀၁၅ မတ်လမှာ အနောက်နိုင်ငံတွေက ကျောထောက်နောက်ခံ ပေးထားတဲ့ ဆော်ဒီ ဦးဆောင်တဲ့ ညွန့်ပေါင်းတပ်က  ယီမင်အစိုးရတပ်ဘက်က ဝင်တိုက်ရင်း ယီမင်နိုင်ငံရေးကို ကြားဝင် စွက်ဖက်ခဲ့ပါတယ်။  ဒါကြောင့် ယီမင်စစ်ပွဲဟာ အီရန်နဲ့ ဆော်ဒီအာရေဗျတို့ရဲ့ ကြားခံ တပ်တွေကြားက စစ်ပွဲ ဖြစ်ပြီး ဟူသီတွေက မြို့တော်နဲ့ မြို့ကြီးတွေရဲ့ မြို့လယ် အများစုကို ထိန်းချုပ်ထားပါတယ်။  ဒီစစ်ပွဲအတွင်း လူ ၁ သိန်းကျော် သေဆုံးပြီး ကမ္ဘာ့အကြီးဆုံး လူသားချင်း စာနာမှု အကြပ်အတည်း ဖြစ်လာခဲ့တယ်လို့ ကုလသမဂ္ဂက သတ်မှတ်ရည်ညွှန်းထားပါတယ်။
1 year Ago

September 29, 2019

ဆော်ဒီနယ်စပ်ကိုတိုက်ခိုက်ပြီး စစ်သားများအား ဖမ်းဆီးဟု ဟူသီတပ်ဖွဲ့ပြော

ယီမင်နိုင်ငံအတွင်း အီရန်နဲ့ မဟာမိတ်ပြုထားတဲ့ ဟူသီအုပ်စုက ဆော်ဒီအာရေဗျနိုင်ငံ တောင်ပိုင်း နာ့ဂျ်ရန်ဒေသ နယ်စပ်နားကို တိုက်ခိုက်ခဲ့ပြီး စစ်တပ် အရာရှိအတော်များများကို ဖမ်းခေါ်လာခဲ့တယ်လို့ စက်တင်ဘာ ၂၈ ရက်မှာ ပြောပါတယ်။  ဒါပေမယ့် ဆော်ဒီအာရေဗျ အာဏာပိုင်တွေဆီက အတည်ပြုချက်ကိုတော့ ချက်ချင်း မရသေးပါဘူး။  ထောင်နဲ့ချီတဲ့ ရန်သူစစ်သားတွေနဲ့ ရာနဲ့ချီတဲ့ ကားတွေကို သိမ်းပိုက်ခဲ့တယ်လို့ ဟူသီစစ်တပ် ပြောခွင့်ရက ကြေညာချက် ထုတ်ပြန် ပြောဆိုပါတယ်။  ယီမင်နိုင်ငံအတွင်း ဟူသီတွေနဲ့ လေးနှစ်ကြာ စစ်တိုက်နေတဲ့ ဆော်ဒီ ဦးဆောင်တဲ့ စစ်တပ် ညွန့်ပေါင်းအဖွဲ့ ပြောခွင့်ရကတော့ မှတ်ချက်အတွက် တောင်းဆိုချက်ကို မတုံ့ပြန်သေးပါဘူး။ === ယီမင္ႏိုင္ငံအတြင္း အီရန္နဲ႔ မဟာမိတ္ျပဳထားတဲ့ ဟူသီအုပ္စုက ေဆာ္ဒီအာေရဗ်ႏိုင္ငံ ေတာင္ပိုင္း နာ့ဂ်္ရန္ေဒသ နယ္စပ္နားကို တိုက္ခိုက္ခဲ့ၿပီး စစ္တပ္ အရာရွိအေတာ္မ်ားမ်ားကို ဖမ္းေခၚလာခဲ့တယ္လို႔ စက္တင္ဘာ ၂၈ ရက္မွာ ေျပာပါတယ္။ ဒါေပမယ့္ ေဆာ္ဒီအာေရဗ် အာဏာပိုင္ေတြဆီက အတည္ျပဳခ်က္ကိုေတာ့ ခ်က္ခ်င္း မရေသးပါဘူး။ ေထာင္နဲ႔ခ်ီတဲ့ ရန္သူစစ္သားေတြနဲ႔ ရာနဲ႔ခ်ီတဲ့ ကားေတြကို သိမ္းပိုက္ခဲ့တယ္လို႔ ဟူသီစစ္တပ္ ေျပာခြင့္ရက ေၾကညာခ်က္ ထုတ္ျပန္ ေျပာဆိုပါတယ္။ ယီမင္ႏိုင္ငံအတြင္း ဟူသီေတြနဲ႔ ေလးႏွစ္ၾကာ စစ္တိုက္ေနတဲ့ ေဆာ္ဒီ ဦးေဆာင္တဲ့ စစ္တပ္ ၫြန႔္ေပါင္းအဖြဲ႕ ေျပာခြင့္ရကေတာ့ မွတ္ခ်က္အတြက္ ေတာင္းဆိုခ်က္ကို မတုံ႔ျပန္ေသးပါဘူး။
2 years Ago
Up